sali zämme

so, liebi lüt, i sitz widermol...:-)nachdäm s nis geschtert nacht womer duse pennt händ, so öbis vo gottströflich verpisst het, aso uf guet dütsch kei drochene socke me, kei droches örtli an dr kluft (und e kluft het lang zu drochne) hocke mr in landshuet, mehr oder weniger gstrandet bim vorarbeiter womer mool gschafft händ und unsri schlofseck wärde langsam wider droh !!!!!
Ach so, am 4i am morge hets uns verpisst, nur mol no so am rand !!!!

naja, irgendöbis isch jo immer und so bini nachdäm i s letscht mol gschribe ha abgreist und nach landshut go schaffe, 2 wuche...!! und ebe bi däm vorarbeiter sitze mr jetzt und warte bis d chleider wider droch sind...sini wohnig seht luschtig us, überall hänge chleider und kluftteil, nassi biecher was jo s schlimmschte isch !!!
Ich bi denn aber wider nachem schaffe in d schwiz, min vogtbursch go bsueche....i bi locker ime daag nach davos cho woni eigentlich die bekannte vo uns ha welle go bsueche woni schezigswiis sit 10 joor nüm gseh ha...die, sind aber leider nit dehei gsi, also hani bi räge irgendwo in dr nöchi vo dr iishalle ufere baustell übernachtet und bi am negschte daag nach scuol gange zum patric mim vogtbursch wo jetzt sitere knappe wuche uf dr stroos isch...!!!
Ach und no so am rand, i bi genau hüt 1 joor freiheitsbrueder :-D :-D :-D

nachdäm i in scuol obe wider verreist bi und mitem patric alles klärt ha, bini in richtig hamburg trampt, aso gnauer gseit marschacht an d iiheimischmäldig vom lars...dr lars isch 4 joor und 8 monet bi uns greist und isch e 2 meter maa, e total liebe siech.
sini heimgehtippelei isch zimli verstreut gsi, i bi in marschacht mit 2 rächtschaffene (schwarzi ehrbahrkeit) versackt, binere familie wo dr sohn au uf wanderschaft isch und sind denn 2 daag spöter nach hamburg, wo die ganze andere scho alli wider wäg gsi sind ;-) naja, so simer hald uf st pauli umegstiflet und hän uns schöni öbe gmacht...!! :-)
I bi d denn döt au mol no churz in internet und denn isch per zuefall mutti, also d fründin vo unsrem dachdecker in bielefeld online gsi und ich ha ihre so zum spass gschribe...si chönnte mich jo abhole in hamburg......und was mache si, si hocke ins auto und hole mi vo dr raschtstette ab, nachdäm i 3/4 stund verspötig kah ha.....
I sag euch die beide sind zvill....
I ha denn e wuche bim andi gschafft (widermol) wüller zimli im stress isch gsi oder immerno isch...es dach, nur dachlatte und denn ziegel....d first (obersti punkt ame dach) isch in 11 meter höchi......wennd abe keisch isch fertig.....und i glaub es hän alli e chli angscht kah ame döt obe....

A däm wucheend isch au no s CCEG fremdeträffe gsi....öbe 150 reisendi handwerksgselle in drinkluune...4600 liter bier sind bsellt gsi und öbe 1 tonne fleisch !!! ;-) sovill zu däm thema :-D

i bi denn am mentig abgreist in d schwiz, dr patric go abhole...i bi mitem armin, e reisende steimetz bi uns zu sim brueder und händ dört e nach übernachtet bis mr denn am mittwuch bim patric ahcho sind...
wie e sone losgehparty verlauft wüsse jo glaub die meischte, em patric ischs öbe gliich gange wie mir ddamals und am mentig isches für ihn übers ortsschild.....
die erscht wuche isch definitiv hart gsi gsi für ihn und au für uns, wo scho chli lenger unterwägs sind....vill räge wie scho am ahfang gseit, gfrore und vill trunke....
jettz gohts hüt in richtig nürnberg, also forchheim e chli oberhalb und denn in richtig norde über d nordseh insle und denn mitti juli, treffe mr mini eltere in flensburg.....
i freu mi zimli druf denn mir chönne vorussichtlig in dänemark ufem boot übernachte !!!!
Mi schweschterli sehni denn immernoni, die hani jetzt scho lenger als es joor nüm gseh LEIDER !!!!!!!!!!

aber ebe, irgendöbis isch immer und i hoff das lot sich bald ändere !!!! I vermiss sä nämli !!!

Also, machets guet und basset uf euch uf, i machs au...ganz liebi griess...eure viddli