Hoi zämme
Wideremol, wie scho so oft, hock in bielefeld bi de Jägers und schrib e rundi in mi blog ine....
I glaub stohblibe bini ungefehr in hamburg nach dr davidwach und irgendwelchne stroossepenner wo an gegeständ ahne seiche ;-)
Naja, zerscht mol, wiehnacht isch ganz luschtig oder bessergseit ok gsi, mir hän dr 24 unteranderem do bi jägers im wohnzimmer verbrocht mit guetem ässe und vill gschänkli vorallem füre marvin.
Aber ob drs glaubet oder nit, au mir händ öbis becho ;-) Vo dehei isch e päckli cho mit wiehnachtsguzzeli und vorallem läckerli...mmmmhhh, i glaub über die hani mi am meischte gfreut :-) Es paar sälbergstrickti socke vo mim mami (woni übrigens grad a ha) e chli schoggi us dr schwiz für die dütsche schoggibanause und e videobootschaft vo mine eltere und em schweschterli, was mi mega gfreut het !!! :-)
Dr 25. het zerscht mol gaaaanz gmietli ahgfange, mit zmörgele und au witers isch nit vill bassiert, user das mr zobe zu kollege vo unsne beide huusherre gange sind und döt ei zwei bierli drunke händ, eigentlig ganz gmietlig gsi und luschtig :-)
hmmm...,nachdäm mr in eutin ändlich abgreist sind, hämer uns zerscht mol e glüehwii gönt in eutin am wiehnachtsmärt, wenn me das so nenne cha...drnoch hämer uns s ziel Lüneburg (was e super schöni stadt isch) gsetzt...eigentlig nume us eim, ok us zwei gründ, in richtig neui kluft z cho und eventuell, fals mr se finde würde, d alina z träffe...i glaub vo ihre hani no nie öbis verzellt, was jo nit witers schlimm isch ;-) E sehr e schöni frau isches uf jedefall...!!
naja, s het denn halt nit welle si und drum hämer uns denn in die negscht kneipe gsetzt und ei bier nachem andere in chopf gstellt und uns mol nachere tiefgarage erkundigt wo mr uns hätte chönne anelege !!
d servierdüse het denn gfrogt, ob mr wirklig döt penne wänn, und mir natürlig, jo klar wiso au nit, duse isches zu chalt !!!
Churzerhand het si uns denn zu ihre hei gnoh und i sag euch, au si isch nit e schlächti gsi !! :-)
unser päch numme isch gsi wüll si sich nit getraut het uns zwei elei zu ihre in d wohnig mit zneh, das si eme kolleg ahglüte het und dä denn cho isch und au no döt pennt het, bi ihre, IM BETT :-(
gscheech nüt schlimmers, simer no ei nacht döt blibe und hän ime EC-hotel übernachtet, was e bankevorrum isch.....am halb säxi am morge simer denn au vo de bulle vetribe worde und witer zoge in richtig Ohrebach raststette, was an dr A7 ligt.
Im dorf Ohrebach ahcho, wo mr jo schomol gnächtigt hän, simer wider zu dere familie hei und sind sehr härzlig empfange worde !!!
Am negschte daag, e riise zmorgeässe geh und gsterkt in richtig creglingen losgacht um d kluft abzhole !!
Au das mit dr kluft het dipdop funktioniert und wie usem ei keit simer bi cappele (kluftschnieder) wider usegloffe um unsi neui kluft i zschmoore...
Hop zag in die negscht kneipe ihne und uf d hose (büchs) ufs schilet (veste) und us jagget (s jacket) je e halbe liter bier in chopf gstellt...:-D
Gsterkt wider use, es isch scho dunkel gsi, simer denn wider in richtig bad mergentheim, wo mr jo au letscht mol hi sind, ins frankies go witer kluft ischmoore...
dr obe isch lenger und lenger worde und schlussändli simer bi dr polizei vo mergentheim glandet.
mir hän dört in dr schleuse chönne penne, hän no e tee kriegt und sind denn am negschte morge widermol sau frieh gweckt worde und witer zoge ins negschte kaffi.
Im kaffi ahcho hämer kei plan kah was mache und vorallem wo hi mit dr zit...mir hän erscht am 20. in bielefeld miesse si, obwohl mr jo sowiso voll d datümer nüm im griff kah hän, und denn hani im dome vorgschlage, das mr doch uf münche gön, go versueche es autogramm vo dr heidi klum in unsri wanderbiecher z becho, do jo casting gsi isch vo de topmodells...
hehe....zimli schnäll simer denn au in münche unde gsi und hän zerscht mol gluegt wo mr penne sölle und i cha euch sage, die norddütsche sind definitiv vill fründlicher als die im süde...im norde wärs nie es problem gsi, ime spital es leers zimmer für ei nacht z becho, genau so bi dr füürwehr...in münche het me das chönne vergässe und denn blibt inere grossstadt wie münche halt nur no d tiefgarage...was aber au sehr agnähm cha si !!
am negschte daag hämer denn s mässegländ vo münche afo sueche und dr erscht womer gfrogt hän het gmeint, jo alles gradus, was jo gstume het und es gech öbe dreiviertel stund bis döt hi.........................................nach öbe 5 stund laufe simer denn acho :-S
was i aber scho mol verrote cha isch das mr s heidi leider nit persönlich troffe hän und es het au kei möglichkeit geh döt ine z cho, aber es isch ganz amüsant gsi z luege, wie d fraue wo usekeit sind mit je mit öbe 2 koffer und einere täsche ume glofe sind, für ei daag muessi ahmerke und mir uf unserne charlies hocke für 3-4 joor ;-) e super bild :-D
ufem wiehnachtsmärt ahcho bi de Riem arcade, so wie das döt heisst, het uns denn ein iiglade zum glüewii drinke...wenns nur bi däm blibe wär....das isch widermol so e super typ gsi, wo uns gseit het, mir chönne suffe so vill mr wän und m burger king ässe so vill mr wän, er zahlt alles....!!!
Mir sind denn ine sone chlini bar und hän halt uf sini chöschte gsoffe und gässe, bi ihm und siner fründin dehei pennt, duscht und zmorge gässe und wider verreist....am ganze obe het er uns 70 euro no so eifach zuegseckt, damit mr öbis hän heter gmeint !!!.....i glaub i muess gar nit me drüber sage :-D
Am negschte dag het und münche denn nüm welle und mir sind uf die negscht raschte use tramptwo mr beidi überhaupt gar e kei bock kah händ irgendwelchi lüt ahzspreche ob si platz heige zwei reisendi handwärker mitzneh, also was mache wenns eim ahkackt ?? genau eifach mol ins griene use ins negschte kaff und in die negscht kneipe.
Nach einehalb fläsche jacky ischs uns denn au zimli guet gange, aber eigentlig au nur wüll die zwei hübsche servicedame uns immer e mischig vo öbe dreiviertel jacky und dr räscht cola nur no für d farb gmacht händ und e rise spass dra ka händ.
Mit dene zwei simer denn au no öbe bis am 2 am morge in dr beiz gsi und hän witer bächeret !!
Leidergottes hän si uns nit mit zu sich gnoh sondern im negschte EC-hotel abgliferet wo mr denn wie scho so oft am negschte morge vo de bulle gweckt worde sind....uf guet dütsch, voll d arschcharte zoge !!!!!!!!!!!!!!!!!!!!
E dag spöter und wider ei zwei erfahrige riicher simer wider uf die raschte zrug und sind denn ändlich vo münche wider wäg cho und do mr uf dr charte gseh händ, dases e gmeind git wo "Kuchen" heisst, hämer gseit, döt gömer uns e stämpeli go hole....gesagt getan, simer in merklingen (döt chunnt d märklin modellisebahn här, wäms öbis seit) wider usegumpt und dure schnee ins dorf zume schlofplatz sueche, was an däm obe nit klappt het....was heisst das für zwei freiheitsbrieder ???? Genau, in die negscht kneipe und abwarte in mim fall, warten und tee trinken, was sogar stimmt !! :-D
Jo e stund spöter isch denn au ein in d kneipe ine stüürt und het gfrogt ob er sich zu uns setze dörfi, was notürlich kei problem isch gsi !!
Er het gmeint er sigi tischler, also schrinermeischter und miessi bis vor wiehnachte no ime studentewohnheim es paar türe iibaue, ob mir ihm nit hälfe chönnte.
tja, leider hämer jo nach bielefeld miesse und hän ihm das au gseit, aber notürlig nit usgloh, das mr no en schlofplatz sueche !!!
Er het uns denn bi sich ufgnoh, uns s geschtebett zur verfiegig gstellt und am negschte morge woni d tür ufgmacht ha, isch s zmorge au scho vor dr tür gstande....:-D
Mir sind denn no bi ihm in dr firma verbi und hän uns bedankt und sind denn richtig kuchen, ebe das dorf witer nach stuttgard.
unsri stempeli abgholt in kuchen und in sttgard ahcho hämer wider inere tiefgarage pennt womer erstunlicherwiis us eigene sache wider use sind und nit wüll uns d polizei gweckt het.
Au in stuttgard notürlich gstämplet gstämplet gstämplet und wider witers in richtig bielefeld...
ach so, in stuttgrad simer ufem schwizer konsulat go e stämpel hole, het mol ganz guet do schwizerdütsch z rede :-D
Am 18. in bielefeld ahcho bime kolleg vo do, er isch uns mitem auto cho abhole...simer uf d höchi (friedrichhöhe) ein go zieh !!!
mir händ denn die erscht nacht bi ihm pennt und am negschte daag no mit ihm und siner fründin mit go luege wo er jetzt schafft...isch ganz e schöni kneipe, es kolpinghuus....dört no zimli lang gsässe und denn ändlig mol zu de jägers...!!!
Am 20. isch denn firmeässe vo im sim gschäft gsi aso vo dr dachdeckerfirma....das wiehnachtsässe isch so lang gange wie ichs no nie erläbt ha...es het au uf dr höchi statt gfunde und isch sage und schreibe 14.5 stund gange....vom sächsi zobe, bis am halb achti am andere morge.....es ruschends fescht....:-D
Die däg zwüschem wiehnachtsässe und wiehnacht sälber hani no zwei mol mitem philipp abgmacht (mi altgsell) und eme ehemalige reisekamerad vo ihm....woni ha miesse merke, das i whisky nit vertrag :-S ;-)
Jo und jetzt hock i do und schrib euch wies mr so ergange isch und freu mi wie es chlises chind druf zumindescht es paar vo euch in arosa obe z gseh !!! i glaub das wird e riiiiiiise sach und mir werde enand vill z verzelle ha, hoff i zumindescht, weni vorhär nit alles scho do ufsgschribe ha ;-)
also medels und jungs, machets guet und bis in öbe 5 daag, emel für es paar...cuund basset uf euch uf, i machs au.....ganz liebi griess us bielefeld...Viddli
Freitag, 26. Dezember 2008
Mittwoch, 19. November 2008
Hoi Zämme
Puuh, zerscht mol e schlugg bier........guet, jetzt chani ahfo :-D
Es git wider vill z verzelle vo do obe usem norde....,während däm i do ine im Wintergarte HOck, stürmts duse wie nit ganz bache und hüt bim schaffe (mir sind grad amene Balkon dra) hets fascht die ganz zit so gniiselet und drzue ane no gwindet, zum chotze sag i euch....warm ischs au nit grad....aber me cha sich jo guet ahzieh ;-)
Nachdem i s letscht mol gschribe ha isch zimli bald drnoch öbis irgendwie luschtigs aber irgendwie au nit so guets passiert, aso emel für d huusbesitzer...
Dr Bauherr vo do, ganz e nätte eigentlig, aber mir händ immer s gfühl kah, er verbrennt so ei zwei sache in dr heizig woner nit döt...und eines daages, es isch churz vor füürobe gsi, qualmt das usem Chamin ufem dach use wie wenn e alti Dampflok würd gas geh und es het au no obe use gfunkt....Ich natürlig riise auge gmacht und ine grennt und in chäller abe gruefe....."Hey Wolgang, hör auf Dachpappe zu verbrennen.....!!!" Kei antwort isch cho und ich ha dänkt, jo frogsch mol d birgitt (bauherrin) was los sig.....sit het denn nur gmeint:" nöö Wolfang sitzt im wintergarten hinten, warum ??"
Ich natürlig afo erkläre was los isch und si het riise auge gmacht...
Denn bini wider zum dome use und er het gmeiont (er isch jo in dr füürwehr gsi) :" Das isch e Cheminebrand...sofort dr Füürwehr ahlüte...!!"
Mir das ihne gseit, was mache si, si lüte em Cheemifäger ah :-S Mann mann mann...kei ahnig die lüt...;-)
Mir hänse denn no chönne drzue überrede das si dr Füürwehr alüte und die sind au cho....
Ich an d strooss füre gstande um iizwiise...1. Bullechare 2. Füürwehrmaa in Zivil 3. Bullechare 4. TLF Füürwehr 5. Füürwehr 6. Tlf Füürwehr 7.,8., und öbe 9., no meh vo dr Füürwehr......ufgforderet hämer nur s kader vo dene, was si au anschienend gsi sind....aber jo :-D
Mir natürlich vom dach us alles beobachtet und nume glache...20 lüt sind ume gstande und dr räscht...öbe 3 lüt händ öbis gmacht...;-)
Naja...so vill zur füürwehr...
Ei zwei wucheend spöter, nacheme stritt zwüsche mir undeme bruederhärz in Flensburg, hämer zerscht mol am Bahnhof übernachtet, wülls uns nüm ufe letschte zug glängt het...naja, chunnt vor ;-)
Am morge frieh wider in eutin ahcho isches nit lang gange und mir händ los gmacht nach Belzig...das isch in dr nöchi vo berlin...
Dr Leif (so heisst dä) het es auto chönne organisiere, e BMW Cabrio womer hän chönne drmit abe fahre... D hi fahrt isch einigermasse gange obwohl mr z fünft in däm 4 plätzer gsässe sind...extrem ängi fahrt über öbe 5 stund...naja, als gscheech nüt schlimmers ;-)
Churz bevor mr in Belzig (Bude vo uns) ahcho sind, hämer natürlig s verdeck uf gmacht (es het öbe 10 grad kah) und sin so vorgfahre...natürlig nit ohni Bier in dr hand ;-)
Naja...so e Iheimischmäldig isch eigentlig immer s gliich...gselleparty, vill schwätze, suffe und eifach nomol dä fiire wo nachere wuche denn hei goh wot...!!!
Es sei denn, me miesst am negschte daag nit wider 5-6 stund hei fahre, was ich ha dörfe mache...:-( alles halb so wild, schön am 12 znacht am samschtig bini go penne und am 12 am nomittag am sunntig bini wider ufgstande und ha, bis mr ääääändlig wider losgfahre sind, was bi wandersgselle nit eifach isch si loszbringe....nüt, aber au gaaar nüt trunke, o.k. abgseh vo cola....
Am Vieri schetz i simer denn ändlig abgfahre, natürlig mit ofenem verdeck aber dismol mit 5 freiheitsbrieder und eim interessent im chare anstatt mit vier lüt....
Ich zitier mich jetzt mol sälber gschnäll:"Hey Leute, wenn uns die Bullen anhalten, die Strafe wird geteilt...!!!"
Gesagt getan, ich losgfahre um die erscht kurve und zack....wär stoht 100 meter witer forne....genau, die Bullen....:-(
Churz spitz hani ahghalte und 3 vo uns sind use gumpt, churz abgmacht wie was wo und witer gfahre.....und usegwunke worde...
Dialog:
B: "Grüsse sie, Führerschein und Zulassung bitte"
Wie wenn ich gwüsst hät wo dr Fahrzügschiin vo däm chare isch, billet hani drbi kah
Ich:" Moin.....Jou, einen moment bitte"
suchsuchsuch....ah gfunde
B:" Steigen sie bitte mal aus Herr Forrer und folgen sie mir"
Ich usgstige und gmacht waser gseit het....Bim Bullechare ahcho
B:" So Herr Forrer, Blasen sie bitte mal hier rein bis ich stopp sage" (ins Alkoholteschtgrätli verstoht sich he ;-))
Ich:"FFFFFFFFFFFFFFFFFF"
Gerät:"Piiiiiiiiep"
B:" Stopp, einen kleinen augenblick ja"
Ich:"Jou"
B:" A-ha.....sehr gut, 0.00"
Ich zerschtmol erlichteret und nacherd gseit
Ich:" Ist ja klar, hab heute morgen nichts getrunken!!!"
B:"Aber sagne sie mal, sie wissen schon Wiviele in diesem auto mitfahren dürfen....
Ich:" Naja, ich denke mal 4 ne !!??"
B:" Ja und wieville waren denn vorher, wo wir sie gesehen haben drin ??"
Ich:" Ich hab KEINE AHNUNG!" ;-)
In zwüschezit sin die andre womer churzfrischtig use gloh händ verbii gloffe und nur so gseit....:" Grüsst euch bruderherzen, wo kommt ihr denn her :-D??" hahahaha
D heimfahrt nacherd hämer den ohni stroof und schlussändlich glich mit 5 lüt im auto beendet in eutin obe...was aber sehr ahstrengend gsi isch...fahr mol mit 4 betrunkene gselle5 stund über die dütsche autobahne, wos au nomeh alkohol git uf de raschtschtette....:-S
So nach däm sind es paar arbetsriichi wuche ins immer stürmerische norddütsche land zoge und es isch dr daag cho wo sich dr dome und ich nach marschacht (Süd-öschtlich vo hamburg) begeh händ um dört vo unsrem schacht us organisierte Kurs z bsueche....Rechnerische abbund...aso das wo me mol vor ei bis zwei joor in dr schuel kah het widermol e chli ufzfrüsche.....
I muess sage, nach es paar stund het das ganze wider einigermasse funktionier und mir händ ganzi dachstüehl wider im schloof chönne berechne (o.k. e biz übetribe :-))
Mir sind öbe 13 gselle gsi vo ganz verschidene schächt, wo teilgnoh händ....
S eintig problem wo mr kah händ, guet was heisst problem...zobe isch öbe 10 km vo döt entfärnt e schlagerparty gsi :-D :-D :-D alles klar ;-) ????
D Nacht isch lang gsi und dr morge vill z churz, was hiesse söll, mr händ ei halbe dag, vo einehalb dag kurs verpaast, o.k. o.k. verpennt....:-S schlimm isch nit gsi, wüll jo alli wüsse wo döt gsi sind, das mr an die party gange sind.....;-)
Naja, däm nit gnue, hämer beschlosse am mentig blau z mache, was bi uns au "blaue mäntig" gnennt wird, und nach hamburg z goh......das heisst, dr dome, dr philipp (eine vo de rächtschaffene fremde) und ich, händ d nacht in hamburg in de zimli gröschte absturzkneipene verbroocht und sind am morge druf uf d Davidwach go e stämpeli hole...mit alkoholtescht....
Dr tescht isch nit mit 0.00 usgfalle wie in belzig das isch s einzig woni drzue sag.....:-S
An däm Daag, naht, oder wases den au gsi isch hämer unter anderem no irgendwelchne stroossepenner zuegluegt wie si Bullechäre zueseiche und no villem anderem züg....
Jamburg isch immer e reis wärt, mängmol meh, mängmol weniger.....:-)
So und jetzt hock i do und schrib, loos e biz musig und lo dr obe usklinge....
I bi immerno froh wemer vo do chönne abreise und unsri kluft go hole....i gib mr mieh das i denn mol ei zwei föteli cha ufelade...oder em eint oder andere schicke...i gib mr alli mieh :-D
Also liebi lüt, hebet d ohre stiff, basset uf euch uf, i machs au und diend nit z wild....
Bis bald hoff i in dr schwiz, eure Viddli
Puuh, zerscht mol e schlugg bier........guet, jetzt chani ahfo :-D
Es git wider vill z verzelle vo do obe usem norde....,während däm i do ine im Wintergarte HOck, stürmts duse wie nit ganz bache und hüt bim schaffe (mir sind grad amene Balkon dra) hets fascht die ganz zit so gniiselet und drzue ane no gwindet, zum chotze sag i euch....warm ischs au nit grad....aber me cha sich jo guet ahzieh ;-)
Nachdem i s letscht mol gschribe ha isch zimli bald drnoch öbis irgendwie luschtigs aber irgendwie au nit so guets passiert, aso emel für d huusbesitzer...
Dr Bauherr vo do, ganz e nätte eigentlig, aber mir händ immer s gfühl kah, er verbrennt so ei zwei sache in dr heizig woner nit döt...und eines daages, es isch churz vor füürobe gsi, qualmt das usem Chamin ufem dach use wie wenn e alti Dampflok würd gas geh und es het au no obe use gfunkt....Ich natürlig riise auge gmacht und ine grennt und in chäller abe gruefe....."Hey Wolgang, hör auf Dachpappe zu verbrennen.....!!!" Kei antwort isch cho und ich ha dänkt, jo frogsch mol d birgitt (bauherrin) was los sig.....sit het denn nur gmeint:" nöö Wolfang sitzt im wintergarten hinten, warum ??"
Ich natürlig afo erkläre was los isch und si het riise auge gmacht...
Denn bini wider zum dome use und er het gmeiont (er isch jo in dr füürwehr gsi) :" Das isch e Cheminebrand...sofort dr Füürwehr ahlüte...!!"
Mir das ihne gseit, was mache si, si lüte em Cheemifäger ah :-S Mann mann mann...kei ahnig die lüt...;-)
Mir hänse denn no chönne drzue überrede das si dr Füürwehr alüte und die sind au cho....
Ich an d strooss füre gstande um iizwiise...1. Bullechare 2. Füürwehrmaa in Zivil 3. Bullechare 4. TLF Füürwehr 5. Füürwehr 6. Tlf Füürwehr 7.,8., und öbe 9., no meh vo dr Füürwehr......ufgforderet hämer nur s kader vo dene, was si au anschienend gsi sind....aber jo :-D
Mir natürlich vom dach us alles beobachtet und nume glache...20 lüt sind ume gstande und dr räscht...öbe 3 lüt händ öbis gmacht...;-)
Naja...so vill zur füürwehr...
Ei zwei wucheend spöter, nacheme stritt zwüsche mir undeme bruederhärz in Flensburg, hämer zerscht mol am Bahnhof übernachtet, wülls uns nüm ufe letschte zug glängt het...naja, chunnt vor ;-)
Am morge frieh wider in eutin ahcho isches nit lang gange und mir händ los gmacht nach Belzig...das isch in dr nöchi vo berlin...
Dr Leif (so heisst dä) het es auto chönne organisiere, e BMW Cabrio womer hän chönne drmit abe fahre... D hi fahrt isch einigermasse gange obwohl mr z fünft in däm 4 plätzer gsässe sind...extrem ängi fahrt über öbe 5 stund...naja, als gscheech nüt schlimmers ;-)
Churz bevor mr in Belzig (Bude vo uns) ahcho sind, hämer natürlig s verdeck uf gmacht (es het öbe 10 grad kah) und sin so vorgfahre...natürlig nit ohni Bier in dr hand ;-)
Naja...so e Iheimischmäldig isch eigentlig immer s gliich...gselleparty, vill schwätze, suffe und eifach nomol dä fiire wo nachere wuche denn hei goh wot...!!!
Es sei denn, me miesst am negschte daag nit wider 5-6 stund hei fahre, was ich ha dörfe mache...:-( alles halb so wild, schön am 12 znacht am samschtig bini go penne und am 12 am nomittag am sunntig bini wider ufgstande und ha, bis mr ääääändlig wider losgfahre sind, was bi wandersgselle nit eifach isch si loszbringe....nüt, aber au gaaar nüt trunke, o.k. abgseh vo cola....
Am Vieri schetz i simer denn ändlig abgfahre, natürlig mit ofenem verdeck aber dismol mit 5 freiheitsbrieder und eim interessent im chare anstatt mit vier lüt....
Ich zitier mich jetzt mol sälber gschnäll:"Hey Leute, wenn uns die Bullen anhalten, die Strafe wird geteilt...!!!"
Gesagt getan, ich losgfahre um die erscht kurve und zack....wär stoht 100 meter witer forne....genau, die Bullen....:-(
Churz spitz hani ahghalte und 3 vo uns sind use gumpt, churz abgmacht wie was wo und witer gfahre.....und usegwunke worde...
Dialog:
B: "Grüsse sie, Führerschein und Zulassung bitte"
Wie wenn ich gwüsst hät wo dr Fahrzügschiin vo däm chare isch, billet hani drbi kah
Ich:" Moin.....Jou, einen moment bitte"
suchsuchsuch....ah gfunde
B:" Steigen sie bitte mal aus Herr Forrer und folgen sie mir"
Ich usgstige und gmacht waser gseit het....Bim Bullechare ahcho
B:" So Herr Forrer, Blasen sie bitte mal hier rein bis ich stopp sage" (ins Alkoholteschtgrätli verstoht sich he ;-))
Ich:"FFFFFFFFFFFFFFFFFF"
Gerät:"Piiiiiiiiep"
B:" Stopp, einen kleinen augenblick ja"
Ich:"Jou"
B:" A-ha.....sehr gut, 0.00"
Ich zerschtmol erlichteret und nacherd gseit
Ich:" Ist ja klar, hab heute morgen nichts getrunken!!!"
B:"Aber sagne sie mal, sie wissen schon Wiviele in diesem auto mitfahren dürfen....
Ich:" Naja, ich denke mal 4 ne !!??"
B:" Ja und wieville waren denn vorher, wo wir sie gesehen haben drin ??"
Ich:" Ich hab KEINE AHNUNG!" ;-)
In zwüschezit sin die andre womer churzfrischtig use gloh händ verbii gloffe und nur so gseit....:" Grüsst euch bruderherzen, wo kommt ihr denn her :-D??" hahahaha
D heimfahrt nacherd hämer den ohni stroof und schlussändlich glich mit 5 lüt im auto beendet in eutin obe...was aber sehr ahstrengend gsi isch...fahr mol mit 4 betrunkene gselle5 stund über die dütsche autobahne, wos au nomeh alkohol git uf de raschtschtette....:-S
So nach däm sind es paar arbetsriichi wuche ins immer stürmerische norddütsche land zoge und es isch dr daag cho wo sich dr dome und ich nach marschacht (Süd-öschtlich vo hamburg) begeh händ um dört vo unsrem schacht us organisierte Kurs z bsueche....Rechnerische abbund...aso das wo me mol vor ei bis zwei joor in dr schuel kah het widermol e chli ufzfrüsche.....
I muess sage, nach es paar stund het das ganze wider einigermasse funktionier und mir händ ganzi dachstüehl wider im schloof chönne berechne (o.k. e biz übetribe :-))
Mir sind öbe 13 gselle gsi vo ganz verschidene schächt, wo teilgnoh händ....
S eintig problem wo mr kah händ, guet was heisst problem...zobe isch öbe 10 km vo döt entfärnt e schlagerparty gsi :-D :-D :-D alles klar ;-) ????
D Nacht isch lang gsi und dr morge vill z churz, was hiesse söll, mr händ ei halbe dag, vo einehalb dag kurs verpaast, o.k. o.k. verpennt....:-S schlimm isch nit gsi, wüll jo alli wüsse wo döt gsi sind, das mr an die party gange sind.....;-)
Naja, däm nit gnue, hämer beschlosse am mentig blau z mache, was bi uns au "blaue mäntig" gnennt wird, und nach hamburg z goh......das heisst, dr dome, dr philipp (eine vo de rächtschaffene fremde) und ich, händ d nacht in hamburg in de zimli gröschte absturzkneipene verbroocht und sind am morge druf uf d Davidwach go e stämpeli hole...mit alkoholtescht....
Dr tescht isch nit mit 0.00 usgfalle wie in belzig das isch s einzig woni drzue sag.....:-S
An däm Daag, naht, oder wases den au gsi isch hämer unter anderem no irgendwelchne stroossepenner zuegluegt wie si Bullechäre zueseiche und no villem anderem züg....
Jamburg isch immer e reis wärt, mängmol meh, mängmol weniger.....:-)
So und jetzt hock i do und schrib, loos e biz musig und lo dr obe usklinge....
I bi immerno froh wemer vo do chönne abreise und unsri kluft go hole....i gib mr mieh das i denn mol ei zwei föteli cha ufelade...oder em eint oder andere schicke...i gib mr alli mieh :-D
Also liebi lüt, hebet d ohre stiff, basset uf euch uf, i machs au und diend nit z wild....
Bis bald hoff i in dr schwiz, eure Viddli
Sonntag, 5. Oktober 2008
Räge in Eutin
Hoi zämme
So, nach langem nit schribe wider emol, hani mi wider mol an pc ghockt um euch e chli z verzelle was so lauft bi mir und mine reisekamerade !!!
I glaub s letscht mol hani uf St. pauli gschribe woni im internetkaffi gsässe bi....;-)
Sit denn isch einiges glofe und d zit raaast numme so drhi !!!
Uf jedefall hän sich dr Dome und ich nach unsrem Hamburg ufenthalt in richtig oschtdütschland ufgmacht um döt dr roberto und s fränzi bi ihrne eltere go z bsueche...
Gesagt getan simer am 4. september öbe am nüni zobe in langendembach ahcho...was e viertelstund nachem roberto und dr fränzi gsi isch...die beide sind aber scho nüm dehei gsi, si sind e guete kolleg vo dr ränzi go bsueche...
Naja...mir 2 zerscht mol in innehof vo dere hütte glofe und gruefe:" Hallo, ist da jemand!!??" kei antwort, nume e hund wo bällt het.
Nach witerem ume riefe und "bälle" isch denn d muetter use cho und nach langem erkläre was jetzt 2 schwarzi gstalte am nüni zobe bi ihne dehei im innehof sueche het si denn doch checkt wär i bi, do ich jo mitem roberto und ihre in kreta gsi bi....
Dr noochber het uns denn zu dene 2 gfahre und nach grosser widersehensfreud und ei zwei bierli spöter simer denn no go bowle ;-)
Die wuche womer döt gsi sind, hämer wie d könige gläbt, emel für tippeleiverhältnis und eigentlig isch si vill z schnell verbii gange...am einte obe iisch no e stadtfescht gsi döt in dr umgäbig...und do ich jo in mine junge joore emol Die prinzen gloost ha, und gseh ha, das die an dem fescht ufträtte, simer churzerhand no an es konzert vo dene cho, zwar in strömendem räge aber g rockt hets :-D
Nach dere wuche im oschte, hets gheisse, ab nach Bielefeld, wider mol :-D IIheimischmäldig vom thorsten, und mi geburtsdaag fiire....es sind so um die 30 freiheitsbrieder döt gsi...i glaub meh muessi drzue gar ni sage i glaub ihr wüsset mitlerwiile alli was das heisst ;-)
Das fescht het uf jedefall 10 chalti brumt und mir händ die letscht nacht widermol bim andi und dr dani verbrocht in dr absicht am negschte morge zimli frieh wider witer z zieh in richtig eutin, zum go schaffe....naja...het natürlich nit klappt und mir sind erscht öbe am 11 am morge wäg cho...wies aber dr zuefall so will, hämer an dr autobahnuffahrt in richtig hannover dr maik und dr oppermann ahtroffe, e ehemalige Voigtbursch vo uns und e freiheitsbrueder...
Mit dene beidne hämer churzerhand entschlosse, mir mache es wetttrampe nach eutin....
Uf de erschte 2 raschtstette hämer die beide immerwider ahtroffe aber nocherd isch definitiv schluss gsi, mir sind öbe 2 stund uf dr eine raschte hockeblibe und nit wäg cho, was dene beidne e körige vorsprung verschaft het....
Schlussändlich simer 4 stund nach ihne ahcho und mir händ als wettilösig e bier uf ex miesse suffe :-) naja, isch jo nit witer schlimm gsi :-D
So und jetzt zum Titelthema, was eigentlig ganz churz z verfasse wär...äs rägnet e chli vill du im hoche norde vo dütschland und drum chömme mr nit rächt vorwärts mit dr baustell womer do hän...D arbet anundfürsich isch sehr ahgnähm wüll alles gselle uf dr baustell sind und suscht keini usestehende....aber wenns die ganz zit pisst, ziet das irgendwenn au zimli abe...
Morn sölls besser wärde und i glaub mir werde morn au die einti dachsite fertig kriege, i hoffs emel....
Mir sind au all 2 wuche in Flensburg obe uf bude vo uns unteranderem negscht wucheend au !!!
Dr Dome isch momentan nit do, er isch hüt abgreist in d schwiz...sini grossnuetter wird beerdigt und drum wird er die wuche nit ume si....Das ganze findet userhalb vo siner bannmeile statt..aber im grosse und ganze het er scho richtig päch kah mit todesfäll uf tippelei !!!
Ich hoff nume euch alne gohts sowit guet und i muess so öbis nit erläbe....aber so öbis sött me jo gar nit dänke...:-S
Ändi Oktober chönnte mr theoretisch unsri neuei kluft go abhole...villicht gömer aber erscht spöter verbii wüll mr do miend fertig wärde bis dr winter total iizug ghalte het....drum miemer das villicht verschiebe..uf jedefall freu i mi riiiisig uf das neue chleidigsstück wie e chlises chind freu i mi :-D
So, i muess langsam go schlofe...schliesslich isch mini arbetschraft morn wider ufem dach gfrogt....und es sött wie scho oft erwähnt, vorwäts goh :-) also liebe lüt, machets guet, basset uf euch uf, i machs au...i vermiss euch und dänk oft an euch alli....cu in switzerland :-D *riiiisefreu*
ganz liebi griess usem norde und bis bald, eure viddli
So, nach langem nit schribe wider emol, hani mi wider mol an pc ghockt um euch e chli z verzelle was so lauft bi mir und mine reisekamerade !!!
I glaub s letscht mol hani uf St. pauli gschribe woni im internetkaffi gsässe bi....;-)
Sit denn isch einiges glofe und d zit raaast numme so drhi !!!
Uf jedefall hän sich dr Dome und ich nach unsrem Hamburg ufenthalt in richtig oschtdütschland ufgmacht um döt dr roberto und s fränzi bi ihrne eltere go z bsueche...
Gesagt getan simer am 4. september öbe am nüni zobe in langendembach ahcho...was e viertelstund nachem roberto und dr fränzi gsi isch...die beide sind aber scho nüm dehei gsi, si sind e guete kolleg vo dr ränzi go bsueche...
Naja...mir 2 zerscht mol in innehof vo dere hütte glofe und gruefe:" Hallo, ist da jemand!!??" kei antwort, nume e hund wo bällt het.
Nach witerem ume riefe und "bälle" isch denn d muetter use cho und nach langem erkläre was jetzt 2 schwarzi gstalte am nüni zobe bi ihne dehei im innehof sueche het si denn doch checkt wär i bi, do ich jo mitem roberto und ihre in kreta gsi bi....
Dr noochber het uns denn zu dene 2 gfahre und nach grosser widersehensfreud und ei zwei bierli spöter simer denn no go bowle ;-)
Die wuche womer döt gsi sind, hämer wie d könige gläbt, emel für tippeleiverhältnis und eigentlig isch si vill z schnell verbii gange...am einte obe iisch no e stadtfescht gsi döt in dr umgäbig...und do ich jo in mine junge joore emol Die prinzen gloost ha, und gseh ha, das die an dem fescht ufträtte, simer churzerhand no an es konzert vo dene cho, zwar in strömendem räge aber g rockt hets :-D
Nach dere wuche im oschte, hets gheisse, ab nach Bielefeld, wider mol :-D IIheimischmäldig vom thorsten, und mi geburtsdaag fiire....es sind so um die 30 freiheitsbrieder döt gsi...i glaub meh muessi drzue gar ni sage i glaub ihr wüsset mitlerwiile alli was das heisst ;-)
Das fescht het uf jedefall 10 chalti brumt und mir händ die letscht nacht widermol bim andi und dr dani verbrocht in dr absicht am negschte morge zimli frieh wider witer z zieh in richtig eutin, zum go schaffe....naja...het natürlich nit klappt und mir sind erscht öbe am 11 am morge wäg cho...wies aber dr zuefall so will, hämer an dr autobahnuffahrt in richtig hannover dr maik und dr oppermann ahtroffe, e ehemalige Voigtbursch vo uns und e freiheitsbrueder...
Mit dene beidne hämer churzerhand entschlosse, mir mache es wetttrampe nach eutin....
Uf de erschte 2 raschtstette hämer die beide immerwider ahtroffe aber nocherd isch definitiv schluss gsi, mir sind öbe 2 stund uf dr eine raschte hockeblibe und nit wäg cho, was dene beidne e körige vorsprung verschaft het....
Schlussändlich simer 4 stund nach ihne ahcho und mir händ als wettilösig e bier uf ex miesse suffe :-) naja, isch jo nit witer schlimm gsi :-D
So und jetzt zum Titelthema, was eigentlig ganz churz z verfasse wär...äs rägnet e chli vill du im hoche norde vo dütschland und drum chömme mr nit rächt vorwärts mit dr baustell womer do hän...D arbet anundfürsich isch sehr ahgnähm wüll alles gselle uf dr baustell sind und suscht keini usestehende....aber wenns die ganz zit pisst, ziet das irgendwenn au zimli abe...
Morn sölls besser wärde und i glaub mir werde morn au die einti dachsite fertig kriege, i hoffs emel....
Mir sind au all 2 wuche in Flensburg obe uf bude vo uns unteranderem negscht wucheend au !!!
Dr Dome isch momentan nit do, er isch hüt abgreist in d schwiz...sini grossnuetter wird beerdigt und drum wird er die wuche nit ume si....Das ganze findet userhalb vo siner bannmeile statt..aber im grosse und ganze het er scho richtig päch kah mit todesfäll uf tippelei !!!
Ich hoff nume euch alne gohts sowit guet und i muess so öbis nit erläbe....aber so öbis sött me jo gar nit dänke...:-S
Ändi Oktober chönnte mr theoretisch unsri neuei kluft go abhole...villicht gömer aber erscht spöter verbii wüll mr do miend fertig wärde bis dr winter total iizug ghalte het....drum miemer das villicht verschiebe..uf jedefall freu i mi riiiisig uf das neue chleidigsstück wie e chlises chind freu i mi :-D
So, i muess langsam go schlofe...schliesslich isch mini arbetschraft morn wider ufem dach gfrogt....und es sött wie scho oft erwähnt, vorwäts goh :-) also liebe lüt, machets guet, basset uf euch uf, i machs au...i vermiss euch und dänk oft an euch alli....cu in switzerland :-D *riiiisefreu*
ganz liebi griess usem norde und bis bald, eure viddli
Sonntag, 31. August 2008
Wider uf dr strooss
Hoi zämme
So, nachdäm wider e zitli ume isch, sit i gschribe ha, isch au wider e chlli öbis passiert....
Mitem Chef und siner Familie hämer no zimli gueti feschter gfiirt....Zum bispil simer am mentig, das isch die letscht wuche bevor mr z bielefeld wider abgreist sind, ans Füürwehrfescht....was ziiiiimli bgange isch....dr armin isch au drbii gsi, e steimetz wo bi uns reist....zimli cool gsi, mir hätte am zischtig erscht am 10 am morge miesste ahfo....aber dr chef het im taxi denn plötzlich gmeint, mir miesse morn nit schaffe :-D isch uns natürlich mee als gläge cho...do jo, womer mitem taxi hei sind, scho öbe 5i am morge gsi isch !!!!
Naja, als ob das mit feschte für ei wuche nit gnue gsi wär, händ dr andi (chef) und d dani (fründin vom chef) e abschidsparty gschmisse für uns...nur für uns, aso für die 2 monet womer döt gsi sind ;-) richtig tolli mensche sag i euch...es sind beschtimmt 15 bi 20 nase döt gsi über dr ganz obe verteilt, vo fründe vo dene beidne über schweschtere vo uns wo uf bude (fridrichshöchi) schaffe...bis lüt womer kenne glert händ an de partys und natürlich mitarbeiter....e riiiiiise sach sag i euch....dr andi und d dani händ uns no e chlises gschänkli gmacht....neui socke, stift zahnbaschta und so chlises züg, was uns halt total vill bringt wemer unterwägs sind !!!!
Dr dome und ich händ ihne au no e chlises abschidsgschänkli zämmegschueschteret....
Mir händ e rote bilderrahme kauft ;-) natürlich rot, was au suscht ;-) und händ so e chlini foticollage gmacht....seht richtig cool us das ding und es hängt bi dene beidne direkt in dr chuchi weme ihne chunnt....d dani het sogar miesse ei zwei dräänli verdrugge wo mr ihne das gschänkt hän....mir sind ihne döt sehr ans härz gwachse und si uns au !!!!!!!!
Und, immernoni gnueg gfeschtet....mir drei, dr armin, dr dome und ich...händ so zimmli s ganz wucheend no dure gfeschtet unds luschtig kah !!!! Am mentig denn het uns d dani an d autobahnuffahrt do damit mr guet wäg chömme...naja, alli no chli alkoholisiert het das natürlich nit so klappt wie mr uns erhofft händ und mir sind grad mol 50 km witer cho, uf guet dütsch, NüT.... bis nach salzkotten das isch in dr nöchi vo Paderborn simer cho und händ döt imene alte pferdestall übernachtet...mit flüssli näb dra, was iischalt isch gsi aber richtig cool am morge frie, aso am zähni dr z gumpe :-D
unser Ziel isch jo eigentlig gsi nach Creglingen, unterhalb vo würzburg z cho, um e neui kluft ahmässe z loh !!! Was denn au eigentlig ganz guet klappt het am negschte daag....mir sind denn am öbe zähni zobe in ohrebach ahcho, das isch e raschtstedt und e ort wo au so heisst, grad näb dra...döt simer denn hi glofe und händ welle e kneipe sueche...chuum im ort, simer uf e jäger troffe womer denn nachere kneipe gfrogt hän...er het gmeint es git eini und die sig nit wit °!!! sini frau wo denn drzue cho isch het gmeint die het mentig und zischtig zue und mir gradmol total ahkackt gsi....denn, es het pisst !! Naja, gscheech nüt schlimmers, die beide händ uns drei churzerhand zu sich hei iiglade, ihre sohn sig grad nit do, chönnet bi ihm im zimmer penne, händ si gmeint und das ahgebot hämer natürlich nit chönne usschlooh....nacheme znachtässe und 3 bier wos no geh het, simer denn schön i pennt und am negschte morge hets am achti oder so, grad wider zmorge geh, was uns natürlich sehr gläge cho isch...
Dr jäger het uns denn am gliiche morge no direkt uf creglinge gfahre, direkt vore Kluftschniider....und öbbe 2,5 stund spöter simer alli drei wider use gloffe...jedoch bis jetzt öbe 800 euro lichter....(ahzahlig für d kluft, obwohl villicht no chli öbis drzue chunnt) das heisst, ganzi lohn wäg, kei gäld meh.......egal, schlimm isch das nit, öbbe 100 het jede no kah und nach langem bei in buuch stoh und trampe simer denn in Bad mergentheim ahcho, wo denn spöter au unser nachtlager gsi isch und das binere bar unter em vordach (www.frankies-badmergentheim.de).
Dr negscht daag het wider was trampe ahgoht nit sehr vill brocht...wiedr öbe nur 50 km nach würzburg in d stadt ine.... ABER.....würzburg isch e richtig schöni stadt....vodämhär het sich das für uns gloohnt !!! scho numme zum luege und chli dur d stadt z schländere !!!
In Würzburg simer denn ins spital go übernachte...hän döt e zimmerli becho womer uns hän chönne breit mache um am negschte morge, frie wär übertribe,richtig hamburg z mache, was am ahfang üüüüüberhaupt nit klappt het, total verschisse isches glofe zerscht, bises iigrisse het.....................paar stund spöter und 430 km witer, simer denn am gliiche obe no in hamburg ahcho....mied und gschaffe vom ville labere mit all dene wo di mitgnoh händ, simer bi dr brigitte (isch so s mami vo allne wandersgselle, si läb so chli für unsre schacht, vorallem für unsre) in ihrere Eckkneipe in St. Pauli ahcho (St.Pauli Eck) döt es paar Bierli in chopf gstellt und ab zur brigitte hei, wo si e zimmer iigrichtet het nur für wandersgselle, go schlofe...und so het d wuche in hamburg ahgfange :-D
Jojo lüt, ob drs glaubet, e wuche hamburg isch ächt vill und macht verdammt mied, Reeperbahn uf, Reeperbahn ab, Davidstrooss uf, davidstrooss ab und die gaaaaanz zit wirsch vo de nutte vollglaberet, es isch niiiit zum glaube... Dialog:
Nutte: Hallo, stop mal
David Stopt
David: Ja was denn ;-)
Nutte: hast du nicht 30 euro übrig ??? Zwinker zwinker
David: Hallo, ich bin wandersgeselle, wir haben grundsätzlich kein geld...
Nutte: Ich weiss ganz genau wo ihr euer geld habt (und si wissen es wirklich)
David: Ja schön und gut, aber ich hab keins, hab alles versoffen und verfressen
Stimmt natürlich nur ahsatzwiis...
Das chönnt öbe so e dialog si wiener uf dr davidstrooss zwüsche nutte und uns stadtfinde chönnt !!! Naja, mir frogr denn meischtens no chli woher si denn sige und pläuderle chli mitene...die meischte mache das allerdings nit so lang mit und haue gli wider ab wenn si merke das de nit mitene mit gohsch !! aber die eint oder die ander lot ganz guet mit sich schwätze....:-D
Chönnet jetzt dänke was dr wänd, aber mir händ immer nur mitene gschwätzt, nüt anders, aber schlussändlig muessi mi jo vor niemertem rächtfertige :-D hahaha freu !!!!!!!
Jo wie scho oft erwähnt isch denn am sunntig s mami und dr papi uf hamburg cho.....ah jo natürlich, mi unkle und si frau au no, hehe, fascht vergässe, sorryyy ;-)
Mir händ alli zämme oft öbis unternoh, was für uns ganz cool gsi isch, so hämer au ´mol öbis anders vo hamburg gseh als d reeperbahn, wo sowiso ufe sack goht mit dr zit !! und do jo mi papi sich reltiv guet uskennt in hamburg und die stadt liebt, naja, mir mitlerwiile au, isch das e richtig cooli wuche gsi....em dome sini eltere sind au no für ei daag cho und das het ihm glaub au ganz guet do, uf jedefall isches coo, gsi !!!!
Jo und jetzt hock i in St. pauli im internetkaffi und schrib in blog....dus isch e riise lärm wüll st. pauli grad es spiil kah het und mir reise morn wider ab in richtig erfurt um dr roberto z bsueche, de het jo z ibiza gschafft und chunnt am 4 september wider hei, aso zur fründin uf dütschland !!!
Drnooch hämer abem 10 september eigentlich arbet in eutin, was i jo scho verzellt ha, aber an mim geburtsdaag, wie glaub au scho erwähnt, simer wider churz s wucheend in ´bielefeld anere iiheimischmäldig, und denn erscht nacherd in eutin obe....
Das mit silvester in arosa stoht glaub....es paar vom dome siner gugge sind au dobe, i glaub das wird ganz luschtig und freu mi riisig uf d schwiz...wie gseit wärde mr denn glaub e zilt in dr schwiz umereise und i glaub denn ergit sich ganz bestimmt e möglichkeit sich im perosa oder so z träffe :-D hahaha, wie geil wär das denn !!! ;-) (oder suscht nöime)
So liebi lüt, das widermol was so gloffe isch bi mir, i hoff euch wirds nit langwilig dehei und dir händs alli guet !!!!
I wünsch euch allne nur s bescht uf dr wält und bis bald mol...i mäld mi wider, bi ab und zue au uf FZ online und es freut mi immer vo euch z köre, machets guet, eure viddli
So, nachdäm wider e zitli ume isch, sit i gschribe ha, isch au wider e chlli öbis passiert....
Mitem Chef und siner Familie hämer no zimli gueti feschter gfiirt....Zum bispil simer am mentig, das isch die letscht wuche bevor mr z bielefeld wider abgreist sind, ans Füürwehrfescht....was ziiiiimli bgange isch....dr armin isch au drbii gsi, e steimetz wo bi uns reist....zimli cool gsi, mir hätte am zischtig erscht am 10 am morge miesste ahfo....aber dr chef het im taxi denn plötzlich gmeint, mir miesse morn nit schaffe :-D isch uns natürlich mee als gläge cho...do jo, womer mitem taxi hei sind, scho öbe 5i am morge gsi isch !!!!
Naja, als ob das mit feschte für ei wuche nit gnue gsi wär, händ dr andi (chef) und d dani (fründin vom chef) e abschidsparty gschmisse für uns...nur für uns, aso für die 2 monet womer döt gsi sind ;-) richtig tolli mensche sag i euch...es sind beschtimmt 15 bi 20 nase döt gsi über dr ganz obe verteilt, vo fründe vo dene beidne über schweschtere vo uns wo uf bude (fridrichshöchi) schaffe...bis lüt womer kenne glert händ an de partys und natürlich mitarbeiter....e riiiiiise sach sag i euch....dr andi und d dani händ uns no e chlises gschänkli gmacht....neui socke, stift zahnbaschta und so chlises züg, was uns halt total vill bringt wemer unterwägs sind !!!!
Dr dome und ich händ ihne au no e chlises abschidsgschänkli zämmegschueschteret....
Mir händ e rote bilderrahme kauft ;-) natürlich rot, was au suscht ;-) und händ so e chlini foticollage gmacht....seht richtig cool us das ding und es hängt bi dene beidne direkt in dr chuchi weme ihne chunnt....d dani het sogar miesse ei zwei dräänli verdrugge wo mr ihne das gschänkt hän....mir sind ihne döt sehr ans härz gwachse und si uns au !!!!!!!!
Und, immernoni gnueg gfeschtet....mir drei, dr armin, dr dome und ich...händ so zimmli s ganz wucheend no dure gfeschtet unds luschtig kah !!!! Am mentig denn het uns d dani an d autobahnuffahrt do damit mr guet wäg chömme...naja, alli no chli alkoholisiert het das natürlich nit so klappt wie mr uns erhofft händ und mir sind grad mol 50 km witer cho, uf guet dütsch, NüT.... bis nach salzkotten das isch in dr nöchi vo Paderborn simer cho und händ döt imene alte pferdestall übernachtet...mit flüssli näb dra, was iischalt isch gsi aber richtig cool am morge frie, aso am zähni dr z gumpe :-D
unser Ziel isch jo eigentlig gsi nach Creglingen, unterhalb vo würzburg z cho, um e neui kluft ahmässe z loh !!! Was denn au eigentlig ganz guet klappt het am negschte daag....mir sind denn am öbe zähni zobe in ohrebach ahcho, das isch e raschtstedt und e ort wo au so heisst, grad näb dra...döt simer denn hi glofe und händ welle e kneipe sueche...chuum im ort, simer uf e jäger troffe womer denn nachere kneipe gfrogt hän...er het gmeint es git eini und die sig nit wit °!!! sini frau wo denn drzue cho isch het gmeint die het mentig und zischtig zue und mir gradmol total ahkackt gsi....denn, es het pisst !! Naja, gscheech nüt schlimmers, die beide händ uns drei churzerhand zu sich hei iiglade, ihre sohn sig grad nit do, chönnet bi ihm im zimmer penne, händ si gmeint und das ahgebot hämer natürlich nit chönne usschlooh....nacheme znachtässe und 3 bier wos no geh het, simer denn schön i pennt und am negschte morge hets am achti oder so, grad wider zmorge geh, was uns natürlich sehr gläge cho isch...
Dr jäger het uns denn am gliiche morge no direkt uf creglinge gfahre, direkt vore Kluftschniider....und öbbe 2,5 stund spöter simer alli drei wider use gloffe...jedoch bis jetzt öbe 800 euro lichter....(ahzahlig für d kluft, obwohl villicht no chli öbis drzue chunnt) das heisst, ganzi lohn wäg, kei gäld meh.......egal, schlimm isch das nit, öbbe 100 het jede no kah und nach langem bei in buuch stoh und trampe simer denn in Bad mergentheim ahcho, wo denn spöter au unser nachtlager gsi isch und das binere bar unter em vordach (www.frankies-badmergentheim.de).
Dr negscht daag het wider was trampe ahgoht nit sehr vill brocht...wiedr öbe nur 50 km nach würzburg in d stadt ine.... ABER.....würzburg isch e richtig schöni stadt....vodämhär het sich das für uns gloohnt !!! scho numme zum luege und chli dur d stadt z schländere !!!
In Würzburg simer denn ins spital go übernachte...hän döt e zimmerli becho womer uns hän chönne breit mache um am negschte morge, frie wär übertribe,richtig hamburg z mache, was am ahfang üüüüüberhaupt nit klappt het, total verschisse isches glofe zerscht, bises iigrisse het.....................paar stund spöter und 430 km witer, simer denn am gliiche obe no in hamburg ahcho....mied und gschaffe vom ville labere mit all dene wo di mitgnoh händ, simer bi dr brigitte (isch so s mami vo allne wandersgselle, si läb so chli für unsre schacht, vorallem für unsre) in ihrere Eckkneipe in St. Pauli ahcho (St.Pauli Eck) döt es paar Bierli in chopf gstellt und ab zur brigitte hei, wo si e zimmer iigrichtet het nur für wandersgselle, go schlofe...und so het d wuche in hamburg ahgfange :-D
Jojo lüt, ob drs glaubet, e wuche hamburg isch ächt vill und macht verdammt mied, Reeperbahn uf, Reeperbahn ab, Davidstrooss uf, davidstrooss ab und die gaaaaanz zit wirsch vo de nutte vollglaberet, es isch niiiit zum glaube... Dialog:
Nutte: Hallo, stop mal
David Stopt
David: Ja was denn ;-)
Nutte: hast du nicht 30 euro übrig ??? Zwinker zwinker
David: Hallo, ich bin wandersgeselle, wir haben grundsätzlich kein geld...
Nutte: Ich weiss ganz genau wo ihr euer geld habt (und si wissen es wirklich)
David: Ja schön und gut, aber ich hab keins, hab alles versoffen und verfressen
Stimmt natürlich nur ahsatzwiis...
Das chönnt öbe so e dialog si wiener uf dr davidstrooss zwüsche nutte und uns stadtfinde chönnt !!! Naja, mir frogr denn meischtens no chli woher si denn sige und pläuderle chli mitene...die meischte mache das allerdings nit so lang mit und haue gli wider ab wenn si merke das de nit mitene mit gohsch !! aber die eint oder die ander lot ganz guet mit sich schwätze....:-D
Chönnet jetzt dänke was dr wänd, aber mir händ immer nur mitene gschwätzt, nüt anders, aber schlussändlig muessi mi jo vor niemertem rächtfertige :-D hahaha freu !!!!!!!
Jo wie scho oft erwähnt isch denn am sunntig s mami und dr papi uf hamburg cho.....ah jo natürlich, mi unkle und si frau au no, hehe, fascht vergässe, sorryyy ;-)
Mir händ alli zämme oft öbis unternoh, was für uns ganz cool gsi isch, so hämer au ´mol öbis anders vo hamburg gseh als d reeperbahn, wo sowiso ufe sack goht mit dr zit !! und do jo mi papi sich reltiv guet uskennt in hamburg und die stadt liebt, naja, mir mitlerwiile au, isch das e richtig cooli wuche gsi....em dome sini eltere sind au no für ei daag cho und das het ihm glaub au ganz guet do, uf jedefall isches coo, gsi !!!!
Jo und jetzt hock i in St. pauli im internetkaffi und schrib in blog....dus isch e riise lärm wüll st. pauli grad es spiil kah het und mir reise morn wider ab in richtig erfurt um dr roberto z bsueche, de het jo z ibiza gschafft und chunnt am 4 september wider hei, aso zur fründin uf dütschland !!!
Drnooch hämer abem 10 september eigentlich arbet in eutin, was i jo scho verzellt ha, aber an mim geburtsdaag, wie glaub au scho erwähnt, simer wider churz s wucheend in ´bielefeld anere iiheimischmäldig, und denn erscht nacherd in eutin obe....
Das mit silvester in arosa stoht glaub....es paar vom dome siner gugge sind au dobe, i glaub das wird ganz luschtig und freu mi riisig uf d schwiz...wie gseit wärde mr denn glaub e zilt in dr schwiz umereise und i glaub denn ergit sich ganz bestimmt e möglichkeit sich im perosa oder so z träffe :-D hahaha, wie geil wär das denn !!! ;-) (oder suscht nöime)
So liebi lüt, das widermol was so gloffe isch bi mir, i hoff euch wirds nit langwilig dehei und dir händs alli guet !!!!
I wünsch euch allne nur s bescht uf dr wält und bis bald mol...i mäld mi wider, bi ab und zue au uf FZ online und es freut mi immer vo euch z köre, machets guet, eure viddli
Donnerstag, 31. Juli 2008
Heiss
Hoi zämme
Also, es isch e so, es isch VERDAMMT HEISS DO, und wenn i sag verdammt heiss, mein i das au so :-S Me stell sich mol vor, 32 grad im schatte, e baustell, amene Hügel obe, kei lüftli goht, aber grad gar keis und mir stönd ufem dach, notürlich, wies muess si, in Kluft (Hose (dick) t-shirt (unter dr stude) d Stude sälber (nüm wiss sondern schwarz vom ville dräck(me beachtet es isch e altbau wo e neus dach druf chunnt) wo döt obe in liggt) und d weste (schwarz, was jo d sunne üüüüberhaupt nit ahzieht) und zue gueter letscht, dr Huet (au schwarz, muess i glaub nüt me drzue sage) :-(((((
Es isch zum chotze....zwar immer luschtig, aber eifach nur zum chotze....;-)
Mir sind letscht mentig mitem Gschäft, aso es sind nit alli drbii gsi ei zwei dörfer witer anes schützefescht, wär vo euch jetzt nit weiss was das heisst, dem channis churz erkläre...zimli bsoffe, vom chef bis zu de gselle simer öbe scho am zwölfi wider bim chef dehei gsi und tod mied is bett bzw ufs sofa keit und am negschte morge miteme schwere grind ufgwache !!!
Luschtig isches allerdings gsi, dr dome und ich sind emol no vo eim zume bier iiglade worde, wemer dr ganz obe döt sstoh blibe wäre, hät dr chef für uns kei rote rappe, ouuu, tschuldigung, cent usgeh...dä typ hät bier spendiert noch und nöcher....naja, das passiert ab und zue in Kluft, me gwöhnt sich dra !!
Was dr Alkoholkonsum in de letsche däg/wuche ahgoht isch sehr gsunke !!! Was i au sehr guet find, denn spurlos isches nit an mr verbii gange, i ha zimli e ranze becho :-D hehehehehe
Am zischtig isch überraschend dr Philipp z Bielefeld uftaucht, was mi sehr gfreut het, i hanen schlieslig siter dehei ahcho isch scho e zitli nüm gseh !!! Es het guet do widermol mitem z quatsche....!!!
E wuche vorem schützefescht, simer am mentig bim Micha iiglade gsi zum grilliere, er schafft uf dr Fridrichshöh (Bude vo uns/www.friedrichshoehe.de). Dr chef und sini fründin, sowie im micha si fründin, sin au döt gsi....De Typ hets jetzt eifach im griff was vorbereitig ahgoht, oder besser gseit biilage zum grilliere und so....Hut ab !!! Naja, au kei wunder, er schafft halt nit nur an dr Bar sondern au in dr chuchi döt obe !!!
Naja, nachem ässe sind die beide (chef und fründin) zimli glii gange und mir junge ;-) sind no blibe und händ gschwätzt unds lusctig kah, bis öbe am halb 2 am morge....am negschte daag wider go schaffe isch nit ganz eifach gsi, aber mir hän jo bim micha pennt und so hämer au nit all zu wit kah zur arbet, wüll er rächt noch bim gschäft wohnt !!!
Was mr jetzt wüsse, isch das mr no 2 wuche do wärde si und nacherd nach hamburg go um mini eltere z träffe....und nach däm gohts nach eutin, isch unterhalb vo kiel, döt gömer bi de eltere vomene iiheimische go Gaube baue (gaube sind so ufgsellti fänster ufem dach) was nocherd goht wüsse mr überhaupt noni, user dases im neue joor in d schwiz goht, wahrschinlich gits silvester in arosa....sig anschiinend e rise sach, aso halt e party...het dr dome gseit...!!! mol luege !!!
I hoff uf jedefall, das me euch alli bald wider seht, in dr schwiz, das würd mi mega freue !!!
Also, das widermol e chli vo dr, wies mi papi würd nenne, Tippeleifront ;-) i hoff es wird au gläse :-P
I wünsch euch witerhin alles gueti und passet uf euch uf, i machs au :-)
Immer Vollgas, tschüss zämme, eure Viddli
Also, es isch e so, es isch VERDAMMT HEISS DO, und wenn i sag verdammt heiss, mein i das au so :-S Me stell sich mol vor, 32 grad im schatte, e baustell, amene Hügel obe, kei lüftli goht, aber grad gar keis und mir stönd ufem dach, notürlich, wies muess si, in Kluft (Hose (dick) t-shirt (unter dr stude) d Stude sälber (nüm wiss sondern schwarz vom ville dräck(me beachtet es isch e altbau wo e neus dach druf chunnt) wo döt obe in liggt) und d weste (schwarz, was jo d sunne üüüüberhaupt nit ahzieht) und zue gueter letscht, dr Huet (au schwarz, muess i glaub nüt me drzue sage) :-(((((
Es isch zum chotze....zwar immer luschtig, aber eifach nur zum chotze....;-)
Mir sind letscht mentig mitem Gschäft, aso es sind nit alli drbii gsi ei zwei dörfer witer anes schützefescht, wär vo euch jetzt nit weiss was das heisst, dem channis churz erkläre...zimli bsoffe, vom chef bis zu de gselle simer öbe scho am zwölfi wider bim chef dehei gsi und tod mied is bett bzw ufs sofa keit und am negschte morge miteme schwere grind ufgwache !!!
Luschtig isches allerdings gsi, dr dome und ich sind emol no vo eim zume bier iiglade worde, wemer dr ganz obe döt sstoh blibe wäre, hät dr chef für uns kei rote rappe, ouuu, tschuldigung, cent usgeh...dä typ hät bier spendiert noch und nöcher....naja, das passiert ab und zue in Kluft, me gwöhnt sich dra !!
Was dr Alkoholkonsum in de letsche däg/wuche ahgoht isch sehr gsunke !!! Was i au sehr guet find, denn spurlos isches nit an mr verbii gange, i ha zimli e ranze becho :-D hehehehehe
Am zischtig isch überraschend dr Philipp z Bielefeld uftaucht, was mi sehr gfreut het, i hanen schlieslig siter dehei ahcho isch scho e zitli nüm gseh !!! Es het guet do widermol mitem z quatsche....!!!
E wuche vorem schützefescht, simer am mentig bim Micha iiglade gsi zum grilliere, er schafft uf dr Fridrichshöh (Bude vo uns/www.friedrichshoehe.de). Dr chef und sini fründin, sowie im micha si fründin, sin au döt gsi....De Typ hets jetzt eifach im griff was vorbereitig ahgoht, oder besser gseit biilage zum grilliere und so....Hut ab !!! Naja, au kei wunder, er schafft halt nit nur an dr Bar sondern au in dr chuchi döt obe !!!
Naja, nachem ässe sind die beide (chef und fründin) zimli glii gange und mir junge ;-) sind no blibe und händ gschwätzt unds lusctig kah, bis öbe am halb 2 am morge....am negschte daag wider go schaffe isch nit ganz eifach gsi, aber mir hän jo bim micha pennt und so hämer au nit all zu wit kah zur arbet, wüll er rächt noch bim gschäft wohnt !!!
Was mr jetzt wüsse, isch das mr no 2 wuche do wärde si und nacherd nach hamburg go um mini eltere z träffe....und nach däm gohts nach eutin, isch unterhalb vo kiel, döt gömer bi de eltere vomene iiheimische go Gaube baue (gaube sind so ufgsellti fänster ufem dach) was nocherd goht wüsse mr überhaupt noni, user dases im neue joor in d schwiz goht, wahrschinlich gits silvester in arosa....sig anschiinend e rise sach, aso halt e party...het dr dome gseit...!!! mol luege !!!
I hoff uf jedefall, das me euch alli bald wider seht, in dr schwiz, das würd mi mega freue !!!
Also, das widermol e chli vo dr, wies mi papi würd nenne, Tippeleifront ;-) i hoff es wird au gläse :-P
I wünsch euch witerhin alles gueti und passet uf euch uf, i machs au :-)
Immer Vollgas, tschüss zämme, eure Viddli
Freitag, 18. Juli 2008
Heimgehtippelei/Road Trip und schaffe
Hoi zämme
So, i hock widermol am pc, wie so oft in letschter zit und schrib euch e chli, was mr alles widerfahre isch...:-)
Also, nachdem mr erwanderet worde sind, hämer no e wücheli do in Bielefeld gschafft, es het zimli vill pisst und mir sind ei zwei mol zimli durchnesst zrug ins gschäft cho...isch relativ doof wenn me nit all zu vill chleider drbii het :-S
Drnoch isch iheimischmäldig vom Philipp gsi...was das heisst, weiss mitlerwiile glaub zimli jede vo euch !! :-D (15-16 fässer Bier a 50 liter) guet, mir sind zimli vill gsi, vo allne fremde freiheitsbrieder sind glaub öbe nur 3 nit cho, aso vo dene wo grad unterwägs sind, nit iiheimische !!
Das isch scho zimli vill !!! Het au riise spass gmacht !!!
I ha es Pic uf FZ do, es gruppefoti, vo dene wo denn no mitcho sind uf d reis nach düsseldorf (apropo düsseldorf, vergässet Male, Mallorca oder suscht e partyort uf dere wält, Düsseldorf isch überfüllter amene Samschtig zobe als alles andre)
Mir sind vo Bielefeld über münster, nach Krefeld und am schluss am letschte daag, das heisst am fritig und samschtig, nach Meerbusch, e Kaff, greist, hän z münschter inere "Tiefgarage"/"Laderampe" miesse penne, wüls widermol pisst het, und in meerbusch schön imene Park, womer am morge ganz gmietlig vo dr sunne gweckt worde sind (in Münster vo dr Bullerei).
Nach dr Party in Düsseldorf, simer denn wider nach Bielefeld zrug greist und hän uns no e gmietlige sunntig gmacht...Dr chef isch au no cho und si fründin und denn simer relativ frie go penne....
Denn hets wider schaffe gheisse, was aber au nit so schlimm isch gsi, denn i glaub 2 wucheend spöter hämer uns entschlosse zu eim an sini Losgehparty zgoh...puuuh, i sag euch, e riise trip !!
Mir händ s auto vo unsrem chef becho, was erscht öbe 2000 Km druf ka het, nach unsrem usflug an die party grad mol 3100 Km...und das an eim wucheend.
Ums genauer z beschribe, am samschtig am morge, am sibni, zum chef gfahre, s andre auto gnoh, am achti denn ändlich wirklich losgfahre und am nomittag am drei oder vieri, i weisses nüm gnau, nit ganz z rostok obe ahcho...(öbe 8 stund fahrt, i bi gfahre und bi recht mied gsi womer ahcho sind)
I ha jo gseit, nit ganz Rostok, das heisst e biz unterhalb in Belitz....hahahaha, mir hän s Navi brucht zum döt hi z cho, womer ahcho sind, übrigens zimli im tiefe Oschte, hämer au miesse feschtstelle, das si döt nitmol richtigi strosse händ und das z Dütschland :-D Eifach 2 Plattebahne und in dr mitti, DRäCK :-) Hehe, s git nüt wos nit git und so simer denn au ahcho in Belitz und hän uns zerscht mol e Bierli gönt !!!
Dr Obe ansich icsh eher gmietlig verloffe und nit so wie bi mir zum bispill ;-) wär sich no mag erinnere :-D
Jo und so isches nach Rostok wider ans schaffe gange...au zimli übermiedet aber es isch ok gsi !!!
Hmmm...i muess jetzt luege wie lang das mr no do in Bielefeld blibe mien/wän. ich persönlich würd sehr gärn wider witers, schaffe isch zwar ok, aber es isch au mängmol zimli miehsam wüll dr chef vill zvill lüt angaschiert het und d helfti, was übertribe isch, stoht nur ume...i glaub zwar negscht wuche wirds besser...i hoffs zumindescht !!!!
Was i zimli schad find, isch das i am 1. auguscht nit in dr schwiz cha si, naja, wär mi kennt weiss das i halt doch e chline patriot bi, aber i glaub schwer das i das wird überläbe, also vo däm här :-D I ha aber einige vo euch glaub scho verzellt, das mr wahrschinlich im Januar mol zrug in d schwiz werde cho und denn wird i euch sicher bscheid sage, wo und wenn me sich cha träffe, was mr au sehr wichtig isch...Denn mache mr ganz gemütlich Partyyyyy zämme :-D *freu*
Also, machets guet und basset bite uf euch uf, i machs au....ganz ganz ganz liebi griess aus deutscheland und bis bald, eure viddli
So, i hock widermol am pc, wie so oft in letschter zit und schrib euch e chli, was mr alles widerfahre isch...:-)
Also, nachdem mr erwanderet worde sind, hämer no e wücheli do in Bielefeld gschafft, es het zimli vill pisst und mir sind ei zwei mol zimli durchnesst zrug ins gschäft cho...isch relativ doof wenn me nit all zu vill chleider drbii het :-S
Drnoch isch iheimischmäldig vom Philipp gsi...was das heisst, weiss mitlerwiile glaub zimli jede vo euch !! :-D (15-16 fässer Bier a 50 liter) guet, mir sind zimli vill gsi, vo allne fremde freiheitsbrieder sind glaub öbe nur 3 nit cho, aso vo dene wo grad unterwägs sind, nit iiheimische !!
Das isch scho zimli vill !!! Het au riise spass gmacht !!!
I ha es Pic uf FZ do, es gruppefoti, vo dene wo denn no mitcho sind uf d reis nach düsseldorf (apropo düsseldorf, vergässet Male, Mallorca oder suscht e partyort uf dere wält, Düsseldorf isch überfüllter amene Samschtig zobe als alles andre)
Mir sind vo Bielefeld über münster, nach Krefeld und am schluss am letschte daag, das heisst am fritig und samschtig, nach Meerbusch, e Kaff, greist, hän z münschter inere "Tiefgarage"/"Laderampe" miesse penne, wüls widermol pisst het, und in meerbusch schön imene Park, womer am morge ganz gmietlig vo dr sunne gweckt worde sind (in Münster vo dr Bullerei).
Nach dr Party in Düsseldorf, simer denn wider nach Bielefeld zrug greist und hän uns no e gmietlige sunntig gmacht...Dr chef isch au no cho und si fründin und denn simer relativ frie go penne....
Denn hets wider schaffe gheisse, was aber au nit so schlimm isch gsi, denn i glaub 2 wucheend spöter hämer uns entschlosse zu eim an sini Losgehparty zgoh...puuuh, i sag euch, e riise trip !!
Mir händ s auto vo unsrem chef becho, was erscht öbe 2000 Km druf ka het, nach unsrem usflug an die party grad mol 3100 Km...und das an eim wucheend.
Ums genauer z beschribe, am samschtig am morge, am sibni, zum chef gfahre, s andre auto gnoh, am achti denn ändlich wirklich losgfahre und am nomittag am drei oder vieri, i weisses nüm gnau, nit ganz z rostok obe ahcho...(öbe 8 stund fahrt, i bi gfahre und bi recht mied gsi womer ahcho sind)
I ha jo gseit, nit ganz Rostok, das heisst e biz unterhalb in Belitz....hahahaha, mir hän s Navi brucht zum döt hi z cho, womer ahcho sind, übrigens zimli im tiefe Oschte, hämer au miesse feschtstelle, das si döt nitmol richtigi strosse händ und das z Dütschland :-D Eifach 2 Plattebahne und in dr mitti, DRäCK :-) Hehe, s git nüt wos nit git und so simer denn au ahcho in Belitz und hän uns zerscht mol e Bierli gönt !!!
Dr Obe ansich icsh eher gmietlig verloffe und nit so wie bi mir zum bispill ;-) wär sich no mag erinnere :-D
Jo und so isches nach Rostok wider ans schaffe gange...au zimli übermiedet aber es isch ok gsi !!!
Hmmm...i muess jetzt luege wie lang das mr no do in Bielefeld blibe mien/wän. ich persönlich würd sehr gärn wider witers, schaffe isch zwar ok, aber es isch au mängmol zimli miehsam wüll dr chef vill zvill lüt angaschiert het und d helfti, was übertribe isch, stoht nur ume...i glaub zwar negscht wuche wirds besser...i hoffs zumindescht !!!!
Was i zimli schad find, isch das i am 1. auguscht nit in dr schwiz cha si, naja, wär mi kennt weiss das i halt doch e chline patriot bi, aber i glaub schwer das i das wird überläbe, also vo däm här :-D I ha aber einige vo euch glaub scho verzellt, das mr wahrschinlich im Januar mol zrug in d schwiz werde cho und denn wird i euch sicher bscheid sage, wo und wenn me sich cha träffe, was mr au sehr wichtig isch...Denn mache mr ganz gemütlich Partyyyyy zämme :-D *freu*
Also, machets guet und basset bite uf euch uf, i machs au....ganz ganz ganz liebi griess aus deutscheland und bis bald, eure viddli
Dienstag, 24. Juni 2008
Erwanderig
Hoi zämme, do dr negscht blog vo mr, zwar nur e churze aber drfür e um so wichtigere !!!
I ha doch dr letscht blog, was heisst dr letscht, dr erscht blog am fritig ine gsetzt !!! Und genau an däm daag, bini zobe spoot no erwanderet worde, genau wie dr Dome und e dr Armin au (dr armin isch e steimetz)
I bi jetzt HOOOCH OFFIZIEL in schacht ufgnoh worde und cha mi jetzt ganz Stolz Fremde Freiheitsbrueder nenne :-D booooow, e riise gfühl chani euch sage, :-)
Das wärs scho gsi, hoff euch gohts guet so wie mir, machets guet und cu, eure Viddli
I ha doch dr letscht blog, was heisst dr letscht, dr erscht blog am fritig ine gsetzt !!! Und genau an däm daag, bini zobe spoot no erwanderet worde, genau wie dr Dome und e dr Armin au (dr armin isch e steimetz)
I bi jetzt HOOOCH OFFIZIEL in schacht ufgnoh worde und cha mi jetzt ganz Stolz Fremde Freiheitsbrueder nenne :-D booooow, e riise gfühl chani euch sage, :-)
Das wärs scho gsi, hoff euch gohts guet so wie mir, machets guet und cu, eure Viddli
Freitag, 20. Juni 2008
Hoi zämme
Ho zämme
I wot mi zerscht mol entschuldig, das i mi so lang nüit gmolde ha, aber i bi eifach nit drzue cho...
Ich cha euch allne nur zerscht mol danke, das so vill as Ortsschild cho sind, het mr mega vill bedütet,wie me villicht schüüch mitbecho het...;-)
Naja, um die erscht wuche churz z zämmefasse: "SUUUUUUFFE suffe und nomol suffe...das nennt me denn lossgeerei (losgehtippelei) !!!!
Au die zweit Wuche isch so witer gange, mir sind öbe am fritig scho z Flensburg gsi, das heisst eimol vom süde dütschland in tiefschte norde ufe !!! und döt het ein vom freiheitsschacht sini iiheimischmäldig kah !!! E wucheend lang suffe heisst das wider mol !!! Er isch denn aber erscht e wuche spöter hei, zerscht hämer no d maike vo sylt nach sylt hei brocht, wider e wuche suffe !! In sylt simer denn öbe 3 daag blibe, bis denn ebe em andre sini heimgehtippelei losgange isch...
über hamburg simer senn nach Kiel, vo döt chunnt er ebe, abre i cha euch sage, Hamburg isch hammer, mit sind zwar scho die meischt zit bi dr brigitte im "St. Paulis Eck" gsi und uf dr Reeperbahn, aber es isch super gsi :-D Schlussändlich simer denn tatsächlich no in Kiel ahcho und wie dr euch sicher dänke chönnet, e wucheend lang nume.....genau, Suffe !!!!
Zum glück isch nach denne 3 wuche unsri Voigtburschewuche ahgstande, das heisst, ich ganz elei durch dütschland trampe....puuuh, i ha mr zerscht dänkt das das zimli heftig wird, aber es isch alles anders cho... I sag nume, wenn me vo vier junge fraue iiglade wird das me bi ine inhrere WG cha penne seit me nit nei :-D isch jo klar ;-)
Und au suscht het die wuche vill erfahrig brocht....
Mi Route in dere wuche isch vo Kiel über Oldenburg, nach Emden, Norden und schlussändlich nach Hildesheim gange, döt hani mi denn wider mitem Dominic troffe, er isch jo au elei unterwägs gsi...I bi jedoch scho am Mittwuch am vieri am nimittag vorem roothuus gstande in hildesheim und hamit schlofe drzwüsche bis am donnschtig am halb elfi am morge ufe Felder (Dominic) gwartet, bis es denn nach Weimar gange isch und schlussändlig uf Erfurt, wo mr am fritig denn wider dr Pfilipp und dr Pawell troffe hän !!! E super wuche chani nur sage !!!
Nachdem simer no mit em Time, wo au an miner Losgehparty gsi isch (wer sich mag erinnere) hei gange und hend ihn denn wider zrugg übers ortsschild kickt... Er wohnt so zimli im tiefschte Oschte vo dütschland (freiberg no chli witer hindere) au döt simer e chli blibe und händ uns erholt, emel mehr oder weniger....!!!
Vo döt us isches denn richtig Bielefeld, wo mr sit geschtert vorere Wuche au ahcho sind, und me glaubts chuum, em Feldi und mir keit wider mol alles vor d Fiess ahne, denn am Fritig isch uf dr Fridrichshöhe, so heisst die Kneipe döt obe, immer ganz schön öbis los, und wie dr Zuefalls sowill lauft döt ein ihne, e dachdeckermeischter, wo zimli vill arbet het.....zäck die bohne hn mir zwei arbet, fietere die andre zwei momentan e chli dure....lön in d beiz die ganz zit ahschribe und hän hüt e Priis ahgschribe vo öbe 300 Euro, was mr hüt au no zahle werde, denn dr Dome (Feldi) und ich händ bim chef nach öbe 3 Daag schaffe e Vorschuss miesse hole vo je 250 euro...naja :-)
Uf jede fall hämer mitem andi (dr chef) dr daniele (d fründin vom chef) und dr ganze mannschaft in dr Bude e riise glück do unde...am morge chönne mir zwei immer sandwich schmiire, mir chönne immer do znacht ässe und jede obe dusche wenn mr wän.... s einzig wo z bemängle isch, isch dr standatvor arbe do obe...abartig wie me das merkt wenn me in dr schwiz sone bruef glert het, aber naja, me cha sich jo ahpasse :-)
Jo und jetzthock i do bim Chef am PC und schrib euch dr erschti halbpatzigi bricht, denn i chönnt wahrschinli jetzt scho e buech fülle mit mine erläbnis und all däm...
Es isch zwar nit immer schön und toll, wenn me zum bispill am morge ufwacht, dus pennt het und in die fiechte chleider ine muess, bruucht das mängmol e bits überwindig, oden wenn me e wuche lnag nit zum dusche chunnt und d fiess in de Kampfstifels scho fön ahfo safte isch au das nit immer so toll (mol abgseh drvo das i neui schueh bruuch wüll mini fiess e total am arsch sind)
Denn het zum bispill mi rächte dumme und zeigfinger sit ahfangs tippelei so e zimli dumpfs gfühl scho die gan zit....es fühlt sich ah wie wenn i kei gfühl me drin hät...
Und tatsächlich, als hätes nit alle gseit, het sich mi lischte bruch zimli bemerkbar gmacht, was mi denn au zmli frie ins bett verschlage het und hüt bini no churz mitem chef bim arzt gsi, i lueg jetzt mol ob is lo lo mache, chunnt druf ah wie sichs verhaltet (machet euch jetzt eifach nit z vill sorge bitte he :-))
Erschwerend isch no drzue cho das dr Dome zmli schlächti nochrichte vo dehei becho het, e guete Kolleg vo ihm isch im WK ums läbe cho...was die ganzi sach do obe im land vo de Schwobe au nit grad vil liichter macht !!! Meh cha halt nit alles ha, abe das hani jo gwüsst....:-S
Wie gseit, i chönnt no vill verzelle, aber dodrfür miesst i no vill meh zit ha denn am halb achti mien mr wider uf Bude si, aso dobe in d Kneipe...
Bitte nämets mr nit übel, wenn i mi noni so oft bi euch allne mäld, aber es fehlt mängmol eifach d zit drfür...isch halt so....:-) I gib mr mieh das is in negschter zit öfters mach denn i nim ah mir werde do in Bielefeld no e zitli am schaffe sii, user die übernegscht wuche, denn isch heimegherei vo mim altreisende Philipp, do mien mr natürlich drbii si und nocherd gohts zrug go chrampfe...in dene 2 wuche nachdem dr philipp denn heibrocht worde isch, goht dr pawell no uf rumänie go schaffe, denn sin dr dome und ich elei in dr fridrichshöhe, aber das macht nüt, het ei zwei sehr hübschi bedienige und do me jo ee jede daag döt obe hockt, ha me sich d zit ganz guet z tot schloh :-)
So also, machets guet und haltet euri Ohre stiff, i bi villicht im auguscht in dr schwiz unterwägs, dr 1. auguscht würd i ebe scho gärn in mim schöne schwizerländli verbringe... i wünsch euch was, diend nit zwild, lönd euch vo neimer fremden ahquatsche, stiget bi niemertem fremde is auto und ii und suffet nit zvill...uf guet dütsch alles vo ich dörf und söll :-P
Tschüss zämme, eure Viddli
I wot mi zerscht mol entschuldig, das i mi so lang nüit gmolde ha, aber i bi eifach nit drzue cho...
Ich cha euch allne nur zerscht mol danke, das so vill as Ortsschild cho sind, het mr mega vill bedütet,wie me villicht schüüch mitbecho het...;-)
Naja, um die erscht wuche churz z zämmefasse: "SUUUUUUFFE suffe und nomol suffe...das nennt me denn lossgeerei (losgehtippelei) !!!!
Au die zweit Wuche isch so witer gange, mir sind öbe am fritig scho z Flensburg gsi, das heisst eimol vom süde dütschland in tiefschte norde ufe !!! und döt het ein vom freiheitsschacht sini iiheimischmäldig kah !!! E wucheend lang suffe heisst das wider mol !!! Er isch denn aber erscht e wuche spöter hei, zerscht hämer no d maike vo sylt nach sylt hei brocht, wider e wuche suffe !! In sylt simer denn öbe 3 daag blibe, bis denn ebe em andre sini heimgehtippelei losgange isch...
über hamburg simer senn nach Kiel, vo döt chunnt er ebe, abre i cha euch sage, Hamburg isch hammer, mit sind zwar scho die meischt zit bi dr brigitte im "St. Paulis Eck" gsi und uf dr Reeperbahn, aber es isch super gsi :-D Schlussändlich simer denn tatsächlich no in Kiel ahcho und wie dr euch sicher dänke chönnet, e wucheend lang nume.....genau, Suffe !!!!
Zum glück isch nach denne 3 wuche unsri Voigtburschewuche ahgstande, das heisst, ich ganz elei durch dütschland trampe....puuuh, i ha mr zerscht dänkt das das zimli heftig wird, aber es isch alles anders cho... I sag nume, wenn me vo vier junge fraue iiglade wird das me bi ine inhrere WG cha penne seit me nit nei :-D isch jo klar ;-)
Und au suscht het die wuche vill erfahrig brocht....
Mi Route in dere wuche isch vo Kiel über Oldenburg, nach Emden, Norden und schlussändlich nach Hildesheim gange, döt hani mi denn wider mitem Dominic troffe, er isch jo au elei unterwägs gsi...I bi jedoch scho am Mittwuch am vieri am nimittag vorem roothuus gstande in hildesheim und hamit schlofe drzwüsche bis am donnschtig am halb elfi am morge ufe Felder (Dominic) gwartet, bis es denn nach Weimar gange isch und schlussändlig uf Erfurt, wo mr am fritig denn wider dr Pfilipp und dr Pawell troffe hän !!! E super wuche chani nur sage !!!
Nachdem simer no mit em Time, wo au an miner Losgehparty gsi isch (wer sich mag erinnere) hei gange und hend ihn denn wider zrugg übers ortsschild kickt... Er wohnt so zimli im tiefschte Oschte vo dütschland (freiberg no chli witer hindere) au döt simer e chli blibe und händ uns erholt, emel mehr oder weniger....!!!
Vo döt us isches denn richtig Bielefeld, wo mr sit geschtert vorere Wuche au ahcho sind, und me glaubts chuum, em Feldi und mir keit wider mol alles vor d Fiess ahne, denn am Fritig isch uf dr Fridrichshöhe, so heisst die Kneipe döt obe, immer ganz schön öbis los, und wie dr Zuefalls sowill lauft döt ein ihne, e dachdeckermeischter, wo zimli vill arbet het.....zäck die bohne hn mir zwei arbet, fietere die andre zwei momentan e chli dure....lön in d beiz die ganz zit ahschribe und hän hüt e Priis ahgschribe vo öbe 300 Euro, was mr hüt au no zahle werde, denn dr Dome (Feldi) und ich händ bim chef nach öbe 3 Daag schaffe e Vorschuss miesse hole vo je 250 euro...naja :-)
Uf jede fall hämer mitem andi (dr chef) dr daniele (d fründin vom chef) und dr ganze mannschaft in dr Bude e riise glück do unde...am morge chönne mir zwei immer sandwich schmiire, mir chönne immer do znacht ässe und jede obe dusche wenn mr wän.... s einzig wo z bemängle isch, isch dr standatvor arbe do obe...abartig wie me das merkt wenn me in dr schwiz sone bruef glert het, aber naja, me cha sich jo ahpasse :-)
Jo und jetzthock i do bim Chef am PC und schrib euch dr erschti halbpatzigi bricht, denn i chönnt wahrschinli jetzt scho e buech fülle mit mine erläbnis und all däm...
Es isch zwar nit immer schön und toll, wenn me zum bispill am morge ufwacht, dus pennt het und in die fiechte chleider ine muess, bruucht das mängmol e bits überwindig, oden wenn me e wuche lnag nit zum dusche chunnt und d fiess in de Kampfstifels scho fön ahfo safte isch au das nit immer so toll (mol abgseh drvo das i neui schueh bruuch wüll mini fiess e total am arsch sind)
Denn het zum bispill mi rächte dumme und zeigfinger sit ahfangs tippelei so e zimli dumpfs gfühl scho die gan zit....es fühlt sich ah wie wenn i kei gfühl me drin hät...
Und tatsächlich, als hätes nit alle gseit, het sich mi lischte bruch zimli bemerkbar gmacht, was mi denn au zmli frie ins bett verschlage het und hüt bini no churz mitem chef bim arzt gsi, i lueg jetzt mol ob is lo lo mache, chunnt druf ah wie sichs verhaltet (machet euch jetzt eifach nit z vill sorge bitte he :-))
Erschwerend isch no drzue cho das dr Dome zmli schlächti nochrichte vo dehei becho het, e guete Kolleg vo ihm isch im WK ums läbe cho...was die ganzi sach do obe im land vo de Schwobe au nit grad vil liichter macht !!! Meh cha halt nit alles ha, abe das hani jo gwüsst....:-S
Wie gseit, i chönnt no vill verzelle, aber dodrfür miesst i no vill meh zit ha denn am halb achti mien mr wider uf Bude si, aso dobe in d Kneipe...
Bitte nämets mr nit übel, wenn i mi noni so oft bi euch allne mäld, aber es fehlt mängmol eifach d zit drfür...isch halt so....:-) I gib mr mieh das is in negschter zit öfters mach denn i nim ah mir werde do in Bielefeld no e zitli am schaffe sii, user die übernegscht wuche, denn isch heimegherei vo mim altreisende Philipp, do mien mr natürlich drbii si und nocherd gohts zrug go chrampfe...in dene 2 wuche nachdem dr philipp denn heibrocht worde isch, goht dr pawell no uf rumänie go schaffe, denn sin dr dome und ich elei in dr fridrichshöhe, aber das macht nüt, het ei zwei sehr hübschi bedienige und do me jo ee jede daag döt obe hockt, ha me sich d zit ganz guet z tot schloh :-)
So also, machets guet und haltet euri Ohre stiff, i bi villicht im auguscht in dr schwiz unterwägs, dr 1. auguscht würd i ebe scho gärn in mim schöne schwizerländli verbringe... i wünsch euch was, diend nit zwild, lönd euch vo neimer fremden ahquatsche, stiget bi niemertem fremde is auto und ii und suffet nit zvill...uf guet dütsch alles vo ich dörf und söll :-P
Tschüss zämme, eure Viddli
Abonnieren
Posts (Atom)
