moin moin

sali zämme

so, s letschmol wohni gschribe ha bini glaub ir nöchi vo heidelbärg gsi und ha mi zimli über unsre iiheimisch ufgregt !!! das isch zum glück au verbi gange und mir sind erfolgriich in richtig schwiz ufbroche !!!
Die einte lüt womer döt in heidelbärg kenne gleert händ, händ uns an unserem abreisedaag bis churz vor d schwizer gränze mitgnoh...eifach so, wüller gfunde het, naja, mir händ grad nüt z tue und ihr sind geili sieche...mir fahre euch mol gueti250 km in euchi richtig :-D
Ich cha euch sage, das sind so geili type gsi, es het widermol bewise, dases au nätti mensche git uf dere wält !!!

Dr dome und ich sind an däm daag no bis zur raschtstedt heidiland cho und händ döt uf de pick-nics tisch übernachtet....:-) am negschte daag isches witers gange in richtig lausanne und womer in bärn ahcho sind, hämer gfunde, wülls so heiss gsi isch und mr fascht ewäg glofe sind unter unserne hüet und kluft, mir näme jetzt dr zug !!!!
Dr zug isch iigfahre, dr condicteur (schribt me das so ??) usgstige...mir zu ihm ahne und eimol zünftig vorgsproche ob er uns würd mitneh...
Für ihn isches voll kei problem gsi und mir händ dörfe iistige !!!
Mir also ihne in de zug und immerno voll am schwitze wo d fahrt in richtig lausanne losgange isch !!
Plötzlich isch dr Zugsfierer us siner lok use und dure zug grennt...dr zug isch gstande zu däm zitpunkt verstooht sich ;-)
Woner zrug cho isch, heter gmeint, mir sölle doch füre cho in d lok, döt sigs klimatisiert ... uf das hämer uns natürlich nit 2 mol bitt loh und mir sind vo bärn nach lausanne in dr lok mitgfahre....:-D
Nach erzählige, wie so e lok funktioniert, wievill lüt er scho überfahre het, waser suscht alles no so macht und wär er isch, nachere demonstration vonere notbräms und witere luschtige sache, hämer den au usegfunde, wurum er den dure zug zrug grennt isch....
ER HET UFS WC MIESSE !!!
Dr zug het dur das ei zwei minute verspötig kah was mr aber wider ufgholt händ....d durchsag im zug für d gescht isch aber öbe e so gange:"meine damen und herren, wegen eines technischen defekts an der fahrleitung konnten wir vorübegehend nicht mehr weiter fahren. die störung ist mitlerweile behoben und wir sollten pünktlich in lausanne ankommen. wir bitten alle reisenden um verständniss und wünschen weiterhin eine angenehme fahrt."
Jetzt wüsseter au was ame los isch, wen dr zug nit witers fahrt.

In lausanne simer den ans zugsträffe gange vo de durchdiener und mir händ e schöne obe mit all dene russe wo döt gsi sind und dene ei zwei dütsch schwizer verbrocht, bises den am gliche obe, oder eher morge scho wder in richtig bärn gange isch uf d raschtstedt go übernachte !!

am negschte daag isches in richtig walesee witers gange, hange blibe simer aber in küssnacht am rigi, womer den schön mitem diesel und dr claudia abgmacht händ im pup (dr diesel und d claudia sind kollege us düstchland wo in d schwiz zoge sind).
mit dene beide hämer den schön gfeschtet und sind den zu ihne go penne. mir händs den am negschte daag tatsächlich no an walesee gschafft womer am gliche dag no dr roberto und dr sascha (ehemalige mitinhaber vom modus) troffe händ.
dr roberto het gfunde er welle ei nacht mit uns mitcho und au mol erläbe wie das so isch uf wanderschaft...gesagt getan ischer mitcho und het glaub zimli unbequem gschlofe und vorallem chalt kah...tja, er hets jo welle wüsse ;-)
Aber uf jedefall isches schön gsi ihn widermol gseh z ha !!! :-D

Mir händ den no e nacht am walesee pennt und sind am negschte dag an bodesee ufe und döt no chli umeghange, bevor mr zur gruppe gstosse sind, wo d steffi heibrocht het (d steffi vom rohrschacher bärg)
D steffi hämer erfolgriich hei brocht und d party womer kah händ in gossau isch au super gsi...i bi bis am 5i am morge vorem füür gsässe und ha bier und wisswii trunke !!!
mis schweschterli isch mi den am sunntig no cho bsueche was mi natürlig sehr gfreut het nach me as eim joor nüme seh !!!:-D :-D :-D
an däm fescht het sich no e helikopterflug im wallis so spontan ergeh (tja mir frmde chömme irgendwie immer uf so tolli sache ;-))
also bini am mentig abgreist is wallis....döt ahcho, erscht am negschte daag, wülli kei luscht me kah ha zum trampe, isch das ganze helikopter fliege au scho wider ins wasser keit, das gechi nur im winter...:-( Suuuuuuper.............
Mir sind aber zum glück es paar gsi und mir händ es auto zur verfüegig kah also simer churzerhand nach gräche gfahre und ich bi den grad döt blibe und ha s aline bsuecht....
in dere nacht hani widermol chönne zwüsche 27 better ussueche :-)

Witers ischs gange in richtig goms s wallis duruf....i ha döt eigentlig übere furka und den über oberalp pass fahre, aber die wo mi mitgnoh händ, sind halt übere suschte, den über gotthard und erscht den über oberalppass, was mir jo aber eigentlig egal isch gsi, den so hani e schöni autopassdur gmacht und bi mit de gliche lüt no mitgfahre bis uf flims, was für de daag mis ändziel gsi isch, ok, was heisst daag, für die negschte 3 monet mis ändziel gsi isch !!
das isch so zimli gnau ahfangs september gsi !!!

So, sit den bini also scho in flims am schaffe...i ha relativ schnäll arbet gfunde in thusis hinde, was öbe 20, wen nit me km vo flims ewäg isch....für mich aber nit witers schlimm.
I ha nämliimmer öbe die gliiche lüt womi mitnäme und das nür wülli am 2. daag scho verpannt ha und i ha miesse trampe...die lüt womi den mitgnoh händ, deie näme mi jetzt immer mit ;-) fazit: Ziel erreicht und verschlofe cha au mol guet si :-D
Nach einere wuche schaffe hani den am sunntig au scho geburtsdaag kah und d steffi und d claudia sind mi in flims obe cho bsueche, was mi sehr gfreut het !!!mir händ zämme e schöns wucheend verbrocht und vill gfeschtet und verzelle kah !!!
Meci villmol euch nomol für s gschenk oder d gschenkt, meci au nomol mami für s jäggli, es git schön warm....aber e grossi überläbensduur rächni em jetzt nit unbedingt ah :-S s schaffe interlost spuure !!
Es budefescht hets au scho geh für die lüt wo cho sind und für die lüt wo gange sind !!! es isch imli luschtig gsi...naja, dr einzig nochteil isch gsi am zwölfi hets kei bier me kah, also simer den go penne !!!

Momentan bini aber grad nöi,e ganz anders wülli einehalb wuche ferie ha...sit i döt wäg bi, hämer d lena heibrocht und am negschte samschtig isch es grosses gselleträffe womer hi gönd...nach däm träffe gohts den wider go schaffe bis ändi november und denn, mini liebe, den gohts ab in süde...

e super schlusswort findi und drum sagi machets guet und passet uf euch uf, i machs au, me seht sih hoffentlig bald mol, villicht in flims wär weiss...
also ganz liebi grüess, vo do...eure Viddli...cu