Dr Pepi isch erwanderet

Sali zämme
Woni s letscht mol gschribe ha....isch d kluft no zimmli nass gsi, trotzdäm bini zobe nomol use mitem kolleg vo landshut ane party wome 5 euro itritt zahlt het und denn het chönne drinke sovill me het welle ;-)
mitlerwiile isch d kluft wider droche, naja, wie mes nimmt...ame isch si so durchnesst vom schweiss das me meine chönnt i bi ine bach keit....:-D naja, aber alles nit so wild...schliesslig muess me miteme vogtbursch au chli tipple ;-)
Apropo, mi vogtbursch isch mitlerwiile in unsri chreis ufgnoh worde und das erschtno am 1. auguscht....!!!!!!!

Mir sind denn also wider vo landshut abgreist und hän uns ufe wäg richtig forchheim gmacht, wo d steffi heicho isch....s fescht isch sosolala gsi und mir sind denn am sunntig wider verreist, zwar als die letsche 3 aber naja, irgendöbis isch jo bekanntlich immer...vo döt us isches eimol meh nach bielefeld ei nacht go usruihe, wüll am negschte daag isches mitem Pepi (ehem. Vogtbursch, damals no vogtbursch) los gange für ei nacht nach hamburg....döt hämer mi cousin dr tobias troffe und d helfti oder alli vo siner klass....mit dene simer natürlig grad zur brigitte ins st. pauli eck eingo zie....ein isch guet, d brigitte isch in fahrt cho und het die buebe abgfüllt vorallem ein het miesse liide....naja, so isches halt weme zur brigitte e grossi schnure het :-D

am negschte daag isches wider zrugg nach bielefeld und döt simer denn au blibe bis am mentig....vo döt us isches denn los gange in richtig norde genauer gseit nach cuxhaven, womer eigentlig am 12i mitem leif (FFB) abgmacht kah händ, mir sind denn am 2 am nomittag au acho und hänen au am abgmachte ort troffe.....dr zwäck vom träffe isch d reis nach helgoland gsi.....
Am negschte daag simer uf d fähri gange, die het öbe 2 stund kah bis si döt gsi isch.... und wie mr halt so sind, ach so, helgoland isch zollfrei, simer go schnaps iichafe und sind ab uf d düne übere s uns lo guet go....schön bi korncola und rum zuebereitet vom johannes und guete sälbergmachte sandwiches, hämer uns in sand gleggt, em sunneuntergang zuegluegt, de robe wie si am strand gläge sind und uf die iisezendi ebbe gwartet, wome nochert guet und rächt 50m ins meer ine het chönne laufe, ohni nass zwerde !!!!!!

am negschte daag isch s retour gange nach büsum und vo döt us nach kassel, naja, fascht kassel em johannes si vogtbursch go abhole...wie das lauft sötte jo mitlerwiile ali wüsse und au genau so isches usecho....;-)
Über diversi feschtli und abstürz, vorallem vom robert (vogtbursch vom johannes) isches in richtig dänemark gange womer mutti und meister sind go bsueche....!!!! Dr andi het uns denn ds flensburg abgholt und isch mit nis nach egernsund an hafe gfahre womer es paar chilligi däg ufem und näbem boot verbrocht hän !!!!
am Samschtig druf isches am morge los gange wider nach flensburg um döt mini eltere zträffe !!! es sind alli drbi gsi familie jäger und lubich vo bielefeld, dr dome, dr johannes, dr robert, dr Pepi, mini eltere und ich....
e so simer den au schön go ässe und händ uns e schöne daag am dampfrundum in flensburg gmacht !!!!

Witers ischs gange über kiel, zume iiheimische nach eutin go d baustell ahluege womer mol gmacht händ wider nach landshut an d landshuter hochzit was aber nit soo dr burner gsi isch....
aber trotzdäm hämers wie immer glatt kah und gmietlig und uns das spektakel mol ahgluegt !!!!
Vo landshut us hani mi denn elei mitem Pepi ufgmacht in dr absicht ihn am 1. auguscht z erwandere....mir sind über münche nach augsburg vo döt nach leonberg wo uns für e nacht e wohnig überloh worde isch und nachert isch witer nach heidelberg, das heisst nach rotenberg zum iiheimische freiheitsbrueder jens lehmann.....

Acho simer erfolgriich, nume mit ihm klappts nit so wie mir uns das so vorstelle, arbet bringt er fascht keini ahne, wüller ein isch wo gärn wenig schafft aber vill verdiene wot....!!!
denn verlang er pro nacht vo jedem vo uns 10 euro macht für 4 lüt 1200 euro im monet meh für ihn....
1. cha s ässe und dr strom womer meh verbruche do bi ihm nie so vill choschte
2.dörf me nit meh als 500ml wasser in wasserchocher fülle wüls jo mit meh wasser meh strom brucht und wen weniger wasser din isch gohter kaputt....
3. verdiene mr gar nit so vill, das mr alles woner wot chönnte zahle....
tja, i würd sage, päch kah !!!!! aber i glaub weni alles würd ufzelle wäri morn zobe am 12 no dra am schribe !!!

NAja, mir händs trotzdäm guet kah und hän arbet bimene winzer gfunde, womer e wand iizoge händ in sinere halle und es 3 meter hochs tor für sini halle....
zmittagässe hets au immer geh und kaffi und chueche.....widermol total liebi lüt im gegesatz zu andere !!!!

So, in 2 wuche gohts witers in richtig schwiz, e anderi steffi go hei bringe, si isch öbe vierehalb joor unterwägs gsi und chunnt vom rorschacherbärg.....s fescht findet aber in gossau statt und wird bestimmt luschtig !!!!
Villicht hänge mr no e wuche lenger in dr schwiz dra und gön nach lausanne ans zugsträff...isch aber noni sicher wenn das isch, drum stoht das au no chli in de sterne !!!!!

So i hoff i ha euch wider e chli öbis über mini reili und gschichte chönne verzelle und nöcher bringe...
Achso, mir sind grad am schaffe für unsri reis nach nordafrika chönne z finanziere.....so richtig klappe duet wie gseit nit, aber mol luege wie nach dr schwiz in hannover wird !!!!

Also, machets guet und basset uf euch uf, i machs au !!!! tschüss zäme und bis dann und wann.....
Ganz liebi grüess vo mir, em viddli cu