lang lang isch här !!!

sali zämme

lang isches här sit i dr letscht blog gschribe ha und es wird widermol zit !!!
nach mim reisebericht vo unsere reis durch italie frankrich und spanie, simer den au scho bald wider abgreist vo la gomera, den i cha euch sage, wen me 2 monet ufere insle isch un me niene richtig wäg cha, wome mol sini rueh het, den goht eim das zimli ufe sack.....
naja, das sich jo jetzt gschicht und i bi wider heil, ok, fascht heil in dütschland ahcho (düsseldorf)
i bi nämli zimli bsoffe uf gomera e wand abe gheit und ha mr, wahrschinlich me dure alkohol e hörsturz iigfange oder gholt !!!
den hets halt zerscht mol gheisse uskuriere....
widermol z bielefeld hani jede daag zum arzt miesse und mir infusione lo stäche...10 mol hinterenand...!!!!
Dr patric isch aber den zum glück no zuegreist und mir händ zu 2 e chli bielefeld unsicher gmacht !!!
womer den abgreist sind isch zerscht mol e losgehparty vome steimetz ahgseit gsi...wie so e losgehparty ablauft wüsset ihr jo alli öbe ;-)
nach dere party isches ab nach pole ufe gange...danzig ischs ziel gsi und nachere 8 stündige zugfahrt durch ganz pole dure simer tatsächlich ahcho und händ au ali wo scho döt gsi sind ahtroffe...fremdeträffe isch nämlig ahgseit gsi !!!
Uf guet dütsch, ei party jagt die anderi...ei bier s andere, ei kneipe die ander !!!
nach fascht einere wuche pole und danzig hämer ali gnueh kah vo de pole und ihrem bier und mir sind wider retour !!
Am bahnhof vo stettin simer am zwölfi znacht gschtrandet und händ miesse warte bis dr negscht zug über d gränze fahrt, aber gschlofe het keine !!!
Vo type wo dr drfo verzelle das si grad usem knascht chömme us dütschlnd und suschtige komische gschtalte hämer so zimli alles gseh uf däm bahnhof und i hät im läbe nie es aug zue kriegt !!! :-(
aber au döt simer schluss am änd wäg cho und wider über d gränze zrug nach dütschland !!
vo döt us simer ane ort wo glashütte heisst....mir sind nume an dä ort, wüll döt uf dr dütschland charte genau ei strooss ane fiert abe keini me wäg und i cha euch sage in glashütte, wüsset ihr wases dört git !!?? genau "NüT" !!!!!
mir häns jo gwüsst und vermuetet, aber trotzdäm simer ane in die gottverlasseni gegend um se uns z beguetachte ;-)
Drnoch simer zum pawel sine eltere hei (dr pawel het damals dr dominic mitgnoh und isch au bi mir gsi) döt hämer den zerscht mol fascht e wuche lang usgspannt und uns lo guet go bis mr den ändli emol los sind um dr jens mit hei zbringe !!!
in weimar hämer zerscht mol die ganze gselle verpasst und mir händ uns ufe wäg gmacht se z sueche !!! in erfurt hämer die ganz bandi den wider gfunde und dr obe isch gmietlig verlofe !!
am samschtig simer den an sim ortsschild gsi und ir händ en drüber kickt !!er, wider dehei, mir am feschte..!!! nüt neus sozusage...
am mentig hani e lift (eine wo uns mitnimmt isch e lift) klar gmacht wo dr patric und mich in richtig bodesee mitgnoh het...de herr hani scho kennt und wüll mr grad in dr gegend gsi sind, hani dänkt, i lüt em emol ah...

Dialog:
Ich:"hey maik, alles klar"
Maik:" hey kleiner jou alles klar...was treibste"?
ich;"hmmm...ich will in die schweiz runter am montag, mit patric"
maik:"oou cool, ich fahre am montag in richtung bodensee wollt ihr mit "?
ich:"na klar, kommst du uns abholen "?
maik:" ja kann ich machen wo seit ihr den"?
ich:"in mainz"
maik:"ok ich bin um 12 da, bis dann "
ich:" ok bis dann"

und zack.....bodensee, ok, fast bodensee.
dr maik het d maike drbi gha, e iheimischi vome andere schacht woni au scho lenger kenn mitlerwiile und mir händ immer es rise gaudi zämme...
dr maik het döt unde in "bad saulgau" en blockbaukurs mitgmacht und so es biz mitgleitet...i han ihn ufem hiwäg scho gfrogt kah, ob mir au chönnte mitmache, aber er het gmeint er sigi usbuecht...hmm... naja, päch hani dänkt und hami ins usgschänkte hotelzimmer ins bett glegt.
....und schwup isch nüni am morge gsi und dr maik isch bi uns is zimmer ine gstürmt cho

maik:" hey jungs es sind zwei abgesprungen wollt ihr jetzt mitmachen oder nicht ??"
mir:" na klar machen wir mit !!"

me muess bedänke das de kurs öbe 390 euro gchoschtet hät....HäTT...
die firme wo de kurs macht, heten uns usgschänkt.....:-D plus e schlofplatz inere finische cota wo ufem firmegländ stoht plus bier und grilade :-D
putzt und gstriglet simer gsi und dr kurst isch cool gsi...dr chef und die ahgstellt sind alli cool druf gsi und si händ gmeint, hey jungs, wen dr in dr gegend sind, eifach verbi cho, für euch isch immer e platz frei :-D....super cooli mensche !!!!!!!!!!!!!

so ab jetzt hets gheisse ab in richtig schwiz....und ufe gurte !! wie dr jo villicht mitbecho händ, hämer ufem gurte unser 100 jöhrigs schachtsjubiläum gfiirt !!! und mit gfiirt meini gfiirt !!!! ;-)
es sind so gege die 200 freiheitsbrüedere do gsi vo de ganz junge bis zu dene wo chum me hän chönne laufe alles wo rang und name het het sich blicke lo !!
mir händ vom donnschtig bis am sunntig, ok ehner mentig etlichi fässer bier, unzehligi kilos fleisch und viiiiil salat :-P verspise...es isch e super schöns fescht gsi und jede isch uf sini choschte cho...mir wono gholfe händ ufbau und vorberite, die wo nur für s fescht cho sind, dr chef vo do obe dr rüedu, d gescht, eifach alli und i ha nit ei negativi stimm zu däm fescht ghört, es het eifach nur spass gmacht !!!

so und jetzt isch no einiges ztue do obe, e neui schüne muess ahne womer mache do obe und dr rüedu het au immer öbis z tue für uns, wen d sunne schiint isches do obe ebe au no schön ;-)

also das wärs widermol gsi vo miner site und i hoff euch gohts allne guet...i würd meine me miesst sich alli zämme widermol neume träffe, i würd euch scho gärn widermol gseh...
also, machets guet und basset uf euch uf, i machs au....ganz liebi griess vo mir, em David