Sali zämme
Jo i weiss i has vo villne site kört das i langsam chli nochloh mit schribe, i gib mr mieh das das wider besseret ;-)
Naja, s letscht mol hani jo in gräche gschribe bim roberto...sit denn isch wider einigi zit is land und einiges passiert.
Mir sind am mittwuch druf woni gschribe ha, vo gräche obe abgreist wüll mr dänkt hän, so duirch dr französisch teil vom wallis und genf, chönnt chli schwiriger wärde, aber tatsächlich hets sehr guet klappt und mir sind am gliiche daag no in gänf ahcho !!!
Uf dr fahrt hani vo düttsch frnzösisch bis hi zu änglisch alles miesse rede, aber es het erstunlich guet klappt, vorallem bim französisch hets mi verwunderet das dooch no chli öbis vo dr schuel hange blibe isch, me chönnts emel meine :-D
In gänf ahcho hämer grad zerscht mol quartier bezoge, direkt bim bahnhof im rotliechtmilieu...naja, es isch ok gsi, vorallem hän nur gselle in dere wohnig gwohnt und es het au dämentsprechend usgseh...:-P
Für uns kei problem aber für anderi wärs wahrschinlich nüt !!! ;-)
Dr einzig nochteil isch gsi, d wohnig isch im 5. stock, das heisst, 103 stuefe laufe und das täglich...hihi, das döhnt jetzt he ;-) aber mir sind jo sportlich und es isch natürlich kei problem gsi für uns !! :-D
Mir händ denn au am mentig grad ahfo schaffe bime iiheimische vo uns....d mitarbeiter sind au alles dütschi iheimischi wo sich in gänf nidergloh händ !!! Also die ganz Bude bestoht eiegntlich usem schacht Freiheitsbrüeder !!!
D arbet wo mr becho händ isch au zimli interessant gsi und lehrriich, emel für mi, i ha chönne mini erschti träppe abbinde und en gräteschuppe füre familie wo neume am hügel obe wohnt mit ussicht ufe mont blanc...sehr schöni baustell !!!!
suscht sins halt alles so normali, emel füre zimmermaa normali arbete gsi wo immer wider ahfalle, i chönnt jetzt ahfo ufzelle, aber d helfti wos liist, würd jo ee nit drus cho ;-)
Em Dome sini kollegin wo grad an dr gränze zur schwiz wohnt het au mehr oder weniger in d wäg gleitet das i mis mami und min papi widermol ha troffe....
zerscht hets zwar gheisse das nur dr papi chunnt do jo s mami eigentlig in brasilie söt si...aber wie s schicksal (weme dra glaubt) so will, isch s mami friener dehei gsi und isch au mitcho nach gänf, was mi risig gfreut het !!!
Em dome si schweschter isch an däm daag au in gänf gsi oder nach gänf cho und isch no bis am sunntig blibe...
Mir sind denn alli zämme go znacht ässe inere pizzeria, was sehr gmüetlich gsi isch !!!
Nacherd hets denn halt wider gheisse abschid ne vo mine eltere und almälich go penne.
Schön isches uf jedeflall gsi euch wider mol gseh z ha und i freu mi euch in flensburg chönne z träffe !!!!
Schad isch nur immer das mis schweschterli no nie het chönne drbi si, die hani nämli zimli bald siteme joor nüm gseh und i vermiss se scho chli !!!
Aber glaub mr schweschterli, mir sehn uns sicher bald mol, i hoffs emel !!! :-)
E wuche spöter isch denn au no d claudi und s miele abe cho was mi natürlich au sehr gfreut het medels !!! Si händ bime iiheimische vo uns übernachtet und am sunntig morge hämer alli z$mme bi ihm und sim mitbewohner au e freiheitsbrueder zmörgelet !!!
Isch uf jedefall e super idee gsi vonem !!!!!
Nachem zmörgele brunche was au immer, simer no zämme in carouge gmietlig e kaffi go trinke, ah nei, i glaub es isch es rivella gsi ;-)
Nocherd hets au vo dene beidne gheisse abschid ne und vertage ufe 25. april wome sich wider gseh het in littau an dr schlagerparty.
Nomol e wuche spöter, isch den unser alljörlichs fremdeträffe ah gstande wo vo uns organisiert wird !!! Mir händ zu 4 s auto vo dr patrizia (Kollegin vom Dome) becho und sind in 10 stund ungefähr um mini bannmeile ume nach marburg oberhalb vo frankfurt gfahre um uns döt mit de ganze anderne bruederhärze und witer wandernde gselle z träffe und chreftig z fiire.
Es isch es schöns fescht gsi, dr Philipp isch au döt gsi und i ha e cools gspröch mitem kah.
Nachem träffe am Mentig morge hets gheisse zrug nach gänf go witer schaffe !!!
S lengschte woni in gänf unde ml gschafft ha isch öbe 11.5 stund gsi...e zimli e lange daag, aber wenn halt s dach muess dicht si, wüll öber drin wohnt isch das halt ame so !!!
Im ganze hämer öbe 1.5 monet dunde gschafft obwohl mr afänglich nur öbe 2 wuche hän welle blibe, aber ebe, irgendöbis isch jo immer !!! :-D gäll claudi und miele :-P
S letschte wucheen simer denn bi dr patrizia in frankriich gsi... em dome sini ex ex fründin und e kollegin vo dr gugge sind au abe cho und mir händ gänf gmietlich lo usklinge mit chinesisch a discresion, oder wie me das au immer schribt und vill nintendo wii :-P
Nach dere ganze sach simer grad mitem dome siner ex ex, si heisst übrigens petra, nach bärn mitgfahre womer denn au 3 nächt im hotel bi dr andrea wo mr in gräche hän kenne glert blibe sind, die erscht nacht het dr chef nüt drfo gwüsst und die negschte 2 nächt hämer chönne blibe, wüll mr gseit, oder er gseit het, das mr e chli dien fänschter putze und chli bode ufneh...
Es het sich ufjedefall glohnt chli in bern z blibe, denn bärn isch e richtig geili und schöni stadt und mol abgseh drfo, s bundeshuus ahluege isch seh interessant und sogar GRATIS !!! Me glaubts chum isch aber so ;-)
In bärn sälber sind bestimmt öbe 5 lüt cho wo nis arbet kah hätte, aber mir händ halt miesse ablähne wüll mr mol wider hän welle reise und an d heimgeherei vom piff hän welle !!!
Döt simer denn au ahne, das ganze het in dr nöchi vo ravensburg statt gfunde...s fescht isch luschtig gsi und es sind zimli vill gselle vo ganz verschidene schächt döt gsi was s ganze no vill luschtiger und interessanter gmacht het !!!! S ziel wär gsi nach däm fescht in richtig berlin z mache...irgendwie hets denn mi aber nach stuttgard und dr dome nach bielefeld zoge und mir händ uns trennt....
Naja, beim einte mit meh erfolg als bim andere, i bi am negschte daag wider abgreist vo döt und do i gwüsst ha das dr roberto und s fränzi wider nach langendembach in oschte zu ihrne elter zrug chömme, hani mr dänkt, machsch au döt ahne, was sich als sehr sportlich usegstellt het...
an dr raschtstedt het mi nämli ein miteme artege mitgnoh und do dä nur 2 plätz kah het und ich elei gsi bi, bini mit däm 300 ps starke gschoss öbe 4 stund lang mittrampt !!! das ding het also e spitz über 270 kmh und me hets gspührt, das chani euch verspräche... !!!!
Uf jedefall bini au am gliche daag no döt ahcho und bi sogar vor dene beidne döt gsi.....
I ha es paar gmietligi daag verbrocht mit dere ganze sibschaft und am samschtig sind si sogar no mit nach berlin cho...und wie halt dr zuefall so will, simer genau döt ahne gfahre wo i ha ahne miesse...;-) klar simer nach navi, oder sind si nach navi gfahre, aber i ha trotzdäm dänkt, das i si no muess sueche d gselle....aber ebe, dem war nicht so !!!!
S fescht isch schön gsi und dä wo losgschosse worde isch, het öbe s gliich dure gmacht wie mir alli au an unsere losgehparty, also eigentlig nüt neus für gwüssi läser vo mim blogg....
s einzig wo nit gliich gsi isch, er isch nit gnaglet worde, do er zu betrunke gsi isch :-S naja, irgendöbis isch jo immer, wie me so schön seit...
mir sind denn am mentig druf los mit allne übrig blibene gselle in richtig ortsschild und das cvha wit si wen me am oschtchrütz in berlin hockt...naja, zum glück isch dr usbilner vom vogtbursch döt gsi miteme "grosse" pickup bus, aso mit brugg hinde druf, so simer alli gselle schön uf dere brugg hinde druf dur halb berlin brausst bis ans ortsschild...
Während dr fahrt het uns no s ordnigsamt ufghalte , naja, aber ehner wüller vorne kei nummere dra kah het , also isches nit unser problem gsi und mir sind witer gfahre direkt ine eibahn ine...niemert hets gstört und ebe, irgendwenn simer denn am ortsschild ahcho !!! :-D
D nacht hämer gmietlig ime grosse heuhuffe verbrocht und sin am morge frie schön vo dr sunne gweckt worde !!!
Dr Dome und ich sind an däm morge lostrampt in richtig Heidelbärg, bzw Nussloch, genau döt ahne wo d schuehfabrik stoht...mir sind au go luege, aber sehr speziel isch das nit, halt ehner öbis für fraue, wie dr mario bart so schön zelebriert !!!!
d nacht vorhär hämer in nekarsulm pennt, direkt am nekar sälber...in nekarsulm isch s audi wärk, emel eins vo villne nim i ah und notürlig simer d audi usstellig go ahluege was au rächt spannend gsi isch !!!!
Dr daag druf simer denn ebe nach heidelbärg go dr johannes abhole...mir hänen denn au troffe und d idee wär gsi richtig italie sicilie z mache, das isch aber ebe ins wasser gfalle wüll alli öbis anders plant händ !!! i ha dänkt er chunnt villicht mit an d schlagerparty, er het aber halt nit welle und isch denn mitem dome mit ane witeri losgehparty !!!
Naja, d gschicht wo jetzt chunnt kennt d helfti wahrschinlich scho...i bi denn nach züri zum naumann, e RS kolleg und bi ihm hani mi den au iignischtet für es paar daag um denn ebe am samschtig richtig littau mit sportgepäck los z mache...
In littau, i bi ufe glofe he ;-) hani mi den ine kneipe gsetzt und ha mr zerscht mol e fetts zmittag gleischtet um e chli e bode z schaffe füre bevorstehende obe....
Dr Obe isch miner meinig noch super geil gsi, obwohl jo die einte no e brand kah händ vom vorobe wie i ha miesse verneh !! gäll jonny ;-)
Jo am mentig bini denn au wider vo züri abghaue und wider in richtig dütschland tipplet !!
Jetzt sitz i do am PC (wo au immer;-)) und schrib widermol blogg....es isch au mitlerwiile scho halb eins am nomittag und i bi mr schwer am überlege ob i no los söll, oder no e nacht blibe !!!, das luegi no...!!!!
Jetzt sött me wider e schluss finde he :-) naja, ambeschte sagi s gliich wie immer, machets guet, basset uf euch uf, i machs au und me seht sich sicher widermol irgendwo, irgendwenn !!! Machets guet uns cu...greez, eure Viddli
Mittwoch, 29. April 2009
Montag, 16. Februar 2009
Hoi zämme
I sitz grad in Gräche bim Roberto und sit silvester isch einigi zit ins land zoge wo sehr vill bassiert isch !!!
Nachdäm i es par vo euch in Arosa an Silvester troffe ha, was übrigens sehr geil gsi isch !!!!, isches füre Dome und mich witers gange....mir sind o dobe abgreist und händ uns in richtig dütschland ufgmacht, genauer gseit nach weimar an d iiheimischmäldig vom Oli und vom Kinski....
Naja, die beide hän wie bis jetzt alli wandersgselle wo hei gön, e riiiiiise party gschmisse mit villne gescht und vill alkohol...:-)
Als erschts isch d reis in richtig leipzig gange, wo mr dr Oli übers Ortsschild kickt händ..... es isch arsch chalt gsi, i ha nassi fiess kah und ha gfroore wie e schlosshund (?) ;-) naja, wenn die das überhaupt mache ;-)
S Fescht ahschliessend bi uns uf bude in leipzig isch relativ, verhältnismässig verhalte gsi....i bi zimli am arsch gsi mit hueschte und schnupe, ha nit möge bier trinke und bi erstuunlicherwiis frie ins bett....
gschlofe hani in dere nacht fascht nüt, mit gliderschmärze im nacke und de schulter cha me halt nit so sau guet schlofe und so isch d nacht zimli lang worde für mi !!!!
Naja, am negschte daag isches denn scho besser gange und mir sind uns chli go leipzig ahluege....het sich zimli gloohnt, i find leipzig e rächt schöni stadt....!!!
nomol e daag druf hämer vorkah ins thermalbad z go e chli go relaxe,,,die sieche hän nis welle abzocke mit de priise und denn hämer dänkt, neeeeh, so nit, händ churzerhand umdreit und sind in MC go zmittag, bzw znacht ässe und nocherd wider zrug nach leipzig uf bude...naja, was mr zobe gmacht hän, chönnet ihr euch sicher dänke...:-S
am menitg isches denn au scho witers gange....in richtig Berlin....es isch e eluschtigi wuche gsi, vorallem wüll mr imene kaff gnächtig hän, wo eifach mol gar nüt isch user ei zwei hüüsli und e dorfkneipe.....drfür isch die kneipe um so geiler gsi, dr bsitzer e mega coole siech, d location isch mega gross gsi und schlofe hämer ebe au döt chöne.....drum simer au zwei mol döt hi zrug ;-)
Am samschtig, glaub i zumindescht, simer denn am ortsschild vo berlin gstande und händ tatsächlig miesse uf d familie vom kinski warte .-D hahaha, das hani au no nie erläbt, das me uf d familie muess warte, suscht wartet me immer uf d gselle :-)
S Fescht ahschliessend nachdäm mr unsre schlofplatz bezoge händ, isch einiges besser gsi....e sone shline spunte irgendwo in berlin vo "die tagung" heisst.
I glaub i bi ein vo de letschte gsi wo use gloffe isch und genau ab denn wo i dus gsi bi, weiss i nüt me, ufgwache bini inere fremde wohnig und wurum ich und dr Thomas (reisekamerad FFB) us dere wohnig use grennt sind ohni Jagge und ohni huet weiss i hüt noni....!!! uf jedefall isch d tür zue keit, ich wach wie so e art uf und ha nüm gwüsst us welere wohnig mr jetzt use cho sind !!!
Naja wie mr halt so sind hämer dänkt gömer go zmorge neh und denn zrug zum andre schlofplatz,,,,mir also no völlig breit vom vorobe und ohni jagge und huet dur berlin dure gstüürt und denn ändlich mol die ander wohnig gfunde !!! Dört simer denn zerscht mol go penne und morge woni ufgwache bi, simer zerscht mol usglache worde vo de andere und denn mehr oder weniger zämme gschisse worde: mir chönne doch nit ihni jagge und huet ume laufe, so in däm stil öbe !! ;-)
Mit jagge isch zum glück vome ander wo au no düt in dr andere wohnig pennt het mitbrocht worde aber mi huet nit, also lauf i momentan mit mim arbetshuet umenand, naja, das gfallt mr nit so, vorallem weni dra dänk das mi zylinder nigelnagel neu gsi isch...!!! Egal i bsorg mr in negschter zit e neue !!!
Ach so, i ha no meh verlore in de letschte zwei monet, nämli mi pass und mi stirnlampe, alles weg....zum glück isch dr chopf ahgwachse !!!! :-S
Nachdäm mr denn mol usgschlofe händ in berlin, het sich sone chlini reisecombo zämmegfunde....die combo het vor kah, in bayrische wald z fahre ans gröschte motorradträffe vo europa....mir hönd denn aber no e paar tag in berlin verbrocht und sind denn in chline 2er oder 3er gruppe in richtig landshut (nöchi münche) abe trampt !! ir sind zu 7 unterwägs gsi und händ uns zobe immer ame abgmachte ort wider troffe um z nächtige...!!!
In Landshut ahcho hämer bi dr tochter vome iiheimische vo uns ei nacht übernachtet bises denn am negschte morge mit sportgepäck, also nur em nötigschte, in richtig Solla/Loh losgange isch !!!
Mir hän gwüsst das mr duse penne mien und drum hämer versuecht es paar isomatte z organisiere...!!! naja, klappt hets nit bi alne, also hämer zitewiis bi minus 10 grad duse am bode miesse penne, mir händ zwar e füür kah, aber au das goht mol us und denn stohsch nit uf und legsch holz noche wülls dr eifach z chalt isch !! :-S
Me muess sich sone Chessel vorstelle in dr landschaft wo e wäg abwärts goht....überall am hang i campiert worde und überall sind töff umegstande, sogar vo italie sind si cho mit irne roller, ein sogar vo ängland mitem 50 ccm roller, i cha euch sage, alles chranki sieche, aber genau döt hi hämer passt....
Jo und wie s schicksal so spielt, hät ein am einete obe sötte ufs füür ufpasse, er isch iigschlofe...s stroo wo näbem füür gläge isch, het sich entzünet und s meischte vo unserne chleider isch abbrennt...!!! i bi döt grad unterwägs gsi und woni zrug cho bi, hani au keini chleider me kah user däm woni ahkah ha !!!!
Zum glück sind d schlofseck ame andere ort gsi suscht wärs wirklig scheisse worde....
Chleider, Charlies, schlofsackseck socke und langi unterlibli, also alles abbrennt...die ganze verucke lüt wo döt umegstiflet sind, hän das mitbecho und au d organisatore vom fescht !!
Mir händ denn e spänd vo dene ganze lüt becho und hän vome sone armi shop chönne chleider ha, warmi verstoht sich......
Am sunntig morge womer ufgwache sind, sind scho fascht alli rockers und bikers vo dr bildflechi verschwunde gsi.....die chönnet euch nit verstelle, was döt zrugg gloh worde isch, ganzi zält, ganzi chischtene biet, dosefuetter geträng, schlofseck, deckene, campingstiel, tisch, eifach alles.....
Mir händ uns alli ahgluegt und beschlosse mir blibe no bis am zischtig, häns uns vo däm züg alles zämme gsuecht was mr brucht händ und händ gläbt wie d muus im späck, es isch richtig gmietlig worde in unsrem lager und mir händ allles kah was mr brucht hän !!!
Die negscht station wo ahgstande isch, isch Hochdorf gsi, d gugge vom dome het dört e uftritt kah, das isch in dr nöchi vo stuttgard gsi....
Ich also mitem hannes döt ahne trampt und mir hän uns scho mega gfreut, das mr döt gsi sind...ab in negschte spunte isch d devise gsi an tisch vo de dört iiheimische herre gsässe !!!!
chum hämer ahfo rede mitnand, het sich usegstellt, das mr im falsche hochdorf sind, es gäbi öbe6 stück in dr umgäbig vo stuttgard.....
Suuuper hämer dänkt...naja, isch au nit schwer gsi ins falsche hochdorf zcho, do mir dr dome nur gseit het jo es sit links vo dr A81 und döt isch das halt mol s einzig hochdorf uf dr charte gsi !!!
Mir sind denn an däm donnschtig obe no ins richtige hochdorf cho und in d halle gange, wo die ganz fasnachtsaktion het sölle stattfinde...
Mir händ se dört welle froge ob mr ägscht irgendwo chönne penne aber dr chef het gmeint das chönni er nit mache, aber do, trinket doch zerscht mol es bier...naja, was eim ahbotte wird söll me jo bekantlich nit usschloh also hämer es bierli trunke und sogar no e stück pizza becho....tiptop hämer dänkt, jetzt fehlt no dr schlofplatz...
Und wie mr halt emol so sind, hämer denn churzerhand dene lüt döt no chli bim ustelle gholfe, bis plötzlich dr chef uf uns zue cho isch.....
Er het uns denn gfrogt ob mir am umzug übermorn nit welle dr bürgermeischter begleite, wüll de traktor nit gnüegend abgsicheret sig......
mir händ denn gseit jo keis problem mir miesse eifach no die andere froge obs ok sig, aber die händ halt e tag spöter dr genau gliich fehler gmacht wie mir und sind im falsche hochdorf glandet aber am gliiche obe no im richtige wider ahcho....dr hannes und ich hän natürlig nüm chönne vor lache und dr obe isch immer wie besser worde !!!!
Für das mr dr bürgermeischter begleite hets für jede an beidne öbe e sone getränke charte geh und taürlig freie iitritt !!!
haha, d gugge vom dome isch denn au irgendwenn iitroffe und es mega cool gsi die alli widermol z gseh !!!
Die ganz reisecombo het denn au im naturfründehuus wo d gugge au übernachtet het gschlofe user ein.....:-)
Am negschte Daag, am 2 am nomoittag hämer miesse bim bürgermeischter an däm wage si und en begleite...sogar dä wo nit bi allne andere gschlofe het isch rächtzitig döt gsi und isch flissig näbem wage mitglofe :-D
Dr bürgermeischter dä luschtig cheib, het denn nachem umzug no gmeint, das alli wandergselle hüt obe am fescht uf sini rächnig dörfe suffe....dä ....idi.....egal....6 wandergselle uf ihre traditionelle wanderschaft go iilade zum suffe....oje oje oje, do sag i nume sälberschuld, wenns nur bier gsi wär, wärs jo no gange, mir händ aber alles dörfe suffe, also äntwäder isch är jetzt pleite oder grad ganz hochdorf...aber das isch uns jo egal, denn so schnäll loni mi in hochdorf nüm bligge !!! ;-)
Die ganz Combo het sich nach däm ganze in hochdorf denn trennt....dr dome und ich sind no stück mit de Mägi chlöpfer mitgfahre und die andre sind suscht ine richtig abghaue !!
Mir sind denn in richtig schwiz abe und über konstanz ind schwiz iigreist...do mr gwüsst händ, das ufem rorschacherbärg d eltere vo einere wohne wo au unterwägs isch, hämer uns churzerhand d adresse use gsuecht und sind verbii gange und e nacht bi ihne pennt...e daag spöter simer denn no eimol wie au scho zum mader hei.....das isch e alte RS kolleg....meci nomol mader an dere stell, das mr chönne verbii cho wenn immer mr wänn....!!!!!!
Vom mader us, dä wohnt übrigens in Flims, simer denn unterem oberalp dure und naherd no unterem Furka pass dure um ins wallis z cho !!! Jo und jetzt sitz i do in gräche bim roberto, triff die ganze lüt us gräche widermol häns luschtig und wärde wahrschinli am mittwuch in richtig genf mache um wider e chli go schaffe !!!!!
Also lüt, i hoff ihr händ widermol e chline iiblick in mis läbe becho und hoff es wird au gläse....i wünsch euch allne nur s beschte, basset uf euch uf i machs au und i hoff me seht sich widermol irgendwo irgendwenn !!!!
Machets guet...liebi griess eure FB Viddli
I sitz grad in Gräche bim Roberto und sit silvester isch einigi zit ins land zoge wo sehr vill bassiert isch !!!
Nachdäm i es par vo euch in Arosa an Silvester troffe ha, was übrigens sehr geil gsi isch !!!!, isches füre Dome und mich witers gange....mir sind o dobe abgreist und händ uns in richtig dütschland ufgmacht, genauer gseit nach weimar an d iiheimischmäldig vom Oli und vom Kinski....
Naja, die beide hän wie bis jetzt alli wandersgselle wo hei gön, e riiiiiise party gschmisse mit villne gescht und vill alkohol...:-)
Als erschts isch d reis in richtig leipzig gange, wo mr dr Oli übers Ortsschild kickt händ..... es isch arsch chalt gsi, i ha nassi fiess kah und ha gfroore wie e schlosshund (?) ;-) naja, wenn die das überhaupt mache ;-)
S Fescht ahschliessend bi uns uf bude in leipzig isch relativ, verhältnismässig verhalte gsi....i bi zimli am arsch gsi mit hueschte und schnupe, ha nit möge bier trinke und bi erstuunlicherwiis frie ins bett....
gschlofe hani in dere nacht fascht nüt, mit gliderschmärze im nacke und de schulter cha me halt nit so sau guet schlofe und so isch d nacht zimli lang worde für mi !!!!
Naja, am negschte daag isches denn scho besser gange und mir sind uns chli go leipzig ahluege....het sich zimli gloohnt, i find leipzig e rächt schöni stadt....!!!
nomol e daag druf hämer vorkah ins thermalbad z go e chli go relaxe,,,die sieche hän nis welle abzocke mit de priise und denn hämer dänkt, neeeeh, so nit, händ churzerhand umdreit und sind in MC go zmittag, bzw znacht ässe und nocherd wider zrug nach leipzig uf bude...naja, was mr zobe gmacht hän, chönnet ihr euch sicher dänke...:-S
am menitg isches denn au scho witers gange....in richtig Berlin....es isch e eluschtigi wuche gsi, vorallem wüll mr imene kaff gnächtig hän, wo eifach mol gar nüt isch user ei zwei hüüsli und e dorfkneipe.....drfür isch die kneipe um so geiler gsi, dr bsitzer e mega coole siech, d location isch mega gross gsi und schlofe hämer ebe au döt chöne.....drum simer au zwei mol döt hi zrug ;-)
Am samschtig, glaub i zumindescht, simer denn am ortsschild vo berlin gstande und händ tatsächlig miesse uf d familie vom kinski warte .-D hahaha, das hani au no nie erläbt, das me uf d familie muess warte, suscht wartet me immer uf d gselle :-)
S Fescht ahschliessend nachdäm mr unsre schlofplatz bezoge händ, isch einiges besser gsi....e sone shline spunte irgendwo in berlin vo "die tagung" heisst.
I glaub i bi ein vo de letschte gsi wo use gloffe isch und genau ab denn wo i dus gsi bi, weiss i nüt me, ufgwache bini inere fremde wohnig und wurum ich und dr Thomas (reisekamerad FFB) us dere wohnig use grennt sind ohni Jagge und ohni huet weiss i hüt noni....!!! uf jedefall isch d tür zue keit, ich wach wie so e art uf und ha nüm gwüsst us welere wohnig mr jetzt use cho sind !!!
Naja wie mr halt so sind hämer dänkt gömer go zmorge neh und denn zrug zum andre schlofplatz,,,,mir also no völlig breit vom vorobe und ohni jagge und huet dur berlin dure gstüürt und denn ändlich mol die ander wohnig gfunde !!! Dört simer denn zerscht mol go penne und morge woni ufgwache bi, simer zerscht mol usglache worde vo de andere und denn mehr oder weniger zämme gschisse worde: mir chönne doch nit ihni jagge und huet ume laufe, so in däm stil öbe !! ;-)
Mit jagge isch zum glück vome ander wo au no düt in dr andere wohnig pennt het mitbrocht worde aber mi huet nit, also lauf i momentan mit mim arbetshuet umenand, naja, das gfallt mr nit so, vorallem weni dra dänk das mi zylinder nigelnagel neu gsi isch...!!! Egal i bsorg mr in negschter zit e neue !!!
Ach so, i ha no meh verlore in de letschte zwei monet, nämli mi pass und mi stirnlampe, alles weg....zum glück isch dr chopf ahgwachse !!!! :-S
Nachdäm mr denn mol usgschlofe händ in berlin, het sich sone chlini reisecombo zämmegfunde....die combo het vor kah, in bayrische wald z fahre ans gröschte motorradträffe vo europa....mir hönd denn aber no e paar tag in berlin verbrocht und sind denn in chline 2er oder 3er gruppe in richtig landshut (nöchi münche) abe trampt !! ir sind zu 7 unterwägs gsi und händ uns zobe immer ame abgmachte ort wider troffe um z nächtige...!!!
In Landshut ahcho hämer bi dr tochter vome iiheimische vo uns ei nacht übernachtet bises denn am negschte morge mit sportgepäck, also nur em nötigschte, in richtig Solla/Loh losgange isch !!!
Mir hän gwüsst das mr duse penne mien und drum hämer versuecht es paar isomatte z organisiere...!!! naja, klappt hets nit bi alne, also hämer zitewiis bi minus 10 grad duse am bode miesse penne, mir händ zwar e füür kah, aber au das goht mol us und denn stohsch nit uf und legsch holz noche wülls dr eifach z chalt isch !! :-S
Me muess sich sone Chessel vorstelle in dr landschaft wo e wäg abwärts goht....überall am hang i campiert worde und überall sind töff umegstande, sogar vo italie sind si cho mit irne roller, ein sogar vo ängland mitem 50 ccm roller, i cha euch sage, alles chranki sieche, aber genau döt hi hämer passt....
Jo und wie s schicksal so spielt, hät ein am einete obe sötte ufs füür ufpasse, er isch iigschlofe...s stroo wo näbem füür gläge isch, het sich entzünet und s meischte vo unserne chleider isch abbrennt...!!! i bi döt grad unterwägs gsi und woni zrug cho bi, hani au keini chleider me kah user däm woni ahkah ha !!!!
Zum glück sind d schlofseck ame andere ort gsi suscht wärs wirklig scheisse worde....
Chleider, Charlies, schlofsackseck socke und langi unterlibli, also alles abbrennt...die ganze verucke lüt wo döt umegstiflet sind, hän das mitbecho und au d organisatore vom fescht !!
Mir händ denn e spänd vo dene ganze lüt becho und hän vome sone armi shop chönne chleider ha, warmi verstoht sich......
Am sunntig morge womer ufgwache sind, sind scho fascht alli rockers und bikers vo dr bildflechi verschwunde gsi.....die chönnet euch nit verstelle, was döt zrugg gloh worde isch, ganzi zält, ganzi chischtene biet, dosefuetter geträng, schlofseck, deckene, campingstiel, tisch, eifach alles.....
Mir händ uns alli ahgluegt und beschlosse mir blibe no bis am zischtig, häns uns vo däm züg alles zämme gsuecht was mr brucht händ und händ gläbt wie d muus im späck, es isch richtig gmietlig worde in unsrem lager und mir händ allles kah was mr brucht hän !!!
Die negscht station wo ahgstande isch, isch Hochdorf gsi, d gugge vom dome het dört e uftritt kah, das isch in dr nöchi vo stuttgard gsi....
Ich also mitem hannes döt ahne trampt und mir hän uns scho mega gfreut, das mr döt gsi sind...ab in negschte spunte isch d devise gsi an tisch vo de dört iiheimische herre gsässe !!!!
chum hämer ahfo rede mitnand, het sich usegstellt, das mr im falsche hochdorf sind, es gäbi öbe6 stück in dr umgäbig vo stuttgard.....
Suuuper hämer dänkt...naja, isch au nit schwer gsi ins falsche hochdorf zcho, do mir dr dome nur gseit het jo es sit links vo dr A81 und döt isch das halt mol s einzig hochdorf uf dr charte gsi !!!
Mir sind denn an däm donnschtig obe no ins richtige hochdorf cho und in d halle gange, wo die ganz fasnachtsaktion het sölle stattfinde...
Mir händ se dört welle froge ob mr ägscht irgendwo chönne penne aber dr chef het gmeint das chönni er nit mache, aber do, trinket doch zerscht mol es bier...naja, was eim ahbotte wird söll me jo bekantlich nit usschloh also hämer es bierli trunke und sogar no e stück pizza becho....tiptop hämer dänkt, jetzt fehlt no dr schlofplatz...
Und wie mr halt emol so sind, hämer denn churzerhand dene lüt döt no chli bim ustelle gholfe, bis plötzlich dr chef uf uns zue cho isch.....
Er het uns denn gfrogt ob mir am umzug übermorn nit welle dr bürgermeischter begleite, wüll de traktor nit gnüegend abgsicheret sig......
mir händ denn gseit jo keis problem mir miesse eifach no die andere froge obs ok sig, aber die händ halt e tag spöter dr genau gliich fehler gmacht wie mir und sind im falsche hochdorf glandet aber am gliiche obe no im richtige wider ahcho....dr hannes und ich hän natürlig nüm chönne vor lache und dr obe isch immer wie besser worde !!!!
Für das mr dr bürgermeischter begleite hets für jede an beidne öbe e sone getränke charte geh und taürlig freie iitritt !!!
haha, d gugge vom dome isch denn au irgendwenn iitroffe und es mega cool gsi die alli widermol z gseh !!!
Die ganz reisecombo het denn au im naturfründehuus wo d gugge au übernachtet het gschlofe user ein.....:-)
Am negschte Daag, am 2 am nomoittag hämer miesse bim bürgermeischter an däm wage si und en begleite...sogar dä wo nit bi allne andere gschlofe het isch rächtzitig döt gsi und isch flissig näbem wage mitglofe :-D
Dr bürgermeischter dä luschtig cheib, het denn nachem umzug no gmeint, das alli wandergselle hüt obe am fescht uf sini rächnig dörfe suffe....dä ....idi.....egal....6 wandergselle uf ihre traditionelle wanderschaft go iilade zum suffe....oje oje oje, do sag i nume sälberschuld, wenns nur bier gsi wär, wärs jo no gange, mir händ aber alles dörfe suffe, also äntwäder isch är jetzt pleite oder grad ganz hochdorf...aber das isch uns jo egal, denn so schnäll loni mi in hochdorf nüm bligge !!! ;-)
Die ganz Combo het sich nach däm ganze in hochdorf denn trennt....dr dome und ich sind no stück mit de Mägi chlöpfer mitgfahre und die andre sind suscht ine richtig abghaue !!
Mir sind denn in richtig schwiz abe und über konstanz ind schwiz iigreist...do mr gwüsst händ, das ufem rorschacherbärg d eltere vo einere wohne wo au unterwägs isch, hämer uns churzerhand d adresse use gsuecht und sind verbii gange und e nacht bi ihne pennt...e daag spöter simer denn no eimol wie au scho zum mader hei.....das isch e alte RS kolleg....meci nomol mader an dere stell, das mr chönne verbii cho wenn immer mr wänn....!!!!!!
Vom mader us, dä wohnt übrigens in Flims, simer denn unterem oberalp dure und naherd no unterem Furka pass dure um ins wallis z cho !!! Jo und jetzt sitz i do in gräche bim roberto, triff die ganze lüt us gräche widermol häns luschtig und wärde wahrschinli am mittwuch in richtig genf mache um wider e chli go schaffe !!!!!
Also lüt, i hoff ihr händ widermol e chline iiblick in mis läbe becho und hoff es wird au gläse....i wünsch euch allne nur s beschte, basset uf euch uf i machs au und i hoff me seht sich widermol irgendwo irgendwenn !!!!
Machets guet...liebi griess eure FB Viddli
Freitag, 26. Dezember 2008
Hoi zämme
Wideremol, wie scho so oft, hock in bielefeld bi de Jägers und schrib e rundi in mi blog ine....
I glaub stohblibe bini ungefehr in hamburg nach dr davidwach und irgendwelchne stroossepenner wo an gegeständ ahne seiche ;-)
Naja, zerscht mol, wiehnacht isch ganz luschtig oder bessergseit ok gsi, mir hän dr 24 unteranderem do bi jägers im wohnzimmer verbrocht mit guetem ässe und vill gschänkli vorallem füre marvin.
Aber ob drs glaubet oder nit, au mir händ öbis becho ;-) Vo dehei isch e päckli cho mit wiehnachtsguzzeli und vorallem läckerli...mmmmhhh, i glaub über die hani mi am meischte gfreut :-) Es paar sälbergstrickti socke vo mim mami (woni übrigens grad a ha) e chli schoggi us dr schwiz für die dütsche schoggibanause und e videobootschaft vo mine eltere und em schweschterli, was mi mega gfreut het !!! :-)
Dr 25. het zerscht mol gaaaanz gmietli ahgfange, mit zmörgele und au witers isch nit vill bassiert, user das mr zobe zu kollege vo unsne beide huusherre gange sind und döt ei zwei bierli drunke händ, eigentlig ganz gmietlig gsi und luschtig :-)
hmmm...,nachdäm mr in eutin ändlich abgreist sind, hämer uns zerscht mol e glüehwii gönt in eutin am wiehnachtsmärt, wenn me das so nenne cha...drnoch hämer uns s ziel Lüneburg (was e super schöni stadt isch) gsetzt...eigentlig nume us eim, ok us zwei gründ, in richtig neui kluft z cho und eventuell, fals mr se finde würde, d alina z träffe...i glaub vo ihre hani no nie öbis verzellt, was jo nit witers schlimm isch ;-) E sehr e schöni frau isches uf jedefall...!!
naja, s het denn halt nit welle si und drum hämer uns denn in die negscht kneipe gsetzt und ei bier nachem andere in chopf gstellt und uns mol nachere tiefgarage erkundigt wo mr uns hätte chönne anelege !!
d servierdüse het denn gfrogt, ob mr wirklig döt penne wänn, und mir natürlig, jo klar wiso au nit, duse isches zu chalt !!!
Churzerhand het si uns denn zu ihre hei gnoh und i sag euch, au si isch nit e schlächti gsi !! :-)
unser päch numme isch gsi wüll si sich nit getraut het uns zwei elei zu ihre in d wohnig mit zneh, das si eme kolleg ahglüte het und dä denn cho isch und au no döt pennt het, bi ihre, IM BETT :-(
gscheech nüt schlimmers, simer no ei nacht döt blibe und hän ime EC-hotel übernachtet, was e bankevorrum isch.....am halb säxi am morge simer denn au vo de bulle vetribe worde und witer zoge in richtig Ohrebach raststette, was an dr A7 ligt.
Im dorf Ohrebach ahcho, wo mr jo schomol gnächtigt hän, simer wider zu dere familie hei und sind sehr härzlig empfange worde !!!
Am negschte daag, e riise zmorgeässe geh und gsterkt in richtig creglingen losgacht um d kluft abzhole !!
Au das mit dr kluft het dipdop funktioniert und wie usem ei keit simer bi cappele (kluftschnieder) wider usegloffe um unsi neui kluft i zschmoore...
Hop zag in die negscht kneipe ihne und uf d hose (büchs) ufs schilet (veste) und us jagget (s jacket) je e halbe liter bier in chopf gstellt...:-D
Gsterkt wider use, es isch scho dunkel gsi, simer denn wider in richtig bad mergentheim, wo mr jo au letscht mol hi sind, ins frankies go witer kluft ischmoore...
dr obe isch lenger und lenger worde und schlussändli simer bi dr polizei vo mergentheim glandet.
mir hän dört in dr schleuse chönne penne, hän no e tee kriegt und sind denn am negschte morge widermol sau frieh gweckt worde und witer zoge ins negschte kaffi.
Im kaffi ahcho hämer kei plan kah was mache und vorallem wo hi mit dr zit...mir hän erscht am 20. in bielefeld miesse si, obwohl mr jo sowiso voll d datümer nüm im griff kah hän, und denn hani im dome vorgschlage, das mr doch uf münche gön, go versueche es autogramm vo dr heidi klum in unsri wanderbiecher z becho, do jo casting gsi isch vo de topmodells...
hehe....zimli schnäll simer denn au in münche unde gsi und hän zerscht mol gluegt wo mr penne sölle und i cha euch sage, die norddütsche sind definitiv vill fründlicher als die im süde...im norde wärs nie es problem gsi, ime spital es leers zimmer für ei nacht z becho, genau so bi dr füürwehr...in münche het me das chönne vergässe und denn blibt inere grossstadt wie münche halt nur no d tiefgarage...was aber au sehr agnähm cha si !!
am negschte daag hämer denn s mässegländ vo münche afo sueche und dr erscht womer gfrogt hän het gmeint, jo alles gradus, was jo gstume het und es gech öbe dreiviertel stund bis döt hi.........................................nach öbe 5 stund laufe simer denn acho :-S
was i aber scho mol verrote cha isch das mr s heidi leider nit persönlich troffe hän und es het au kei möglichkeit geh döt ine z cho, aber es isch ganz amüsant gsi z luege, wie d fraue wo usekeit sind mit je mit öbe 2 koffer und einere täsche ume glofe sind, für ei daag muessi ahmerke und mir uf unserne charlies hocke für 3-4 joor ;-) e super bild :-D
ufem wiehnachtsmärt ahcho bi de Riem arcade, so wie das döt heisst, het uns denn ein iiglade zum glüewii drinke...wenns nur bi däm blibe wär....das isch widermol so e super typ gsi, wo uns gseit het, mir chönne suffe so vill mr wän und m burger king ässe so vill mr wän, er zahlt alles....!!!
Mir sind denn ine sone chlini bar und hän halt uf sini chöschte gsoffe und gässe, bi ihm und siner fründin dehei pennt, duscht und zmorge gässe und wider verreist....am ganze obe het er uns 70 euro no so eifach zuegseckt, damit mr öbis hän heter gmeint !!!.....i glaub i muess gar nit me drüber sage :-D
Am negschte dag het und münche denn nüm welle und mir sind uf die negscht raschte use tramptwo mr beidi überhaupt gar e kei bock kah händ irgendwelchi lüt ahzspreche ob si platz heige zwei reisendi handwärker mitzneh, also was mache wenns eim ahkackt ?? genau eifach mol ins griene use ins negschte kaff und in die negscht kneipe.
Nach einehalb fläsche jacky ischs uns denn au zimli guet gange, aber eigentlig au nur wüll die zwei hübsche servicedame uns immer e mischig vo öbe dreiviertel jacky und dr räscht cola nur no für d farb gmacht händ und e rise spass dra ka händ.
Mit dene zwei simer denn au no öbe bis am 2 am morge in dr beiz gsi und hän witer bächeret !!
Leidergottes hän si uns nit mit zu sich gnoh sondern im negschte EC-hotel abgliferet wo mr denn wie scho so oft am negschte morge vo de bulle gweckt worde sind....uf guet dütsch, voll d arschcharte zoge !!!!!!!!!!!!!!!!!!!!
E dag spöter und wider ei zwei erfahrige riicher simer wider uf die raschte zrug und sind denn ändlich vo münche wider wäg cho und do mr uf dr charte gseh händ, dases e gmeind git wo "Kuchen" heisst, hämer gseit, döt gömer uns e stämpeli go hole....gesagt getan, simer in merklingen (döt chunnt d märklin modellisebahn här, wäms öbis seit) wider usegumpt und dure schnee ins dorf zume schlofplatz sueche, was an däm obe nit klappt het....was heisst das für zwei freiheitsbrieder ???? Genau, in die negscht kneipe und abwarte in mim fall, warten und tee trinken, was sogar stimmt !! :-D
Jo e stund spöter isch denn au ein in d kneipe ine stüürt und het gfrogt ob er sich zu uns setze dörfi, was notürlich kei problem isch gsi !!
Er het gmeint er sigi tischler, also schrinermeischter und miessi bis vor wiehnachte no ime studentewohnheim es paar türe iibaue, ob mir ihm nit hälfe chönnte.
tja, leider hämer jo nach bielefeld miesse und hän ihm das au gseit, aber notürlig nit usgloh, das mr no en schlofplatz sueche !!!
Er het uns denn bi sich ufgnoh, uns s geschtebett zur verfiegig gstellt und am negschte morge woni d tür ufgmacht ha, isch s zmorge au scho vor dr tür gstande....:-D
Mir sind denn no bi ihm in dr firma verbi und hän uns bedankt und sind denn richtig kuchen, ebe das dorf witer nach stuttgard.
unsri stempeli abgholt in kuchen und in sttgard ahcho hämer wider inere tiefgarage pennt womer erstunlicherwiis us eigene sache wider use sind und nit wüll uns d polizei gweckt het.
Au in stuttgard notürlich gstämplet gstämplet gstämplet und wider witers in richtig bielefeld...
ach so, in stuttgrad simer ufem schwizer konsulat go e stämpel hole, het mol ganz guet do schwizerdütsch z rede :-D
Am 18. in bielefeld ahcho bime kolleg vo do, er isch uns mitem auto cho abhole...simer uf d höchi (friedrichhöhe) ein go zieh !!!
mir händ denn die erscht nacht bi ihm pennt und am negschte daag no mit ihm und siner fründin mit go luege wo er jetzt schafft...isch ganz e schöni kneipe, es kolpinghuus....dört no zimli lang gsässe und denn ändlig mol zu de jägers...!!!
Am 20. isch denn firmeässe vo im sim gschäft gsi aso vo dr dachdeckerfirma....das wiehnachtsässe isch so lang gange wie ichs no nie erläbt ha...es het au uf dr höchi statt gfunde und isch sage und schreibe 14.5 stund gange....vom sächsi zobe, bis am halb achti am andere morge.....es ruschends fescht....:-D
Die däg zwüschem wiehnachtsässe und wiehnacht sälber hani no zwei mol mitem philipp abgmacht (mi altgsell) und eme ehemalige reisekamerad vo ihm....woni ha miesse merke, das i whisky nit vertrag :-S ;-)
Jo und jetzt hock i do und schrib euch wies mr so ergange isch und freu mi wie es chlises chind druf zumindescht es paar vo euch in arosa obe z gseh !!! i glaub das wird e riiiiiiise sach und mir werde enand vill z verzelle ha, hoff i zumindescht, weni vorhär nit alles scho do ufsgschribe ha ;-)
also medels und jungs, machets guet und bis in öbe 5 daag, emel für es paar...cuund basset uf euch uf, i machs au.....ganz liebi griess us bielefeld...Viddli
Wideremol, wie scho so oft, hock in bielefeld bi de Jägers und schrib e rundi in mi blog ine....
I glaub stohblibe bini ungefehr in hamburg nach dr davidwach und irgendwelchne stroossepenner wo an gegeständ ahne seiche ;-)
Naja, zerscht mol, wiehnacht isch ganz luschtig oder bessergseit ok gsi, mir hän dr 24 unteranderem do bi jägers im wohnzimmer verbrocht mit guetem ässe und vill gschänkli vorallem füre marvin.
Aber ob drs glaubet oder nit, au mir händ öbis becho ;-) Vo dehei isch e päckli cho mit wiehnachtsguzzeli und vorallem läckerli...mmmmhhh, i glaub über die hani mi am meischte gfreut :-) Es paar sälbergstrickti socke vo mim mami (woni übrigens grad a ha) e chli schoggi us dr schwiz für die dütsche schoggibanause und e videobootschaft vo mine eltere und em schweschterli, was mi mega gfreut het !!! :-)
Dr 25. het zerscht mol gaaaanz gmietli ahgfange, mit zmörgele und au witers isch nit vill bassiert, user das mr zobe zu kollege vo unsne beide huusherre gange sind und döt ei zwei bierli drunke händ, eigentlig ganz gmietlig gsi und luschtig :-)
hmmm...,nachdäm mr in eutin ändlich abgreist sind, hämer uns zerscht mol e glüehwii gönt in eutin am wiehnachtsmärt, wenn me das so nenne cha...drnoch hämer uns s ziel Lüneburg (was e super schöni stadt isch) gsetzt...eigentlig nume us eim, ok us zwei gründ, in richtig neui kluft z cho und eventuell, fals mr se finde würde, d alina z träffe...i glaub vo ihre hani no nie öbis verzellt, was jo nit witers schlimm isch ;-) E sehr e schöni frau isches uf jedefall...!!
naja, s het denn halt nit welle si und drum hämer uns denn in die negscht kneipe gsetzt und ei bier nachem andere in chopf gstellt und uns mol nachere tiefgarage erkundigt wo mr uns hätte chönne anelege !!
d servierdüse het denn gfrogt, ob mr wirklig döt penne wänn, und mir natürlig, jo klar wiso au nit, duse isches zu chalt !!!
Churzerhand het si uns denn zu ihre hei gnoh und i sag euch, au si isch nit e schlächti gsi !! :-)
unser päch numme isch gsi wüll si sich nit getraut het uns zwei elei zu ihre in d wohnig mit zneh, das si eme kolleg ahglüte het und dä denn cho isch und au no döt pennt het, bi ihre, IM BETT :-(
gscheech nüt schlimmers, simer no ei nacht döt blibe und hän ime EC-hotel übernachtet, was e bankevorrum isch.....am halb säxi am morge simer denn au vo de bulle vetribe worde und witer zoge in richtig Ohrebach raststette, was an dr A7 ligt.
Im dorf Ohrebach ahcho, wo mr jo schomol gnächtigt hän, simer wider zu dere familie hei und sind sehr härzlig empfange worde !!!
Am negschte daag, e riise zmorgeässe geh und gsterkt in richtig creglingen losgacht um d kluft abzhole !!
Au das mit dr kluft het dipdop funktioniert und wie usem ei keit simer bi cappele (kluftschnieder) wider usegloffe um unsi neui kluft i zschmoore...
Hop zag in die negscht kneipe ihne und uf d hose (büchs) ufs schilet (veste) und us jagget (s jacket) je e halbe liter bier in chopf gstellt...:-D
Gsterkt wider use, es isch scho dunkel gsi, simer denn wider in richtig bad mergentheim, wo mr jo au letscht mol hi sind, ins frankies go witer kluft ischmoore...
dr obe isch lenger und lenger worde und schlussändli simer bi dr polizei vo mergentheim glandet.
mir hän dört in dr schleuse chönne penne, hän no e tee kriegt und sind denn am negschte morge widermol sau frieh gweckt worde und witer zoge ins negschte kaffi.
Im kaffi ahcho hämer kei plan kah was mache und vorallem wo hi mit dr zit...mir hän erscht am 20. in bielefeld miesse si, obwohl mr jo sowiso voll d datümer nüm im griff kah hän, und denn hani im dome vorgschlage, das mr doch uf münche gön, go versueche es autogramm vo dr heidi klum in unsri wanderbiecher z becho, do jo casting gsi isch vo de topmodells...
hehe....zimli schnäll simer denn au in münche unde gsi und hän zerscht mol gluegt wo mr penne sölle und i cha euch sage, die norddütsche sind definitiv vill fründlicher als die im süde...im norde wärs nie es problem gsi, ime spital es leers zimmer für ei nacht z becho, genau so bi dr füürwehr...in münche het me das chönne vergässe und denn blibt inere grossstadt wie münche halt nur no d tiefgarage...was aber au sehr agnähm cha si !!
am negschte daag hämer denn s mässegländ vo münche afo sueche und dr erscht womer gfrogt hän het gmeint, jo alles gradus, was jo gstume het und es gech öbe dreiviertel stund bis döt hi.........................................nach öbe 5 stund laufe simer denn acho :-S
was i aber scho mol verrote cha isch das mr s heidi leider nit persönlich troffe hän und es het au kei möglichkeit geh döt ine z cho, aber es isch ganz amüsant gsi z luege, wie d fraue wo usekeit sind mit je mit öbe 2 koffer und einere täsche ume glofe sind, für ei daag muessi ahmerke und mir uf unserne charlies hocke für 3-4 joor ;-) e super bild :-D
ufem wiehnachtsmärt ahcho bi de Riem arcade, so wie das döt heisst, het uns denn ein iiglade zum glüewii drinke...wenns nur bi däm blibe wär....das isch widermol so e super typ gsi, wo uns gseit het, mir chönne suffe so vill mr wän und m burger king ässe so vill mr wän, er zahlt alles....!!!
Mir sind denn ine sone chlini bar und hän halt uf sini chöschte gsoffe und gässe, bi ihm und siner fründin dehei pennt, duscht und zmorge gässe und wider verreist....am ganze obe het er uns 70 euro no so eifach zuegseckt, damit mr öbis hän heter gmeint !!!.....i glaub i muess gar nit me drüber sage :-D
Am negschte dag het und münche denn nüm welle und mir sind uf die negscht raschte use tramptwo mr beidi überhaupt gar e kei bock kah händ irgendwelchi lüt ahzspreche ob si platz heige zwei reisendi handwärker mitzneh, also was mache wenns eim ahkackt ?? genau eifach mol ins griene use ins negschte kaff und in die negscht kneipe.
Nach einehalb fläsche jacky ischs uns denn au zimli guet gange, aber eigentlig au nur wüll die zwei hübsche servicedame uns immer e mischig vo öbe dreiviertel jacky und dr räscht cola nur no für d farb gmacht händ und e rise spass dra ka händ.
Mit dene zwei simer denn au no öbe bis am 2 am morge in dr beiz gsi und hän witer bächeret !!
Leidergottes hän si uns nit mit zu sich gnoh sondern im negschte EC-hotel abgliferet wo mr denn wie scho so oft am negschte morge vo de bulle gweckt worde sind....uf guet dütsch, voll d arschcharte zoge !!!!!!!!!!!!!!!!!!!!
E dag spöter und wider ei zwei erfahrige riicher simer wider uf die raschte zrug und sind denn ändlich vo münche wider wäg cho und do mr uf dr charte gseh händ, dases e gmeind git wo "Kuchen" heisst, hämer gseit, döt gömer uns e stämpeli go hole....gesagt getan, simer in merklingen (döt chunnt d märklin modellisebahn här, wäms öbis seit) wider usegumpt und dure schnee ins dorf zume schlofplatz sueche, was an däm obe nit klappt het....was heisst das für zwei freiheitsbrieder ???? Genau, in die negscht kneipe und abwarte in mim fall, warten und tee trinken, was sogar stimmt !! :-D
Jo e stund spöter isch denn au ein in d kneipe ine stüürt und het gfrogt ob er sich zu uns setze dörfi, was notürlich kei problem isch gsi !!
Er het gmeint er sigi tischler, also schrinermeischter und miessi bis vor wiehnachte no ime studentewohnheim es paar türe iibaue, ob mir ihm nit hälfe chönnte.
tja, leider hämer jo nach bielefeld miesse und hän ihm das au gseit, aber notürlig nit usgloh, das mr no en schlofplatz sueche !!!
Er het uns denn bi sich ufgnoh, uns s geschtebett zur verfiegig gstellt und am negschte morge woni d tür ufgmacht ha, isch s zmorge au scho vor dr tür gstande....:-D
Mir sind denn no bi ihm in dr firma verbi und hän uns bedankt und sind denn richtig kuchen, ebe das dorf witer nach stuttgard.
unsri stempeli abgholt in kuchen und in sttgard ahcho hämer wider inere tiefgarage pennt womer erstunlicherwiis us eigene sache wider use sind und nit wüll uns d polizei gweckt het.
Au in stuttgard notürlich gstämplet gstämplet gstämplet und wider witers in richtig bielefeld...
ach so, in stuttgrad simer ufem schwizer konsulat go e stämpel hole, het mol ganz guet do schwizerdütsch z rede :-D
Am 18. in bielefeld ahcho bime kolleg vo do, er isch uns mitem auto cho abhole...simer uf d höchi (friedrichhöhe) ein go zieh !!!
mir händ denn die erscht nacht bi ihm pennt und am negschte daag no mit ihm und siner fründin mit go luege wo er jetzt schafft...isch ganz e schöni kneipe, es kolpinghuus....dört no zimli lang gsässe und denn ändlig mol zu de jägers...!!!
Am 20. isch denn firmeässe vo im sim gschäft gsi aso vo dr dachdeckerfirma....das wiehnachtsässe isch so lang gange wie ichs no nie erläbt ha...es het au uf dr höchi statt gfunde und isch sage und schreibe 14.5 stund gange....vom sächsi zobe, bis am halb achti am andere morge.....es ruschends fescht....:-D
Die däg zwüschem wiehnachtsässe und wiehnacht sälber hani no zwei mol mitem philipp abgmacht (mi altgsell) und eme ehemalige reisekamerad vo ihm....woni ha miesse merke, das i whisky nit vertrag :-S ;-)
Jo und jetzt hock i do und schrib euch wies mr so ergange isch und freu mi wie es chlises chind druf zumindescht es paar vo euch in arosa obe z gseh !!! i glaub das wird e riiiiiiise sach und mir werde enand vill z verzelle ha, hoff i zumindescht, weni vorhär nit alles scho do ufsgschribe ha ;-)
also medels und jungs, machets guet und bis in öbe 5 daag, emel für es paar...cuund basset uf euch uf, i machs au.....ganz liebi griess us bielefeld...Viddli
Mittwoch, 19. November 2008
Hoi Zämme
Puuh, zerscht mol e schlugg bier........guet, jetzt chani ahfo :-D
Es git wider vill z verzelle vo do obe usem norde....,während däm i do ine im Wintergarte HOck, stürmts duse wie nit ganz bache und hüt bim schaffe (mir sind grad amene Balkon dra) hets fascht die ganz zit so gniiselet und drzue ane no gwindet, zum chotze sag i euch....warm ischs au nit grad....aber me cha sich jo guet ahzieh ;-)
Nachdem i s letscht mol gschribe ha isch zimli bald drnoch öbis irgendwie luschtigs aber irgendwie au nit so guets passiert, aso emel für d huusbesitzer...
Dr Bauherr vo do, ganz e nätte eigentlig, aber mir händ immer s gfühl kah, er verbrennt so ei zwei sache in dr heizig woner nit döt...und eines daages, es isch churz vor füürobe gsi, qualmt das usem Chamin ufem dach use wie wenn e alti Dampflok würd gas geh und es het au no obe use gfunkt....Ich natürlig riise auge gmacht und ine grennt und in chäller abe gruefe....."Hey Wolgang, hör auf Dachpappe zu verbrennen.....!!!" Kei antwort isch cho und ich ha dänkt, jo frogsch mol d birgitt (bauherrin) was los sig.....sit het denn nur gmeint:" nöö Wolfang sitzt im wintergarten hinten, warum ??"
Ich natürlig afo erkläre was los isch und si het riise auge gmacht...
Denn bini wider zum dome use und er het gmeiont (er isch jo in dr füürwehr gsi) :" Das isch e Cheminebrand...sofort dr Füürwehr ahlüte...!!"
Mir das ihne gseit, was mache si, si lüte em Cheemifäger ah :-S Mann mann mann...kei ahnig die lüt...;-)
Mir hänse denn no chönne drzue überrede das si dr Füürwehr alüte und die sind au cho....
Ich an d strooss füre gstande um iizwiise...1. Bullechare 2. Füürwehrmaa in Zivil 3. Bullechare 4. TLF Füürwehr 5. Füürwehr 6. Tlf Füürwehr 7.,8., und öbe 9., no meh vo dr Füürwehr......ufgforderet hämer nur s kader vo dene, was si au anschienend gsi sind....aber jo :-D
Mir natürlich vom dach us alles beobachtet und nume glache...20 lüt sind ume gstande und dr räscht...öbe 3 lüt händ öbis gmacht...;-)
Naja...so vill zur füürwehr...
Ei zwei wucheend spöter, nacheme stritt zwüsche mir undeme bruederhärz in Flensburg, hämer zerscht mol am Bahnhof übernachtet, wülls uns nüm ufe letschte zug glängt het...naja, chunnt vor ;-)
Am morge frieh wider in eutin ahcho isches nit lang gange und mir händ los gmacht nach Belzig...das isch in dr nöchi vo berlin...
Dr Leif (so heisst dä) het es auto chönne organisiere, e BMW Cabrio womer hän chönne drmit abe fahre... D hi fahrt isch einigermasse gange obwohl mr z fünft in däm 4 plätzer gsässe sind...extrem ängi fahrt über öbe 5 stund...naja, als gscheech nüt schlimmers ;-)
Churz bevor mr in Belzig (Bude vo uns) ahcho sind, hämer natürlig s verdeck uf gmacht (es het öbe 10 grad kah) und sin so vorgfahre...natürlig nit ohni Bier in dr hand ;-)
Naja...so e Iheimischmäldig isch eigentlig immer s gliich...gselleparty, vill schwätze, suffe und eifach nomol dä fiire wo nachere wuche denn hei goh wot...!!!
Es sei denn, me miesst am negschte daag nit wider 5-6 stund hei fahre, was ich ha dörfe mache...:-( alles halb so wild, schön am 12 znacht am samschtig bini go penne und am 12 am nomittag am sunntig bini wider ufgstande und ha, bis mr ääääändlig wider losgfahre sind, was bi wandersgselle nit eifach isch si loszbringe....nüt, aber au gaaar nüt trunke, o.k. abgseh vo cola....
Am Vieri schetz i simer denn ändlig abgfahre, natürlig mit ofenem verdeck aber dismol mit 5 freiheitsbrieder und eim interessent im chare anstatt mit vier lüt....
Ich zitier mich jetzt mol sälber gschnäll:"Hey Leute, wenn uns die Bullen anhalten, die Strafe wird geteilt...!!!"
Gesagt getan, ich losgfahre um die erscht kurve und zack....wär stoht 100 meter witer forne....genau, die Bullen....:-(
Churz spitz hani ahghalte und 3 vo uns sind use gumpt, churz abgmacht wie was wo und witer gfahre.....und usegwunke worde...
Dialog:
B: "Grüsse sie, Führerschein und Zulassung bitte"
Wie wenn ich gwüsst hät wo dr Fahrzügschiin vo däm chare isch, billet hani drbi kah
Ich:" Moin.....Jou, einen moment bitte"
suchsuchsuch....ah gfunde
B:" Steigen sie bitte mal aus Herr Forrer und folgen sie mir"
Ich usgstige und gmacht waser gseit het....Bim Bullechare ahcho
B:" So Herr Forrer, Blasen sie bitte mal hier rein bis ich stopp sage" (ins Alkoholteschtgrätli verstoht sich he ;-))
Ich:"FFFFFFFFFFFFFFFFFF"
Gerät:"Piiiiiiiiep"
B:" Stopp, einen kleinen augenblick ja"
Ich:"Jou"
B:" A-ha.....sehr gut, 0.00"
Ich zerschtmol erlichteret und nacherd gseit
Ich:" Ist ja klar, hab heute morgen nichts getrunken!!!"
B:"Aber sagne sie mal, sie wissen schon Wiviele in diesem auto mitfahren dürfen....
Ich:" Naja, ich denke mal 4 ne !!??"
B:" Ja und wieville waren denn vorher, wo wir sie gesehen haben drin ??"
Ich:" Ich hab KEINE AHNUNG!" ;-)
In zwüschezit sin die andre womer churzfrischtig use gloh händ verbii gloffe und nur so gseit....:" Grüsst euch bruderherzen, wo kommt ihr denn her :-D??" hahahaha
D heimfahrt nacherd hämer den ohni stroof und schlussändlich glich mit 5 lüt im auto beendet in eutin obe...was aber sehr ahstrengend gsi isch...fahr mol mit 4 betrunkene gselle5 stund über die dütsche autobahne, wos au nomeh alkohol git uf de raschtschtette....:-S
So nach däm sind es paar arbetsriichi wuche ins immer stürmerische norddütsche land zoge und es isch dr daag cho wo sich dr dome und ich nach marschacht (Süd-öschtlich vo hamburg) begeh händ um dört vo unsrem schacht us organisierte Kurs z bsueche....Rechnerische abbund...aso das wo me mol vor ei bis zwei joor in dr schuel kah het widermol e chli ufzfrüsche.....
I muess sage, nach es paar stund het das ganze wider einigermasse funktionier und mir händ ganzi dachstüehl wider im schloof chönne berechne (o.k. e biz übetribe :-))
Mir sind öbe 13 gselle gsi vo ganz verschidene schächt, wo teilgnoh händ....
S eintig problem wo mr kah händ, guet was heisst problem...zobe isch öbe 10 km vo döt entfärnt e schlagerparty gsi :-D :-D :-D alles klar ;-) ????
D Nacht isch lang gsi und dr morge vill z churz, was hiesse söll, mr händ ei halbe dag, vo einehalb dag kurs verpaast, o.k. o.k. verpennt....:-S schlimm isch nit gsi, wüll jo alli wüsse wo döt gsi sind, das mr an die party gange sind.....;-)
Naja, däm nit gnue, hämer beschlosse am mentig blau z mache, was bi uns au "blaue mäntig" gnennt wird, und nach hamburg z goh......das heisst, dr dome, dr philipp (eine vo de rächtschaffene fremde) und ich, händ d nacht in hamburg in de zimli gröschte absturzkneipene verbroocht und sind am morge druf uf d Davidwach go e stämpeli hole...mit alkoholtescht....
Dr tescht isch nit mit 0.00 usgfalle wie in belzig das isch s einzig woni drzue sag.....:-S
An däm Daag, naht, oder wases den au gsi isch hämer unter anderem no irgendwelchne stroossepenner zuegluegt wie si Bullechäre zueseiche und no villem anderem züg....
Jamburg isch immer e reis wärt, mängmol meh, mängmol weniger.....:-)
So und jetzt hock i do und schrib, loos e biz musig und lo dr obe usklinge....
I bi immerno froh wemer vo do chönne abreise und unsri kluft go hole....i gib mr mieh das i denn mol ei zwei föteli cha ufelade...oder em eint oder andere schicke...i gib mr alli mieh :-D
Also liebi lüt, hebet d ohre stiff, basset uf euch uf, i machs au und diend nit z wild....
Bis bald hoff i in dr schwiz, eure Viddli
Puuh, zerscht mol e schlugg bier........guet, jetzt chani ahfo :-D
Es git wider vill z verzelle vo do obe usem norde....,während däm i do ine im Wintergarte HOck, stürmts duse wie nit ganz bache und hüt bim schaffe (mir sind grad amene Balkon dra) hets fascht die ganz zit so gniiselet und drzue ane no gwindet, zum chotze sag i euch....warm ischs au nit grad....aber me cha sich jo guet ahzieh ;-)
Nachdem i s letscht mol gschribe ha isch zimli bald drnoch öbis irgendwie luschtigs aber irgendwie au nit so guets passiert, aso emel für d huusbesitzer...
Dr Bauherr vo do, ganz e nätte eigentlig, aber mir händ immer s gfühl kah, er verbrennt so ei zwei sache in dr heizig woner nit döt...und eines daages, es isch churz vor füürobe gsi, qualmt das usem Chamin ufem dach use wie wenn e alti Dampflok würd gas geh und es het au no obe use gfunkt....Ich natürlig riise auge gmacht und ine grennt und in chäller abe gruefe....."Hey Wolgang, hör auf Dachpappe zu verbrennen.....!!!" Kei antwort isch cho und ich ha dänkt, jo frogsch mol d birgitt (bauherrin) was los sig.....sit het denn nur gmeint:" nöö Wolfang sitzt im wintergarten hinten, warum ??"
Ich natürlig afo erkläre was los isch und si het riise auge gmacht...
Denn bini wider zum dome use und er het gmeiont (er isch jo in dr füürwehr gsi) :" Das isch e Cheminebrand...sofort dr Füürwehr ahlüte...!!"
Mir das ihne gseit, was mache si, si lüte em Cheemifäger ah :-S Mann mann mann...kei ahnig die lüt...;-)
Mir hänse denn no chönne drzue überrede das si dr Füürwehr alüte und die sind au cho....
Ich an d strooss füre gstande um iizwiise...1. Bullechare 2. Füürwehrmaa in Zivil 3. Bullechare 4. TLF Füürwehr 5. Füürwehr 6. Tlf Füürwehr 7.,8., und öbe 9., no meh vo dr Füürwehr......ufgforderet hämer nur s kader vo dene, was si au anschienend gsi sind....aber jo :-D
Mir natürlich vom dach us alles beobachtet und nume glache...20 lüt sind ume gstande und dr räscht...öbe 3 lüt händ öbis gmacht...;-)
Naja...so vill zur füürwehr...
Ei zwei wucheend spöter, nacheme stritt zwüsche mir undeme bruederhärz in Flensburg, hämer zerscht mol am Bahnhof übernachtet, wülls uns nüm ufe letschte zug glängt het...naja, chunnt vor ;-)
Am morge frieh wider in eutin ahcho isches nit lang gange und mir händ los gmacht nach Belzig...das isch in dr nöchi vo berlin...
Dr Leif (so heisst dä) het es auto chönne organisiere, e BMW Cabrio womer hän chönne drmit abe fahre... D hi fahrt isch einigermasse gange obwohl mr z fünft in däm 4 plätzer gsässe sind...extrem ängi fahrt über öbe 5 stund...naja, als gscheech nüt schlimmers ;-)
Churz bevor mr in Belzig (Bude vo uns) ahcho sind, hämer natürlig s verdeck uf gmacht (es het öbe 10 grad kah) und sin so vorgfahre...natürlig nit ohni Bier in dr hand ;-)
Naja...so e Iheimischmäldig isch eigentlig immer s gliich...gselleparty, vill schwätze, suffe und eifach nomol dä fiire wo nachere wuche denn hei goh wot...!!!
Es sei denn, me miesst am negschte daag nit wider 5-6 stund hei fahre, was ich ha dörfe mache...:-( alles halb so wild, schön am 12 znacht am samschtig bini go penne und am 12 am nomittag am sunntig bini wider ufgstande und ha, bis mr ääääändlig wider losgfahre sind, was bi wandersgselle nit eifach isch si loszbringe....nüt, aber au gaaar nüt trunke, o.k. abgseh vo cola....
Am Vieri schetz i simer denn ändlig abgfahre, natürlig mit ofenem verdeck aber dismol mit 5 freiheitsbrieder und eim interessent im chare anstatt mit vier lüt....
Ich zitier mich jetzt mol sälber gschnäll:"Hey Leute, wenn uns die Bullen anhalten, die Strafe wird geteilt...!!!"
Gesagt getan, ich losgfahre um die erscht kurve und zack....wär stoht 100 meter witer forne....genau, die Bullen....:-(
Churz spitz hani ahghalte und 3 vo uns sind use gumpt, churz abgmacht wie was wo und witer gfahre.....und usegwunke worde...
Dialog:
B: "Grüsse sie, Führerschein und Zulassung bitte"
Wie wenn ich gwüsst hät wo dr Fahrzügschiin vo däm chare isch, billet hani drbi kah
Ich:" Moin.....Jou, einen moment bitte"
suchsuchsuch....ah gfunde
B:" Steigen sie bitte mal aus Herr Forrer und folgen sie mir"
Ich usgstige und gmacht waser gseit het....Bim Bullechare ahcho
B:" So Herr Forrer, Blasen sie bitte mal hier rein bis ich stopp sage" (ins Alkoholteschtgrätli verstoht sich he ;-))
Ich:"FFFFFFFFFFFFFFFFFF"
Gerät:"Piiiiiiiiep"
B:" Stopp, einen kleinen augenblick ja"
Ich:"Jou"
B:" A-ha.....sehr gut, 0.00"
Ich zerschtmol erlichteret und nacherd gseit
Ich:" Ist ja klar, hab heute morgen nichts getrunken!!!"
B:"Aber sagne sie mal, sie wissen schon Wiviele in diesem auto mitfahren dürfen....
Ich:" Naja, ich denke mal 4 ne !!??"
B:" Ja und wieville waren denn vorher, wo wir sie gesehen haben drin ??"
Ich:" Ich hab KEINE AHNUNG!" ;-)
In zwüschezit sin die andre womer churzfrischtig use gloh händ verbii gloffe und nur so gseit....:" Grüsst euch bruderherzen, wo kommt ihr denn her :-D??" hahahaha
D heimfahrt nacherd hämer den ohni stroof und schlussändlich glich mit 5 lüt im auto beendet in eutin obe...was aber sehr ahstrengend gsi isch...fahr mol mit 4 betrunkene gselle5 stund über die dütsche autobahne, wos au nomeh alkohol git uf de raschtschtette....:-S
So nach däm sind es paar arbetsriichi wuche ins immer stürmerische norddütsche land zoge und es isch dr daag cho wo sich dr dome und ich nach marschacht (Süd-öschtlich vo hamburg) begeh händ um dört vo unsrem schacht us organisierte Kurs z bsueche....Rechnerische abbund...aso das wo me mol vor ei bis zwei joor in dr schuel kah het widermol e chli ufzfrüsche.....
I muess sage, nach es paar stund het das ganze wider einigermasse funktionier und mir händ ganzi dachstüehl wider im schloof chönne berechne (o.k. e biz übetribe :-))
Mir sind öbe 13 gselle gsi vo ganz verschidene schächt, wo teilgnoh händ....
S eintig problem wo mr kah händ, guet was heisst problem...zobe isch öbe 10 km vo döt entfärnt e schlagerparty gsi :-D :-D :-D alles klar ;-) ????
D Nacht isch lang gsi und dr morge vill z churz, was hiesse söll, mr händ ei halbe dag, vo einehalb dag kurs verpaast, o.k. o.k. verpennt....:-S schlimm isch nit gsi, wüll jo alli wüsse wo döt gsi sind, das mr an die party gange sind.....;-)
Naja, däm nit gnue, hämer beschlosse am mentig blau z mache, was bi uns au "blaue mäntig" gnennt wird, und nach hamburg z goh......das heisst, dr dome, dr philipp (eine vo de rächtschaffene fremde) und ich, händ d nacht in hamburg in de zimli gröschte absturzkneipene verbroocht und sind am morge druf uf d Davidwach go e stämpeli hole...mit alkoholtescht....
Dr tescht isch nit mit 0.00 usgfalle wie in belzig das isch s einzig woni drzue sag.....:-S
An däm Daag, naht, oder wases den au gsi isch hämer unter anderem no irgendwelchne stroossepenner zuegluegt wie si Bullechäre zueseiche und no villem anderem züg....
Jamburg isch immer e reis wärt, mängmol meh, mängmol weniger.....:-)
So und jetzt hock i do und schrib, loos e biz musig und lo dr obe usklinge....
I bi immerno froh wemer vo do chönne abreise und unsri kluft go hole....i gib mr mieh das i denn mol ei zwei föteli cha ufelade...oder em eint oder andere schicke...i gib mr alli mieh :-D
Also liebi lüt, hebet d ohre stiff, basset uf euch uf, i machs au und diend nit z wild....
Bis bald hoff i in dr schwiz, eure Viddli
Sonntag, 5. Oktober 2008
Räge in Eutin
Hoi zämme
So, nach langem nit schribe wider emol, hani mi wider mol an pc ghockt um euch e chli z verzelle was so lauft bi mir und mine reisekamerade !!!
I glaub s letscht mol hani uf St. pauli gschribe woni im internetkaffi gsässe bi....;-)
Sit denn isch einiges glofe und d zit raaast numme so drhi !!!
Uf jedefall hän sich dr Dome und ich nach unsrem Hamburg ufenthalt in richtig oschtdütschland ufgmacht um döt dr roberto und s fränzi bi ihrne eltere go z bsueche...
Gesagt getan simer am 4. september öbe am nüni zobe in langendembach ahcho...was e viertelstund nachem roberto und dr fränzi gsi isch...die beide sind aber scho nüm dehei gsi, si sind e guete kolleg vo dr ränzi go bsueche...
Naja...mir 2 zerscht mol in innehof vo dere hütte glofe und gruefe:" Hallo, ist da jemand!!??" kei antwort, nume e hund wo bällt het.
Nach witerem ume riefe und "bälle" isch denn d muetter use cho und nach langem erkläre was jetzt 2 schwarzi gstalte am nüni zobe bi ihne dehei im innehof sueche het si denn doch checkt wär i bi, do ich jo mitem roberto und ihre in kreta gsi bi....
Dr noochber het uns denn zu dene 2 gfahre und nach grosser widersehensfreud und ei zwei bierli spöter simer denn no go bowle ;-)
Die wuche womer döt gsi sind, hämer wie d könige gläbt, emel für tippeleiverhältnis und eigentlig isch si vill z schnell verbii gange...am einte obe iisch no e stadtfescht gsi döt in dr umgäbig...und do ich jo in mine junge joore emol Die prinzen gloost ha, und gseh ha, das die an dem fescht ufträtte, simer churzerhand no an es konzert vo dene cho, zwar in strömendem räge aber g rockt hets :-D
Nach dere wuche im oschte, hets gheisse, ab nach Bielefeld, wider mol :-D IIheimischmäldig vom thorsten, und mi geburtsdaag fiire....es sind so um die 30 freiheitsbrieder döt gsi...i glaub meh muessi drzue gar ni sage i glaub ihr wüsset mitlerwiile alli was das heisst ;-)
Das fescht het uf jedefall 10 chalti brumt und mir händ die letscht nacht widermol bim andi und dr dani verbrocht in dr absicht am negschte morge zimli frieh wider witer z zieh in richtig eutin, zum go schaffe....naja...het natürlich nit klappt und mir sind erscht öbe am 11 am morge wäg cho...wies aber dr zuefall so will, hämer an dr autobahnuffahrt in richtig hannover dr maik und dr oppermann ahtroffe, e ehemalige Voigtbursch vo uns und e freiheitsbrueder...
Mit dene beidne hämer churzerhand entschlosse, mir mache es wetttrampe nach eutin....
Uf de erschte 2 raschtstette hämer die beide immerwider ahtroffe aber nocherd isch definitiv schluss gsi, mir sind öbe 2 stund uf dr eine raschte hockeblibe und nit wäg cho, was dene beidne e körige vorsprung verschaft het....
Schlussändlich simer 4 stund nach ihne ahcho und mir händ als wettilösig e bier uf ex miesse suffe :-) naja, isch jo nit witer schlimm gsi :-D
So und jetzt zum Titelthema, was eigentlig ganz churz z verfasse wär...äs rägnet e chli vill du im hoche norde vo dütschland und drum chömme mr nit rächt vorwärts mit dr baustell womer do hän...D arbet anundfürsich isch sehr ahgnähm wüll alles gselle uf dr baustell sind und suscht keini usestehende....aber wenns die ganz zit pisst, ziet das irgendwenn au zimli abe...
Morn sölls besser wärde und i glaub mir werde morn au die einti dachsite fertig kriege, i hoffs emel....
Mir sind au all 2 wuche in Flensburg obe uf bude vo uns unteranderem negscht wucheend au !!!
Dr Dome isch momentan nit do, er isch hüt abgreist in d schwiz...sini grossnuetter wird beerdigt und drum wird er die wuche nit ume si....Das ganze findet userhalb vo siner bannmeile statt..aber im grosse und ganze het er scho richtig päch kah mit todesfäll uf tippelei !!!
Ich hoff nume euch alne gohts sowit guet und i muess so öbis nit erläbe....aber so öbis sött me jo gar nit dänke...:-S
Ändi Oktober chönnte mr theoretisch unsri neuei kluft go abhole...villicht gömer aber erscht spöter verbii wüll mr do miend fertig wärde bis dr winter total iizug ghalte het....drum miemer das villicht verschiebe..uf jedefall freu i mi riiiisig uf das neue chleidigsstück wie e chlises chind freu i mi :-D
So, i muess langsam go schlofe...schliesslich isch mini arbetschraft morn wider ufem dach gfrogt....und es sött wie scho oft erwähnt, vorwäts goh :-) also liebe lüt, machets guet, basset uf euch uf, i machs au...i vermiss euch und dänk oft an euch alli....cu in switzerland :-D *riiiisefreu*
ganz liebi griess usem norde und bis bald, eure viddli
So, nach langem nit schribe wider emol, hani mi wider mol an pc ghockt um euch e chli z verzelle was so lauft bi mir und mine reisekamerade !!!
I glaub s letscht mol hani uf St. pauli gschribe woni im internetkaffi gsässe bi....;-)
Sit denn isch einiges glofe und d zit raaast numme so drhi !!!
Uf jedefall hän sich dr Dome und ich nach unsrem Hamburg ufenthalt in richtig oschtdütschland ufgmacht um döt dr roberto und s fränzi bi ihrne eltere go z bsueche...
Gesagt getan simer am 4. september öbe am nüni zobe in langendembach ahcho...was e viertelstund nachem roberto und dr fränzi gsi isch...die beide sind aber scho nüm dehei gsi, si sind e guete kolleg vo dr ränzi go bsueche...
Naja...mir 2 zerscht mol in innehof vo dere hütte glofe und gruefe:" Hallo, ist da jemand!!??" kei antwort, nume e hund wo bällt het.
Nach witerem ume riefe und "bälle" isch denn d muetter use cho und nach langem erkläre was jetzt 2 schwarzi gstalte am nüni zobe bi ihne dehei im innehof sueche het si denn doch checkt wär i bi, do ich jo mitem roberto und ihre in kreta gsi bi....
Dr noochber het uns denn zu dene 2 gfahre und nach grosser widersehensfreud und ei zwei bierli spöter simer denn no go bowle ;-)
Die wuche womer döt gsi sind, hämer wie d könige gläbt, emel für tippeleiverhältnis und eigentlig isch si vill z schnell verbii gange...am einte obe iisch no e stadtfescht gsi döt in dr umgäbig...und do ich jo in mine junge joore emol Die prinzen gloost ha, und gseh ha, das die an dem fescht ufträtte, simer churzerhand no an es konzert vo dene cho, zwar in strömendem räge aber g rockt hets :-D
Nach dere wuche im oschte, hets gheisse, ab nach Bielefeld, wider mol :-D IIheimischmäldig vom thorsten, und mi geburtsdaag fiire....es sind so um die 30 freiheitsbrieder döt gsi...i glaub meh muessi drzue gar ni sage i glaub ihr wüsset mitlerwiile alli was das heisst ;-)
Das fescht het uf jedefall 10 chalti brumt und mir händ die letscht nacht widermol bim andi und dr dani verbrocht in dr absicht am negschte morge zimli frieh wider witer z zieh in richtig eutin, zum go schaffe....naja...het natürlich nit klappt und mir sind erscht öbe am 11 am morge wäg cho...wies aber dr zuefall so will, hämer an dr autobahnuffahrt in richtig hannover dr maik und dr oppermann ahtroffe, e ehemalige Voigtbursch vo uns und e freiheitsbrueder...
Mit dene beidne hämer churzerhand entschlosse, mir mache es wetttrampe nach eutin....
Uf de erschte 2 raschtstette hämer die beide immerwider ahtroffe aber nocherd isch definitiv schluss gsi, mir sind öbe 2 stund uf dr eine raschte hockeblibe und nit wäg cho, was dene beidne e körige vorsprung verschaft het....
Schlussändlich simer 4 stund nach ihne ahcho und mir händ als wettilösig e bier uf ex miesse suffe :-) naja, isch jo nit witer schlimm gsi :-D
So und jetzt zum Titelthema, was eigentlig ganz churz z verfasse wär...äs rägnet e chli vill du im hoche norde vo dütschland und drum chömme mr nit rächt vorwärts mit dr baustell womer do hän...D arbet anundfürsich isch sehr ahgnähm wüll alles gselle uf dr baustell sind und suscht keini usestehende....aber wenns die ganz zit pisst, ziet das irgendwenn au zimli abe...
Morn sölls besser wärde und i glaub mir werde morn au die einti dachsite fertig kriege, i hoffs emel....
Mir sind au all 2 wuche in Flensburg obe uf bude vo uns unteranderem negscht wucheend au !!!
Dr Dome isch momentan nit do, er isch hüt abgreist in d schwiz...sini grossnuetter wird beerdigt und drum wird er die wuche nit ume si....Das ganze findet userhalb vo siner bannmeile statt..aber im grosse und ganze het er scho richtig päch kah mit todesfäll uf tippelei !!!
Ich hoff nume euch alne gohts sowit guet und i muess so öbis nit erläbe....aber so öbis sött me jo gar nit dänke...:-S
Ändi Oktober chönnte mr theoretisch unsri neuei kluft go abhole...villicht gömer aber erscht spöter verbii wüll mr do miend fertig wärde bis dr winter total iizug ghalte het....drum miemer das villicht verschiebe..uf jedefall freu i mi riiiisig uf das neue chleidigsstück wie e chlises chind freu i mi :-D
So, i muess langsam go schlofe...schliesslich isch mini arbetschraft morn wider ufem dach gfrogt....und es sött wie scho oft erwähnt, vorwäts goh :-) also liebe lüt, machets guet, basset uf euch uf, i machs au...i vermiss euch und dänk oft an euch alli....cu in switzerland :-D *riiiisefreu*
ganz liebi griess usem norde und bis bald, eure viddli
Sonntag, 31. August 2008
Wider uf dr strooss
Hoi zämme
So, nachdäm wider e zitli ume isch, sit i gschribe ha, isch au wider e chlli öbis passiert....
Mitem Chef und siner Familie hämer no zimli gueti feschter gfiirt....Zum bispil simer am mentig, das isch die letscht wuche bevor mr z bielefeld wider abgreist sind, ans Füürwehrfescht....was ziiiiimli bgange isch....dr armin isch au drbii gsi, e steimetz wo bi uns reist....zimli cool gsi, mir hätte am zischtig erscht am 10 am morge miesste ahfo....aber dr chef het im taxi denn plötzlich gmeint, mir miesse morn nit schaffe :-D isch uns natürlich mee als gläge cho...do jo, womer mitem taxi hei sind, scho öbe 5i am morge gsi isch !!!!
Naja, als ob das mit feschte für ei wuche nit gnue gsi wär, händ dr andi (chef) und d dani (fründin vom chef) e abschidsparty gschmisse für uns...nur für uns, aso für die 2 monet womer döt gsi sind ;-) richtig tolli mensche sag i euch...es sind beschtimmt 15 bi 20 nase döt gsi über dr ganz obe verteilt, vo fründe vo dene beidne über schweschtere vo uns wo uf bude (fridrichshöchi) schaffe...bis lüt womer kenne glert händ an de partys und natürlich mitarbeiter....e riiiiiise sach sag i euch....dr andi und d dani händ uns no e chlises gschänkli gmacht....neui socke, stift zahnbaschta und so chlises züg, was uns halt total vill bringt wemer unterwägs sind !!!!
Dr dome und ich händ ihne au no e chlises abschidsgschänkli zämmegschueschteret....
Mir händ e rote bilderrahme kauft ;-) natürlich rot, was au suscht ;-) und händ so e chlini foticollage gmacht....seht richtig cool us das ding und es hängt bi dene beidne direkt in dr chuchi weme ihne chunnt....d dani het sogar miesse ei zwei dräänli verdrugge wo mr ihne das gschänkt hän....mir sind ihne döt sehr ans härz gwachse und si uns au !!!!!!!!
Und, immernoni gnueg gfeschtet....mir drei, dr armin, dr dome und ich...händ so zimmli s ganz wucheend no dure gfeschtet unds luschtig kah !!!! Am mentig denn het uns d dani an d autobahnuffahrt do damit mr guet wäg chömme...naja, alli no chli alkoholisiert het das natürlich nit so klappt wie mr uns erhofft händ und mir sind grad mol 50 km witer cho, uf guet dütsch, NüT.... bis nach salzkotten das isch in dr nöchi vo Paderborn simer cho und händ döt imene alte pferdestall übernachtet...mit flüssli näb dra, was iischalt isch gsi aber richtig cool am morge frie, aso am zähni dr z gumpe :-D
unser Ziel isch jo eigentlig gsi nach Creglingen, unterhalb vo würzburg z cho, um e neui kluft ahmässe z loh !!! Was denn au eigentlig ganz guet klappt het am negschte daag....mir sind denn am öbe zähni zobe in ohrebach ahcho, das isch e raschtstedt und e ort wo au so heisst, grad näb dra...döt simer denn hi glofe und händ welle e kneipe sueche...chuum im ort, simer uf e jäger troffe womer denn nachere kneipe gfrogt hän...er het gmeint es git eini und die sig nit wit °!!! sini frau wo denn drzue cho isch het gmeint die het mentig und zischtig zue und mir gradmol total ahkackt gsi....denn, es het pisst !! Naja, gscheech nüt schlimmers, die beide händ uns drei churzerhand zu sich hei iiglade, ihre sohn sig grad nit do, chönnet bi ihm im zimmer penne, händ si gmeint und das ahgebot hämer natürlich nit chönne usschlooh....nacheme znachtässe und 3 bier wos no geh het, simer denn schön i pennt und am negschte morge hets am achti oder so, grad wider zmorge geh, was uns natürlich sehr gläge cho isch...
Dr jäger het uns denn am gliiche morge no direkt uf creglinge gfahre, direkt vore Kluftschniider....und öbbe 2,5 stund spöter simer alli drei wider use gloffe...jedoch bis jetzt öbe 800 euro lichter....(ahzahlig für d kluft, obwohl villicht no chli öbis drzue chunnt) das heisst, ganzi lohn wäg, kei gäld meh.......egal, schlimm isch das nit, öbbe 100 het jede no kah und nach langem bei in buuch stoh und trampe simer denn in Bad mergentheim ahcho, wo denn spöter au unser nachtlager gsi isch und das binere bar unter em vordach (www.frankies-badmergentheim.de).
Dr negscht daag het wider was trampe ahgoht nit sehr vill brocht...wiedr öbe nur 50 km nach würzburg in d stadt ine.... ABER.....würzburg isch e richtig schöni stadt....vodämhär het sich das für uns gloohnt !!! scho numme zum luege und chli dur d stadt z schländere !!!
In Würzburg simer denn ins spital go übernachte...hän döt e zimmerli becho womer uns hän chönne breit mache um am negschte morge, frie wär übertribe,richtig hamburg z mache, was am ahfang üüüüüberhaupt nit klappt het, total verschisse isches glofe zerscht, bises iigrisse het.....................paar stund spöter und 430 km witer, simer denn am gliiche obe no in hamburg ahcho....mied und gschaffe vom ville labere mit all dene wo di mitgnoh händ, simer bi dr brigitte (isch so s mami vo allne wandersgselle, si läb so chli für unsre schacht, vorallem für unsre) in ihrere Eckkneipe in St. Pauli ahcho (St.Pauli Eck) döt es paar Bierli in chopf gstellt und ab zur brigitte hei, wo si e zimmer iigrichtet het nur für wandersgselle, go schlofe...und so het d wuche in hamburg ahgfange :-D
Jojo lüt, ob drs glaubet, e wuche hamburg isch ächt vill und macht verdammt mied, Reeperbahn uf, Reeperbahn ab, Davidstrooss uf, davidstrooss ab und die gaaaaanz zit wirsch vo de nutte vollglaberet, es isch niiiit zum glaube... Dialog:
Nutte: Hallo, stop mal
David Stopt
David: Ja was denn ;-)
Nutte: hast du nicht 30 euro übrig ??? Zwinker zwinker
David: Hallo, ich bin wandersgeselle, wir haben grundsätzlich kein geld...
Nutte: Ich weiss ganz genau wo ihr euer geld habt (und si wissen es wirklich)
David: Ja schön und gut, aber ich hab keins, hab alles versoffen und verfressen
Stimmt natürlich nur ahsatzwiis...
Das chönnt öbe so e dialog si wiener uf dr davidstrooss zwüsche nutte und uns stadtfinde chönnt !!! Naja, mir frogr denn meischtens no chli woher si denn sige und pläuderle chli mitene...die meischte mache das allerdings nit so lang mit und haue gli wider ab wenn si merke das de nit mitene mit gohsch !! aber die eint oder die ander lot ganz guet mit sich schwätze....:-D
Chönnet jetzt dänke was dr wänd, aber mir händ immer nur mitene gschwätzt, nüt anders, aber schlussändlig muessi mi jo vor niemertem rächtfertige :-D hahaha freu !!!!!!!
Jo wie scho oft erwähnt isch denn am sunntig s mami und dr papi uf hamburg cho.....ah jo natürlich, mi unkle und si frau au no, hehe, fascht vergässe, sorryyy ;-)
Mir händ alli zämme oft öbis unternoh, was für uns ganz cool gsi isch, so hämer au ´mol öbis anders vo hamburg gseh als d reeperbahn, wo sowiso ufe sack goht mit dr zit !! und do jo mi papi sich reltiv guet uskennt in hamburg und die stadt liebt, naja, mir mitlerwiile au, isch das e richtig cooli wuche gsi....em dome sini eltere sind au no für ei daag cho und das het ihm glaub au ganz guet do, uf jedefall isches coo, gsi !!!!
Jo und jetzt hock i in St. pauli im internetkaffi und schrib in blog....dus isch e riise lärm wüll st. pauli grad es spiil kah het und mir reise morn wider ab in richtig erfurt um dr roberto z bsueche, de het jo z ibiza gschafft und chunnt am 4 september wider hei, aso zur fründin uf dütschland !!!
Drnooch hämer abem 10 september eigentlich arbet in eutin, was i jo scho verzellt ha, aber an mim geburtsdaag, wie glaub au scho erwähnt, simer wider churz s wucheend in ´bielefeld anere iiheimischmäldig, und denn erscht nacherd in eutin obe....
Das mit silvester in arosa stoht glaub....es paar vom dome siner gugge sind au dobe, i glaub das wird ganz luschtig und freu mi riisig uf d schwiz...wie gseit wärde mr denn glaub e zilt in dr schwiz umereise und i glaub denn ergit sich ganz bestimmt e möglichkeit sich im perosa oder so z träffe :-D hahaha, wie geil wär das denn !!! ;-) (oder suscht nöime)
So liebi lüt, das widermol was so gloffe isch bi mir, i hoff euch wirds nit langwilig dehei und dir händs alli guet !!!!
I wünsch euch allne nur s bescht uf dr wält und bis bald mol...i mäld mi wider, bi ab und zue au uf FZ online und es freut mi immer vo euch z köre, machets guet, eure viddli
So, nachdäm wider e zitli ume isch, sit i gschribe ha, isch au wider e chlli öbis passiert....
Mitem Chef und siner Familie hämer no zimli gueti feschter gfiirt....Zum bispil simer am mentig, das isch die letscht wuche bevor mr z bielefeld wider abgreist sind, ans Füürwehrfescht....was ziiiiimli bgange isch....dr armin isch au drbii gsi, e steimetz wo bi uns reist....zimli cool gsi, mir hätte am zischtig erscht am 10 am morge miesste ahfo....aber dr chef het im taxi denn plötzlich gmeint, mir miesse morn nit schaffe :-D isch uns natürlich mee als gläge cho...do jo, womer mitem taxi hei sind, scho öbe 5i am morge gsi isch !!!!
Naja, als ob das mit feschte für ei wuche nit gnue gsi wär, händ dr andi (chef) und d dani (fründin vom chef) e abschidsparty gschmisse für uns...nur für uns, aso für die 2 monet womer döt gsi sind ;-) richtig tolli mensche sag i euch...es sind beschtimmt 15 bi 20 nase döt gsi über dr ganz obe verteilt, vo fründe vo dene beidne über schweschtere vo uns wo uf bude (fridrichshöchi) schaffe...bis lüt womer kenne glert händ an de partys und natürlich mitarbeiter....e riiiiiise sach sag i euch....dr andi und d dani händ uns no e chlises gschänkli gmacht....neui socke, stift zahnbaschta und so chlises züg, was uns halt total vill bringt wemer unterwägs sind !!!!
Dr dome und ich händ ihne au no e chlises abschidsgschänkli zämmegschueschteret....
Mir händ e rote bilderrahme kauft ;-) natürlich rot, was au suscht ;-) und händ so e chlini foticollage gmacht....seht richtig cool us das ding und es hängt bi dene beidne direkt in dr chuchi weme ihne chunnt....d dani het sogar miesse ei zwei dräänli verdrugge wo mr ihne das gschänkt hän....mir sind ihne döt sehr ans härz gwachse und si uns au !!!!!!!!
Und, immernoni gnueg gfeschtet....mir drei, dr armin, dr dome und ich...händ so zimmli s ganz wucheend no dure gfeschtet unds luschtig kah !!!! Am mentig denn het uns d dani an d autobahnuffahrt do damit mr guet wäg chömme...naja, alli no chli alkoholisiert het das natürlich nit so klappt wie mr uns erhofft händ und mir sind grad mol 50 km witer cho, uf guet dütsch, NüT.... bis nach salzkotten das isch in dr nöchi vo Paderborn simer cho und händ döt imene alte pferdestall übernachtet...mit flüssli näb dra, was iischalt isch gsi aber richtig cool am morge frie, aso am zähni dr z gumpe :-D
unser Ziel isch jo eigentlig gsi nach Creglingen, unterhalb vo würzburg z cho, um e neui kluft ahmässe z loh !!! Was denn au eigentlig ganz guet klappt het am negschte daag....mir sind denn am öbe zähni zobe in ohrebach ahcho, das isch e raschtstedt und e ort wo au so heisst, grad näb dra...döt simer denn hi glofe und händ welle e kneipe sueche...chuum im ort, simer uf e jäger troffe womer denn nachere kneipe gfrogt hän...er het gmeint es git eini und die sig nit wit °!!! sini frau wo denn drzue cho isch het gmeint die het mentig und zischtig zue und mir gradmol total ahkackt gsi....denn, es het pisst !! Naja, gscheech nüt schlimmers, die beide händ uns drei churzerhand zu sich hei iiglade, ihre sohn sig grad nit do, chönnet bi ihm im zimmer penne, händ si gmeint und das ahgebot hämer natürlich nit chönne usschlooh....nacheme znachtässe und 3 bier wos no geh het, simer denn schön i pennt und am negschte morge hets am achti oder so, grad wider zmorge geh, was uns natürlich sehr gläge cho isch...
Dr jäger het uns denn am gliiche morge no direkt uf creglinge gfahre, direkt vore Kluftschniider....und öbbe 2,5 stund spöter simer alli drei wider use gloffe...jedoch bis jetzt öbe 800 euro lichter....(ahzahlig für d kluft, obwohl villicht no chli öbis drzue chunnt) das heisst, ganzi lohn wäg, kei gäld meh.......egal, schlimm isch das nit, öbbe 100 het jede no kah und nach langem bei in buuch stoh und trampe simer denn in Bad mergentheim ahcho, wo denn spöter au unser nachtlager gsi isch und das binere bar unter em vordach (www.frankies-badmergentheim.de).
Dr negscht daag het wider was trampe ahgoht nit sehr vill brocht...wiedr öbe nur 50 km nach würzburg in d stadt ine.... ABER.....würzburg isch e richtig schöni stadt....vodämhär het sich das für uns gloohnt !!! scho numme zum luege und chli dur d stadt z schländere !!!
In Würzburg simer denn ins spital go übernachte...hän döt e zimmerli becho womer uns hän chönne breit mache um am negschte morge, frie wär übertribe,richtig hamburg z mache, was am ahfang üüüüüberhaupt nit klappt het, total verschisse isches glofe zerscht, bises iigrisse het.....................paar stund spöter und 430 km witer, simer denn am gliiche obe no in hamburg ahcho....mied und gschaffe vom ville labere mit all dene wo di mitgnoh händ, simer bi dr brigitte (isch so s mami vo allne wandersgselle, si läb so chli für unsre schacht, vorallem für unsre) in ihrere Eckkneipe in St. Pauli ahcho (St.Pauli Eck) döt es paar Bierli in chopf gstellt und ab zur brigitte hei, wo si e zimmer iigrichtet het nur für wandersgselle, go schlofe...und so het d wuche in hamburg ahgfange :-D
Jojo lüt, ob drs glaubet, e wuche hamburg isch ächt vill und macht verdammt mied, Reeperbahn uf, Reeperbahn ab, Davidstrooss uf, davidstrooss ab und die gaaaaanz zit wirsch vo de nutte vollglaberet, es isch niiiit zum glaube... Dialog:
Nutte: Hallo, stop mal
David Stopt
David: Ja was denn ;-)
Nutte: hast du nicht 30 euro übrig ??? Zwinker zwinker
David: Hallo, ich bin wandersgeselle, wir haben grundsätzlich kein geld...
Nutte: Ich weiss ganz genau wo ihr euer geld habt (und si wissen es wirklich)
David: Ja schön und gut, aber ich hab keins, hab alles versoffen und verfressen
Stimmt natürlich nur ahsatzwiis...
Das chönnt öbe so e dialog si wiener uf dr davidstrooss zwüsche nutte und uns stadtfinde chönnt !!! Naja, mir frogr denn meischtens no chli woher si denn sige und pläuderle chli mitene...die meischte mache das allerdings nit so lang mit und haue gli wider ab wenn si merke das de nit mitene mit gohsch !! aber die eint oder die ander lot ganz guet mit sich schwätze....:-D
Chönnet jetzt dänke was dr wänd, aber mir händ immer nur mitene gschwätzt, nüt anders, aber schlussändlig muessi mi jo vor niemertem rächtfertige :-D hahaha freu !!!!!!!
Jo wie scho oft erwähnt isch denn am sunntig s mami und dr papi uf hamburg cho.....ah jo natürlich, mi unkle und si frau au no, hehe, fascht vergässe, sorryyy ;-)
Mir händ alli zämme oft öbis unternoh, was für uns ganz cool gsi isch, so hämer au ´mol öbis anders vo hamburg gseh als d reeperbahn, wo sowiso ufe sack goht mit dr zit !! und do jo mi papi sich reltiv guet uskennt in hamburg und die stadt liebt, naja, mir mitlerwiile au, isch das e richtig cooli wuche gsi....em dome sini eltere sind au no für ei daag cho und das het ihm glaub au ganz guet do, uf jedefall isches coo, gsi !!!!
Jo und jetzt hock i in St. pauli im internetkaffi und schrib in blog....dus isch e riise lärm wüll st. pauli grad es spiil kah het und mir reise morn wider ab in richtig erfurt um dr roberto z bsueche, de het jo z ibiza gschafft und chunnt am 4 september wider hei, aso zur fründin uf dütschland !!!
Drnooch hämer abem 10 september eigentlich arbet in eutin, was i jo scho verzellt ha, aber an mim geburtsdaag, wie glaub au scho erwähnt, simer wider churz s wucheend in ´bielefeld anere iiheimischmäldig, und denn erscht nacherd in eutin obe....
Das mit silvester in arosa stoht glaub....es paar vom dome siner gugge sind au dobe, i glaub das wird ganz luschtig und freu mi riisig uf d schwiz...wie gseit wärde mr denn glaub e zilt in dr schwiz umereise und i glaub denn ergit sich ganz bestimmt e möglichkeit sich im perosa oder so z träffe :-D hahaha, wie geil wär das denn !!! ;-) (oder suscht nöime)
So liebi lüt, das widermol was so gloffe isch bi mir, i hoff euch wirds nit langwilig dehei und dir händs alli guet !!!!
I wünsch euch allne nur s bescht uf dr wält und bis bald mol...i mäld mi wider, bi ab und zue au uf FZ online und es freut mi immer vo euch z köre, machets guet, eure viddli
Abonnieren
Posts (Atom)
